San Juan 1:14 - Ti Baro a Naimbag a Damag Biblia

¹⁴ Nagbalin a tao ti Sao ket nakipagtaeng kadatayo; napnoan iti parabur ken kinapudno. Nakitami ti dayagna, ti dayag nga inawatna kas kakaisuna nga Anak ti Ama.

Ti Biblia (1973)

¹⁴ Ket daydi a Verbo nagbalin a lasag, ket nakipaggian cadatayo: (ket nakitami ti dayagna, a cas la iti dayag ti Bugbugtong nga Anac ti Ama), napno ti parabur ken pudno.

San Juan 1:14 Iomraidhean Croise

Dagiti Salmo 2:7

Kuna ti ari, “Ipakaammok ti imbilin ti Apo. Kinunana kaniak, ‘Sika ti anakko, Ita nga aldaw, nagbalinak nga amam.

Dagiti Salmo 45:2

Sika ti kataeran a lalaki, nalaingka unay nga agbitla; binendisionannaka ti Dios iti awan inggana.

Dagiti Salmo 85:9

Pudno a sisasagana a mangisalakan kadagiti agraem kenkuana ket agtalinaedto ti dayagna iti dagatayo.

Isaias 40:5

Maiparangarangto ti dayag ti Apo, ket makitanto ti amin a tattao. Ti Apo a mismo ti nangikari iti daytoy.”

Isaias 53:2

Nagayatan ti Apo a dumakkel ti adipenna a kas maysa a mula a nagramut iti namaga a daga. Awan takneng ken daegna tapno maawisnakami. Awan ti makaay-ayo a buyana tapno makayawankami.

Isaias 7:14

Ngarud, ti Apo a mismo ti mangted kenka iti pagilasinan. Adtoy, agsikogto ti maysa nga agtutubo a balasang. Aganakto iti lalaki ket panagananna iti Immanuel.

Ezekiel 37:27

Sadiay, makipagnaedakto kadakuada. Siakto ti Diosda ket isudanto dagiti tattaok.

San Lucas 2:11

Ita nga aldaw, ditoy ili ni David, naipasngay ti mangisalakan kadakayo—ni Cristo nga Apo!

San Lucas 2:7

Inyanakna ti inauna nga anakna a lalaki ket binungonna iti lampin sana impaidda iti kulluong ta awan pagyananda iti pagdagdagusan.

San Lucas 9:32

Nargaan idi ti turog ni Pedro ken dagiti kaduana, ngem idi makariingda, nakitada ti dayag ni Jesus ken dagiti dua a lallaki nga agtatakder iti abayna.

San Juan 1:1

Idi punganay, addan ti Sao, ket ti Sao kadua ti Dios, ket ti Sao, Dios.

San Juan 11:40

“Diak kadi imbaga kenka a no mamatika, makitamto ti dayag ti Dios?” kinuna ni Jesus.

San Juan 14:6

“Siak ti dalan, ken ti pudno, ken ti biag; awan ti makapan iti Ama no di magna kaniak,” insungbat ni Jesus.

San Juan 14:9

“Nabayagen a nakikadkaduaak kadakayo, Felipe, ngem dinak pay la gayam am-ammo?” insungbat ni Jesus. “Siasinoman a nakakita kaniak, nakitana metten ti Ama. Apay a kunam pay laeng nga ipakitak kadakayo ti Ama?

San Juan 17:22

Intedko kadakuada ti dayag nga intedmo kaniak tapno agmaymaysada a kas iti panagmaymaysata.

San Juan 17:24

“Ama, intedmo ida kaniak, ket kayatko a no sadinoman ti ayanko, addada met koma sadiay tapno makitada ti dayagko. Wen, ti dayag nga intedmo kaniak, ta inayatnak sakbay a naparsua ti lubong.

San Juan 18:37

Isut' gapuna a sinaludsod ni Pilato, “No kasta, maysaka nga ari?” “Nasaomon,” insungbat ni Jesus. “Nayanakak ditoy lubong tapno paneknekak ti pudno. Dumngeg kaniak ti siasinoman nga adda iti pudno.”

San Juan 2:11

Inaramid ni Jesus daytoy umuna a milagro idiay Cana, maysa nga ili ti Galilea. Impakitana ti dayagna sadiay, ket namati kenkuana dagiti adalanna.

San Juan 3:16

Gapu iti kasta unay a panagayat ti Dios iti lubong, intedna ti Bugbugtong nga Anakna tapno ti siasinoman a mamati kenkuana saan a matay no di ket agbiag nga agnanayon.

San Juan 3:18

Saan a maukom ti siasinoman a mamati iti Anak. Ngem naukomen ti di mamati agsipud ta saan a namati iti Bugbugtong nga Anak ti Dios.

San Juan 6:51

Siak ti sibibiag a tinapay a naggapu sadi langit. No kanen ti siasinoman daytoy a tinapay, agbiagto nga agnanayon. Ket ti tinapay nga itedkonto isu ti lasagko. Wen, itedko tapno agbiag ti lubong.”

San Juan 8:32

Maammoanto ti pudno, ket ti pudno wayawayaannakayto.”

Dagiti Aramid 13:33

Tinungpalnan ita kadatayo a kaputotanda babaen iti panangpagungarna ken ni Jesus. Kas nailanad iti maikadua a Salmo: ‘Sika ti Anakko; Ita nga aldaw, nagbalinak nga Amam.’

Taga-Roma 8:3

Inaramid ti Dios ti saan a kabaelan nga aramiden ti Linteg gapu iti kinarasi ti tao. Inukomna ti basol ti kinatao. Imbaonna ti mismo nga Anakna nga addaan iti naintaoan a kasasaad tapno pukawenna ti basol.

Taga-Roma 9:5

Kaputotan ida dagiti amma, ket kadaraanda ni Cristo no maipapan iti lasag. Madaydayaw koma iti agnanayon ti Dios a mangituray iti amin! Amen.

1 Taga-Corinto 15:47

Naaramid iti tapok ti umuna nga Adan. Naggapu sadi langit ti maikadua.

2 Taga-Corinto 12:9

Ngem insungbatna kaniak: “Umanayen kenka ti paraburko; ta napigpigsa ti pannakabalinko no nakapsutka.” Ngarud, maragsakanak unay a mangitangsit iti aniaman a kinakapsutko tapno mariknak ti pannalaknib ti pannakabalin ni Cristo.

Taga-Galacia 4:4

Ngem idi dimtengen ti tumutop a tiempo, imbaon ti Dios ti mismo nga Anakna. Immay a nayanak iti babai; nagbiag iti babaen ti Linteg dagiti Judio

Taga-Efeso 3:8

Siak ti kanumoan kadagiti nanumo a tattao ti Dios, ngem siak ti pinili ti Dios a mangipakaammo kadagiti Hentil iti di matukod a kinabaknang ni Cristo,

Taga-Colosas 1:19

Ta inkeddeng ti Dios nga agtaeng ti naan-anay a galadna iti Anak.

Taga-Colosas 2:3

isu ti nangiparang iti amin a gameng ti kinasirib ken pannakaammo.

Taga-Colosas 2:9

Ngamin, agtaeng ken Cristo a kas tao ti amin a galad ti Dios,

1 Timoteo 3:16

Anian a nagdakkel ti palimed ti pammatitayo: Isu ket nagparang a kas tao, Pinaneknekan ti Espiritu ti kinalintegna, Ket nakita dagiti angheles. Naikaskasaba kadagiti pagilian, Pinati dagiti tattao iti entero a lubong, Ket nayuli sadi langit.

Hebreo 1:3

Ti Anak ti mangipakita iti dayag ti Dios. Isu ti napaypayso a ladawan ti kinadiosna. Isu pay ti mangtartarawidwid iti amin a lubong babaen iti mannakabalin a saona. Kalpasan ti pananggun-odna iti pannakapakawan ti basol ti sangkataoan, nagtugaw sadi langit iti makannawan ti Kangatoan a Pannakabalin.

Hebreo 1:5

Awan a pulos kadagiti angheles ti nangibagaan ti Dios, “Sika ti Anakko; Ita nga aldaw, nagbalinak nga Amam.” Awan met ti anghel a nangikarianna, “Siakto ti Amana, Ket isunto ti Anakko.”

Hebreo 10:5

Daytoy ti gapuna nga idi umayen ni Cristo ditoy lubong, kinunana iti Dios: “Dimo tarigagayan dagiti sakrifisio ken daton, ngem insaganaannak iti maysa a bagi.

Hebreo 2:11

Dalusanna dagiti tattao iti basolda, ket isu ken dagiti nadalusan maymaysa ti Amada. Isut' gapuna a saan a mabain ni Jesus a mangawag a kakabsatna ida,

Hebreo 5:5

Kasta met a saan a dinutokan ni Cristo ti bagina a Kangatoan a Padi. Kinuna ketdi ti Dios kenkuana, “Sika ti Anakko; Ita nga aldaw, nagbalinak nga Amam.”

1 Juan 4:14

Nakita ken paneknekanmi nga imbaon ti Ama ti Anakna a Mangisalakan iti lubong.

1 Juan 4:9

Kastoy ti panangipakita ti Dios nga ay-ayatennatayo: Imbaonna ditoy lubong ti bugbugtong nga Anakna tapno maaddaantayo iti biag babaen kenkuana.

2 Juan 1:7

Nagwarasen ditoy lubong ti adu a mangallilaw, tattao a di mangbigbig nga immay ni Jesu-Cristo iti lasag. Mangallilaw ken Kabusor ni Cristo dagiti kakasta a tattao.

Paltiing 19:13

Daradara ti pagan-anayna. “Sao ti Dios” ti nagan a pangawagda kenkuana.

Paltiing 21:3

Nakangngegak iti napigsa a timek a naggapu iti trono. Kunana: “Agnaeden ti Dios iti sidong dagiti tattao! Makipagtaengto kadakuada ket isudanto ti ilina. Kaduadanto ti Dios, ket isunto ti Diosda.