San Juan 1:3 - Ti Baro a Naimbag a Damag Biblia

³ Pinarsua ti Dios dagiti isuamin babaen kenkuana. Ket awan ti naparsua no saan a gapu kenkuana.

Ti Biblia (1973)

³ Dagiti isu-amin napaaddada gapu kencuana, ket no isu awan, awan ti napaadda cadagiti adda.

San Juan 1:3 Iomraidhean Croise

Genesis 1:1

Idi punganay, pinarsua ti Dios ti lubong.

Genesis 1:26

Kalpasanna, kinuna ti Dios, “Ita, aramidentayo ti tao. Umaspingdanto kadatayo, ket kalanglangatayto ida. Iturayandanto dagiti ikan, dagiti tumatayab, ken amin nga animal a naamo ken naatap, dadakkel ken babassit.”

Dagiti Salmo 102:25

Idi un-unana pinarsuam ti daga. Inaramidmo dagiti langit babaen iti bukodmo nga ima.

Dagiti Salmo 33:6

Babaen iti bilin ti Apo, naparsua dagiti langit; babaen iti saona, naparsua ti init, ti bulan, ken dagiti bituen.

Dagiti Proverbio 8:30

Addaak iti abayna a kas arkitekto, siak ti inaldaw a pagtaudan ti ragsakna ket kanayon a naragsakak iti imatangna—

Isaias 45:12

Siak ti nangaramid iti daga ken namarsua iti sangkataoan nga agnaed kenkuana. Inyukradko dagiti langit babaen iti bilegko; inurnosko ti init, ti bulan ken dagiti bituen.

Isaias 45:18

Pinarsua ni Yahweh dagiti langit— isu laeng ti pudno a Dios! sinukog ken inaramidna ti daga— inaramidna a natibker ken mataginayon awan inggana. Saanna nga inaramid nga awan serserbina, no di ket pagnaedan dagiti tattao. Isu ti agkuna, “Siak ni Yahweh, ket awanen ti sabali a Dios.

San Juan 1:10

Adda idin ti Sao ditoy lubong. Pinarsua ti Dios ti lubong babaen kenkuana; nupay kasta, saan a binigbig ti lubong.

San Juan 1:2

Manipud idi punganay, ti Sao kadua ti Dios.

1 Taga-Corinto 8:6

ngem kadatayo, maymaysa laeng ti Dios. Isu ti Ama a namarsua iti amin a banag ket gapu kenkuana, agbiagtayo. Maymaysa met ti Apo nga isu ni Jesu-Cristo. Naparsua ti amin a banag babaen kenkuana ket agbiagtayo gapu kenkuana.

Taga-Efeso 3:9

ken mangipakita kadagiti amin a tattao iti pannakaibanag daytoy nalimed a plano ti Dios. Iti amin a tiempo iti napalabas, inlemmeng ti Dios, isu a namarsua iti amin, daytoy nalimed a planona.

Hebreo 11:3

Gapu ta adda pammatitayo, maawatantayo a naparsua ti lubong babaen iti sao ti Dios ket iti kasta, napataud dagiti makita kadagiti saan a makita.

1 Juan 5:1

Anak ti Dios ti siasinoman a mamati a ni Jesus isu ti Cristo, ket ti siasinoman nga agayat iti maysa nga ama, ayatenna met ti anak dayta nga ama.

Paltiing 3:14

“Kastoy ti isuratmo iti anghel ti iglesia idiay Laodicea: “Daytoy ti mensahe nga aggapu ken ni Amen, ti matalek ken napudno a saksi, ti pangrugian ti amin a pinarsua ti Dios:

Paltiing 4:11

“Apo ken Diosmi! Maikarika nga umawat iti dayag, dayaw ken pannakabalin. Ta pinarsuam dagiti amin a bambanag, ket babaen iti pagayatam, naparsua ken naikkanda iti biag.”