Josue 8:1 - Ti Baro a Naimbag a Damag Biblia

¹ Kinuna ni Yahweh ken ni Josue, “Alaem ti entero a buyotmo ket rautenyo ti Ai. Dika agbuteng wenno maupay. Yawatko kadagiti imam ti ari, dagiti tattaona, ti siudad ken ti daga.

Ti Biblia (1973)

¹ Ket ni Jehova kinunana ken Josue, Dica agbuteng, ken dica met agcullayaw: alaem a cumuyog kenca amin a tattao ti gubat ket tumacderca, sumangatca idiay Ai; kitaem, nga inyawatco ita imam ti ari ti Ai, ken dagiti tattaona, ken ti ilina, ken ti dagana:

Josue 8:1 Iomraidhean Croise

Dagiti Salmo 27:1

Ti Apo ti silaw ken salakanko; siasino ti kabutengko? Ti Apo ti sarikedked ti biagko; siasino ti kaamakko?

Dagiti Salmo 44:3

Dida pinarmek ti daga iti kampilan wenno bilegda, ngem babaen iti pannakabalin ken pigsam, babaen iti pammatalged ti kaaddam, a mangpaneknek nga inay-ayatmo ida.

Dagiti Salmo 46:11

Adda kadatayo ti Apo a Mannakabalin-amin; ti Dios ni Jacob ti kamangtayo!

Isaias 12:2

Ti Dios ti mangisalakan kaniak, agtalekak kenkuana ket awan pagbutngak. Ti Apo ti mangted iti bileg ken pigsak, wen, isu ti mangisalakan kaniak.

Isaias 43:2

No aglasatka kadagiti adalem a karayan, addaakto kenka; dinakanto parmeken dagiti pakariribukam. No magnaka iti apuy, dikanto mauram; dikanto maan-ano kadagiti nakaro a pakasuotam.

Jeremias 46:27

Kuna ti Apo, “Dikay agbuteng, dakayo a tattaok; dikay agamak, dakayo nga Israelita. Isalakankayto iti dayta adayo a daga, iti daga a nakaibaludanyo. Agsubli ken agbiagkayto a sitatalna; natalgedkayto ket awanto ti mangbutbuteng kadakayo.

Jeremias 49:3

Agsangitkayo, dakayo a taga-Hesbon. Nadadaelen ti Ai a siudadyo. Agdung-awkayo, dakayo a babbai a taga-Rabba! Agpanes ken agsangitkayo. Agtaraykayo a diyo ammo ti turturongenyo, ta maitalawto ni didiosenyo a Milcom agraman dagiti papadi ken prin sipena.

Daniel 2:21

Iturayanna dagiti panawen ken tiempo; isu ti mangisaad ken mangikkat kadagiti ari. Ikkanna dagiti tattao iti sirib ken pannakaawat.

Daniel 4:25

Maibellengkanto iti tay-ak ket agyankanto sadiay a kaduam dagiti atap nga animal. Pitonto a tawen a mangmanganka iti ruot a kas iti baka ken maturog iti ruar a malinlinnaawan. Kalpasanna, annugotemto nga iturayan ti Dios a Kangatoan ti amin a pagarian ti tao ken mabalinna nga isaad nga ari ti siasinoman a pilienna.

Daniel 4:35

Ibilangna dagiti tattao ti daga a kasla awan serserbida; iturayanna dagiti angheles sadi langit ken dagiti tattao ditoy daga. Awan ti sumupring iti pagayatanna, wenno mangbabalaw iti aramidna.

San Mateo 8:26

“Apay nga agbutengkayo?” kinuna ni Jesus. “Nagbassit ketdin ti pammatiyo!” Bimmangon ni Jesus. Pinagtalnana ti angin ken dagiti dalluyon ket nagkalma iti kasta unay.

Deuteronomio 1:21

Adtoy ti daga nga ited kadakayo ti Apo a Dios dagiti kapuonanyo. Inkayo tagikuaen a kas imbilinna. Dikay agbuteng wenno maupay.’

Deuteronomio 31:8

Ti Apo a mismo ti mangidalan ken kumuyogto kenka. Dinakanto paayen wenno baybay-an. Isut' gapuna a dika agbuteng wenno maupay.”

Deuteronomio 7:18

Dikay agbuteng kadakuada. Lagipenyo ti inaramid ti Apo a Diosyo iti ari ti Egipto ken amin a tattaona,

Deuteronomio 7:21

Dikay agbuteng kadagitoy a tattao. Adda kadakayo ti Apo a Diosyo; naindaklan a Dios ken rumbeng a pagbutngan.

Josue 1:9

Laglagipem ti bilinko: ‘Pakirdem ti pakinakemmo. Dika agbuteng wenno maupay, ta siak, ti Apo a Diosmo, addaak latta kenka iti sadinoman a papanam.’”

Josue 10:7

Manipud Gilgal, nagrubbuat ni Josue ken ti armadana agraman dagiti kalaingan a soldadona.

Josue 10:8

Kinuna ni Yahweh ken ni Josue, “Saanka nga agbuteng kadakuada, ta intedko kenkan ti balligi. Awanto ti uray maysa kadakuada a makabael a sumaranget kenka.”

Josue 2:24

“Awan duadua nga inteden ti Apo ti entero a pagilian kadatayo,” kinunada kenkuana. “Mabuteng dagiti amin a tattao sadiay kadatayo.”

Josue 6:2

Kinuna ni Yahweh ken ni Josue, “Yawatko kenka ti Jerico ken ti arina, agraman dagiti natutured a soldadona.

Josue 7:9

Inton madamag daytoy dagiti Cananeo ken dagiti amin a tattao iti pagilian, alikubkobendakami ket patayendakaminto amin. Ania ngarud ti aramidem tapno masalaknibam ti dayawmo?”