San Juan 1:12 - Ti Baro a Naimbag a Damag Biblia

¹² Ngem adda met dagiti immawat ken namati kenkuana, isut' gapuna nga inikkanna ida iti kalintegan nga agbalin nga annak ti Dios.

Ti Biblia (1973)

¹² Ngem cadagiti amin nga immawat kencuana, iniccanna ida ti calintegan nga agbalin nga anac ti Dios cadagidiay a mamati iti naganna:

San Juan 1:12 Iomraidhean Croise

2 Samuel 7:24

Pinagbalinmo dagiti Israelita a tattaom iti agnanayon, ket sika, O Apo, ti nagbalin a Diosda.

Isaias 56:5

malaglagipto ti naganmo iti Templok. Napapautto ti pannakalagipna iti sidong dagiti tattaok ngem no adda koma annakmo. Ni kaano man dikanto malipatan.”

Jeremias 3:19

Kuna ti Apo, “Israel, tinarigagayak nga awatenka a kas anak, ket ikkanka iti kapintasan a daga iti lubong. Impagarupko nga ibilangnak nga ama ken saannakton a paglikudan.

Oseas 1:10

Umadunto dagiti Israelita. Kasdanto iti darat ti taaw a saan a marukod wenno mabilang ti kaaduda. Kuna ti Dios kadakuada, “Saan a dakayo dagiti tattaok,” ngem umayen ti aldaw a kunana kadakuada, “Dakayo ti annak ti sibibiag a Dios!”

San Mateo 10:40

“Siasinoman nga umawat kadakayo, siak met laeng ti awatenna. Siasinoman nga umawat kaniak, awatenna met ti nangibaon kaniak.

San Mateo 12:21

Ket mangnamnamanto kenkuana dagiti amin a tattao.”

San Mateo 18:5

Ket ti siasinoman nga umawat iti maysa kadagiti kakastoy nga ubbing gapu kaniak, siak ti awatenna.”

San Juan 1:11

Napan iti ilina, ngem saan nga inawat dagiti kailianna.

San Juan 1:7

Immay a mangpaneknek kadagiti tattao maipapan iti silaw tapno mangngegda ti mensahe ket mamatida.

San Juan 11:52

ket saan laeng a gapu kadakuada no di ket tapno pagkaykaysaenna amin dagiti naiwaraswaras nga annak ti Dios.)

San Juan 2:23

Idi adda ni Jesus idiay Jerusalem bayat ti Fiesta ti Paskua, adu ti namati kenkuana idi nakitada dagiti milagro nga inaramidna.

San Juan 20:31

Dagiti nailanad iti daytoy a libro, naisuratda tapno mamatikayo a ni Jesus isu ti Cristo nga Anak ti Dios, ket babaen iti daytoy a pammati, maaddaankayo koma iti biag gapu kenkuana.

San Juan 3:18

Saan a maukom ti siasinoman a mamati iti Anak. Ngem naukomen ti di mamati agsipud ta saan a namati iti Bugbugtong nga Anak ti Dios.

Dagiti Aramid 3:16

Ti pannakabalin ti naganna ti nangpapigsa iti daytoy a tao. Ti makita ken ammoyo ket naaramid babaen ti pammati ti naganna; ti pammati ken ni Jesus ti nangpaimbag iti daytoy a tao kas makitayo amin.

Taga-Roma 8:14

Annak ti Dios dagiti idalan ti Espiritu ti Dios.

Taga-Roma 8:16

Makidanggay ti Espiritu ti Dios kadagiti espiritutayo a mangipakaammo nga annaknatayo ti Dios.

Taga-Roma 8:19

Sigagagar ti sangaparsuaan nga agur-uray iti Dios a mangiparangarang kadagiti annakna.

Taga-Galacia 3:26

Annaknakayo amin ti Dios babaen iti pammati gapu iti pannakipagmaymaysayo ken ni Cristo Jesus.

Taga-Galacia 4:6

Tapno maipakita nga annaknakayo ti Dios, imbaonna ti Espiritu ti Anakna iti puspusotayo. Daytoy ti Espiritu nga umawag iti “Ama! Tatangko!”

Taga-Colosas 2:6

Yantangay ta inawatyon ni Cristo Jesus a kas Apo, agbiagkayo koma a mainaig kenkuana.

2 Pedro 1:4

Kastoy ti pannangtedna kadatayo kadagiti naindaklan ken napapateg a sagut nga inkarina tapno malisianyo ti pannakadadael a pinarnuay dagiti nailubongan a tarigagay ket nairanudkayo iti nadiosan a kasasaadna.

1 Juan 3:1

Kitaenyo no kasano ti kadakkel ti panagayat ti Ama kadatayo! Wen, kasta unay ti panagayatna kadatayo ta maawagantayo nga annak ti Dios, ket pudno a kastatayo. Dinatayo bigbigen ti lubong agsipud ta dina binigbig ti Dios.

1 Juan 3:10

Ti nalawag a pakaigiddiatan dagiti annak ti Dios kadagiti annak ti Diablo isu daytoy: Saan nga anak ti Dios ti siasinoman a di agaramid iti naimbag wenno di agayat iti kabsatna.

1 Juan 3:2

Ay-ayatek a gagayyem, annaknatayon ti Dios, uray no saan pay a nalawag no anianto ti pagbalinantayo. Ngem ammotayo nga inton agparang ni Cristo, agbalintayto a kas kenkuana, agsipud ta makitatayto ti kinasiasinona.

1 Juan 3:23

Daytoy ti bilinna: Masapul a mamatitayo iti nagan ni Jesu-Cristo nga Anakna ken agiinnayattayo a kas imbilin ni Cristo.