San Juan 1:18 - Ti Baro a Naimbag a Damag Biblia

¹⁸ Awan pay ti nakakita iti Dios. Ti laeng Bugbugtong nga Anak, a kadua ti Ama, isu ti nangipakaammo kenkuana.

Ti Biblia (1973)

¹⁸ Awan ti nacakita iti Dios uray caano: ti Bugbugtong nga Anac, nga adda iti saclot ti Ama, isu ti nangipacaammo kencuana.

San Juan 1:18 Iomraidhean Croise

Genesis 16:13

Kinuna ni Agar iti bagina, “Pudno kadi a nakitak ti Dios ket sibibiagak pay laeng kalpasan ti pannakakitak kenkuana?” Ngarud, pinanagananna ni Yahweh a nakisarita kenkuana iti “Ti Dios a Makakita.”

Genesis 18:33

Pimmanaw ni Yahweh kalpasan ti panagsaona ket nagawid metten ni Abraham.

Exodo 23:21

Ipangagyo ket tungpalenyo ti amin nga ibagana. Diyo sukiren gapu ta siak ti nangibaon kenkuana ket dinto mapakawan ti siasinoman nga agsukir.

Exodo 24:10

Nakitada ti Dios ti Israel. Adda iti babaen ti sakana ti umasping iti pagnaan a nabaldosaan iti safiro ken asul a kas iti tangatang.

Dagiti Proverbio 8:30

Addaak iti abayna a kas arkitekto, siak ti inaldaw a pagtaudan ti ragsakna ket kanayon a naragsakak iti imatangna—

Isaias 40:11

Aywanannanto ti arbanna a kas iti agpaspastor iti animalna. Ummongennanto dagiti urbon ti karnero ket sakruyenna ida; siaanusto a mangidalan kadagiti innada.

Dungdung-aw 2:12

Umasugda kadagiti innada gapu iti bisin ken wawda. Mapasagda kadagiti kalsada a kasda la nasugatan. Main-inutda a matay iti saklot dagiti innada.

Numero 12:8

Iti kasta, makisaoak kenkuana iti rupanrupa. Nalawag ti pannakisaok kenkuana ket saan a kadagiti burburtia. Nakitana payen ti langak! Nagturedkayo ketdin a mangbabalaw ken ni Moises nga adipenko?”

San Mateo 11:27

“Inted kaniak ni Amak ti isuamin a banag. Awan ti makaam-ammo iti Anak no di laeng ti Ama. Awan met ti makaam-ammo iti Ama no di laeng ti Anak ken dagiti kayat ti Anak a pangipakaammoan kenkuana.

San Lucas 10:22

“Intalek kaniak ni Amak dagiti amin. Awan makaam-ammo iti Anak no di laeng ti Ama. Awan met makaam-ammo iti Ama no di laeng ti Anak ken dagiti kayat ti Anak a pangipakaammoan.”

San Juan 1:14

Nagbalin a tao ti Sao ket nakipagtaeng kadatayo; napnoan iti parabur ken kinapudno. Nakitami ti dayagna, ti dayag nga inawatna kas kakaisuna nga Anak ti Ama.

San Juan 12:41

Kinuna ni Isaias daytoy ta nakitana ti dayag ni Jesus, ket nagsao iti maipapan kenkuana.

San Juan 13:23

Iti abay ni Jesus, agtugtugaw ti idumdumana unay nga adalan.

San Juan 14:9

“Nabayagen a nakikadkaduaak kadakayo, Felipe, ngem dinak pay la gayam am-ammo?” insungbat ni Jesus. “Siasinoman a nakakita kaniak, nakitana metten ti Ama. Apay a kunam pay laeng nga ipakitak kadakayo ti Ama?

San Juan 17:26

Impakaammoka kadakuada, ket diak mamingga a mangipakaammo tapno ti ayatmo kaniak adda kadakuada ket addaak met kadakuada.”

San Juan 17:6

“Impakaammoka kadagiti tattao nga intedmo kaniak ditoy lubong. Kukuam ida, ket intedmo ida kaniak. Tinungpalda ti saom,

San Juan 3:11

Ibagak kenka ti pudno: Sawenmi ti ammomi, ket ibagami ti nakitami. Ngem diyo patien ti pammaneknekmi.

San Juan 6:46

Saanna a kayat a sawen daytoy nga addan nakakita iti Ama. Ti laeng naggapu iti Dios ti nakakita iti Ama.

2 Taga-Corinto 4:4

Saanda a mamati, ta ti isipda kinullaapan ni Satanas a mangituray iti daytoy a lubong, ket dida makita ti silaw nga aggapu iti Naimbag a Damag maipapan iti dayag ni Cristo a ladawan ti Dios.

Deuteronomio 4:12

Ket nagsao kadakayo ti Apo manipud iti apuy; nangngegyo ti timek ngem diyo nakita ti nagsao.

Taga-Colosas 1:15

Ni Cristo ti pudno a ladawan ti saan a makita a Dios. Isu ti inauna nga Anak, kayatna a sawen, katatan-okan kadagiti amin a parsua.

1 Timoteo 1:17

Iti agnanayon nga Ari a saan a matay ken saan a makita, isu a kakaisuna a Dios, maited koma ti dayaw ken dayag iti agnanayon nga awan inggana. Amen.

1 Timoteo 6:16

Isu laeng ti saan a matay. Agnaed iti silaw nga awan ti makaasideg. Awan ti siasinoman a nakakita kenkuana. Awan ti makakita kenkuana. Adda kenkuana ti dayag ken agnanayon a pannakabalin! Amen.

Josue 5:13

Idi adda ni Josue iti asideg ti Jerico, kellaat nakakita iti maysa a lalaki a siiiggem iti kampilan nga agtaktakder iti sangoananna. Inasitgan ni Josue ket sinaludsodna, “Maysaka kadi kadagiti soldadomi wenno maysaka a kabusor?”

1 Juan 4:12

Awan pay ti nakakita iti Dios. Ngem no agiinnayattayo, agtaeng ti Dios kadatayo ket maan-anay ti ayatna kadatayo.

1 Juan 4:20

Ulbod ti agkuna nga ay-ayatenna ti Dios ngem guraenna met ti kabsatna. Ta dina mabalin nga ayaten ti Dios a dina makita, no dina ayaten ti kabsatna a makitana.

1 Juan 4:9

Kastoy ti panangipakita ti Dios nga ay-ayatennatayo: Imbaonna ditoy lubong ti bugbugtong nga Anakna tapno maaddaantayo iti biag babaen kenkuana.

1 Juan 5:20

Ammotayo nga immayen ti Anak ti Dios, ket inikkannatayo iti pannakaawat tapno maammoantayo daydiay a pudno. Addatayo kenkuana a pudno, wen, addatayo ken ni Jesu-Cristo nga Anakna. Isu ti pudno a Dios ken ti biag nga agnanayon.