Josue 8:2 - Ti Baro a Naimbag a Damag Biblia

² Aramidem iti Ai ken iti arina ti kas iti inaramidmo iti Jerico ken iti arina. Ngem ita, mabalinyo a samsamen dagiti sanikua ken animal. Mangibaonka kadagiti soldado iti laud ti Ai tapno kellaatenda a rauten ti siudad iti likudan.”

Ti Biblia (1973)

² Ket aramidemto iti Ai ken iti arina ti cas inaramidmo iti Jerico ken iti arina: isuna laeng ti samsamna, ken dagiti an-animalna, ti alaemto a cayawyo: mangisaadca iti maysa a pagsaneban a maipaay iti ili iti licudanna.

Josue 8:2 Iomraidhean Croise

2 Cronicas 13:13

Kabayatanna, nangibaon ni Jeroboam iti sumagmamano a soldadona a mangdarup iti armada ti Juda iti likud ket dagiti dadduma sarangtenda ida iti sangon-sango.

2 Cronicas 20:22

Idi rugianda ti agkanta, winarawara ni Yahweh ti armada dagiti kabusor.

Dagiti Salmo 39:6

awan giddiatna iti anniniwan! Wen, ubbaw amin dagiti aramidna; agurnong iti kinabaknang ngem dina ammo no siasinonto ti agnam-ay iti sanikuana!

Dagiti Proverbio 13:22

Addanto kinabaknang ti naimbag a tao nga ipatawidna kadagiti appokona, ngem mapan kadagiti nalinteg ti kinabaknang dagiti managbasol.

Dagiti Proverbio 28:20

Ti tao a di agsaur, agturong iti naan-anay ken naragsak a biag. Ngem no gumanatka a bumaknang, madusakanto.

Jeremias 17:11

Ti tao a sinusuitik ti panagsapulna iti kuarta arigna iti tumatayab a mangukop iti itlog a dina kukua. Mapukaw ti kinabaknangna bayat ti kinaagtutubona, ket agbalin a maag iti kamaudiananna.

Jeremias 51:12

Ibayogyo ti pagilasinan ti pannakadarup dagiti bakud ti Babilonia. Nayonanyo dagiti guardia! Ipuestoyo dagiti agbantay kadagiti lugarda. Pagsaganaenyo dagiti agsaneb.” Tinungpal ni Yahweh ti imbagana nga aramiden kadagiti taga-Babilonia.

Deuteronomio 2:35

Innalatayo dagiti bakada ket nagsamsamtayo kadagiti ili.

Deuteronomio 20:14

Ngem mabalinyo nga alaen dagiti babbai ken ubbing, dagiti animal ken amin a masarakanyo iti siudad. Mabalinyo nga usaren ti amin a kukua dagiti kabusoryo. Inted kadakayo ti Apo a Diosyo dagitoy.

Deuteronomio 3:2

Ngem kinuna kaniak ti Apo, ‘Dika agbuteng, ta inyawatko kenkan ni Og, agraman dagiti tattaona, ken ti dagana. Aramidem met kenkuana ti kas iti inaramidmo ken ni Sihon nga ari dagiti Amorreo a nagturay idiay Hesbon.’

Josue 10:1

Nadamag ni Adonisedec nga ari ti Jerusalem a pinarmek ken dinadael ni Josue ti Ai sana pinapatay ti ari sadiay, kas iti inaramidna iti Jerico ken iti arina. Nadamagna pay a nakikappia dagiti taga-Gabaon kadagiti Israelita ket makipagnanaedda kadakuada.

Josue 10:28

Iti dayta met la nga aldaw, rinaut ken pinarmek da Josue ti Makeda ken ti arina. Pinapatay da Josue dagiti amin a tattao iti siudad; awan ti nabati a sibibiag. Inaramidna iti ari ti Makeda ti kas iti inaramidna iti ari ti Jerico.

Josue 11:14

Innala dagiti Israelita dagiti amin a napapateg a banag ken dagiti animal kadagitoy a siudad, ket tinagikuada. Pinatayda amin a tattao—awan imbatida a sibibiag.

Josue 6:21

Inuloyanda babaen iti kampilan dagiti amin nga adda iti siudad, lallaki ken babbai, ubbing ken lallakay. Pinatayda met dagiti baka, karnero ken asno.

Josue 8:12

Nangala ni Josue iti aglimaribu a mannakigubat sana pinaglemmeng ida iti laud ti siudad, iti nagbaetan ti Ai ken Betel.

Josue 8:14

Naggunay a dagus ti ari ti Ai idi makitana dagiti tattao ni Josue. Rimmuar agraman dagiti tattaona, ket nagturongda iti tanap ti Jordan tapno gubatenda dagiti Israelita iti disso a nagrarangetanda idi. Dina ammo nga adda aggapu iti laud a mangdarup kenkuana.

Josue 8:19

Apaman a naingatona ti imana, dagus a nagtaray dagiti aglemlemmeng a mannakigubat ket sinerrekda ti siudad sada sinakup. Pinuoranda a dagus.

Josue 8:24

Pinapatay dagiti Israelita dagiti amin a kabusor iti natikag a tay-ak a nangkamatanda kadakuada. Kalpasanna, nagsublida idiay Ai ket pinapatayda amin a nabati iti siudad.

Josue 8:3

Iti kasta, nagsagana ni Josue ken ti amin a mannakigubat a sumang-at idiay Ai. Nangpili iti 30,000 kadagiti kalaingan a mannakigubat, ket imbaonna ida iti rabii.

Josue 8:7

Rummuarkayonto metten iti paglemlemmenganyo sayonto sakupen ti siudad. Yawatto ti Apo a Diosyo ti siudad kadakayo.

Josue 8:8

Kalpasan ti panangsakupyo iti siudad, puoranyonto kas imbilin ti Apo. Tungpalenyo dagitoy a bilin.”

Josue 8:9

Imbaon ngarud ida ni Josue ket napanda iti paglemmenganda, iti laud ti Ai, iti nagbaetan ti Ai ken ti Betel. Iti dayta a rabii, immian ni Josue iti kampo.

Josue 9:3

Ngem nadamag dagiti Heveo nga agnaed iti Gabaon ti inaramid ni Josue iti Jerico ken iti Ai