San Juan 1:38 - Ti Baro a Naimbag a Damag Biblia

³⁸ Idi tumalliaw ni Jesus, nakitana ida a sumursurot kenkuana. “Ania ti sapsapulenyo?” sinaludsodna. “Sadino ti pagtaengam, Rabbi?” insungbatda. (“Maestro” ti kayat a sawen ti “Rabbi.”)

Ti Biblia (1973)

³⁸ Ket timmaliaw ni Jesus ket nakitana ida a sumursurot, cunana cadacuada: Ania ti sapulenyo? ket kinunada kencuana: Rabi, (a no maipatarus, cayatna a saoen, Mannursuro), adino ti pagtaengam?

San Juan 1:38 Iomraidhean Croise

1 Ar-ari 10:8

Naggasat ketdin dagiti assawam! Ket naggasat ketdin dagiti adipenmo a kanayon a makangngeg kadagiti nainsiriban a saom.

Dagiti Salmo 27:4

Adda dinawatko iti Apo, daytoy laeng ti kalikagumko: agnaedak koma iti balayna iti unos ti panagbiagko, tapno mabuyak ti dayagna ken kiddawek ti panangidalanna.

Dagiti Proverbio 13:20

Makikaduaka kadagiti masirib ket agbalinka met a masirib. Makigayyemka kadagiti maag ket madadaelka.

Dagiti Proverbio 3:18

Nagasat dagiti agbalin a masirib. Ti kinasirib ikkannanto ida iti biag.

Dagiti Proverbio 8:34

Nagasat ti tao a dumngeg kaniak— ti tao nga inaldaw nga adda iti ruanganko, nga agur-uray iti ridawko.

Dungdung-aw 5:19

Ngem sika, O Apo, arika iti agnanayon. Agturayka iti agnanayon nga awan inggana.

San Lucas 10:39

Adda kabsatna nga agnagan Maria a nagtugaw iti sakaanan ti Apo ket nagdengngeg iti pannursurona.

San Lucas 14:25

Iti naminsan, nakaad-adu a tattao ti sumursurot ken ni Jesus. Simmango ni Jesus kadakuada ket kinunana,

San Lucas 15:20

Pimmanaw ngarud sadiay ket nagrubbuat nga agsubli ken amana. “Adayo pay laeng iti balayda idi makita ni amana. Naasian ti ama ket timmaray a simmabat iti anakna. Inapungolna sana inagkan.

San Lucas 19:5

Timmangad ni Jesus idi mabatoganna ni Zakeo. “Zakeo,” kinunana, “darasem ti umulog, ta umayak idiay balaymo ita nga aldaw.”

San Lucas 22:61

Timmaliaw ti Apo ket pinerrengna ni Pedro. Nalagip ni Pedro daydi kinuna ti Apo: “Sakbay nga agtaraok ti kawitan ita nga aldaw, namitlonton nga imbagam a dinak am-ammo.”

San Lucas 8:38

Nagpakpakaasi ken Jesus ti lalaki a nakapaksiatan dagiti demonio a makikuyog koma kenkuana. Ngem pinagawid ni Jesus a kunana:

San Juan 1:37

Nangngeg dagiti dua nga adalan ti kinuna ni Juan, ket sinurotda ni Jesus.

San Juan 1:39

“Umayyo kitaen,” kinuna ni Jesus kadakuada. Nakikuyogda ken ni Jesus ket nakitada ti pagtaenganna. Gapu ta dandanin alas kuatro iti malem, nakidagusda kenkuana.

San Juan 1:49

“Maestro,” insungbat ni Natanael. “Sika ti Anak ti Dios! Sika ti Ari ti Israel!”

San Juan 12:21

Napanda ken ni Felipe a taga-Betsaida, iti probinsia ti Galilea. “Apo,” kinunada, “kayatmi koma a kitaen ni Jesus.”

San Juan 18:4

Agsipud ta ammo ni Jesus ti amin a mapasamak kenkuana, sinabatna ida. “Siasino ti sapsapulenyo?” kinunana.

San Juan 18:7

Sinaludsod manen ni Jesus kadakuada, “Siasino ti sapsapulenyo?” “Ni Jesus a taga-Nazaret,” kinunada.

San Juan 3:2

Iti maysa a rabii, napan ni Nicodemo ken ni Jesus. “Rabbi,” kinunana, “ammomi a maysaka a maestro nga imbaon ti Dios. Awan ti makaaramid kadagitoy a milagro nga ar-aramidem malaksid no adda kenkuana ti Dios.”

San Juan 3:26

Napanda ngarud ken ni Juan ket kinunada kenkuana, “Maestro, malagipmo daydi immay kenka iti akindaya a ballasiw ti Jordan, daydi imbagam kadakami? Mamumbuniagen, ket mapmapan kenkuana dagiti amin a tattao!”

San Juan 4:31

Kabayatanna, inayaban dagiti adalan ni Jesus, “Maestro, umayka manganen!”

San Juan 6:25

Idi masarakan dagiti tattao nga adda ni Jesus idiay ballasiw ti dan-aw, kinunada kenkuana, “Maestro, kaano ti yaaymo ditoy?”

Dagiti Aramid 10:21

Immulog ni Pedro ket kinunana kadagiti lallaki, “Siak ti sapsapulenyo. Apay kadi?”

Dagiti Aramid 10:29

Iti kasta, idi pinaayabannak, immayak a situtulok. Damagek ngarud no apay nga inayabannak.”

Ruth 1:16

Ngem insungbat ni Ruth, “Diyo koma kiddawen a panawankayo. Palubosandak koma a sumurot kadakayo. Umayak iti sadinoman a papananyo. Agnaedak iti sadinoman a pagnaedanyo. Kailiak metten dagiti kailianyo, ket ti Diosyo isu metten ti Diosko.