Josue 5:2 - Ti Baro a Naimbag a Damag Biblia

² Kinuna ni Yahweh ken ni Josue, “Agaramidka kadagiti imuko iti natangken a bato ket kugitem amin dagiti Israelita.”

Ti Biblia (1973)

² Iti daydi a tiempo ni Jehova kinunana ken ni Josue, Mangaramidca cadagiti im-imuco a pamulinawen ket cugitem manen a piduaen dagiti annac ti Israel.

Josue 5:2 Iomraidhean Croise

Exodo 4:25

Nangala ni Sefora iti natadem a bato ket kinugitna ti anakna sana insagid ti nageppas a kudil kadagiti dapan ni Moises. Gapu iti seremonia ti pannakakugit, kinunana ken ni Moises, “Asawaka babaen iti dara.” Iti kasta, pinalubosan ni Yahweh nga agbiag ni Moises.

Taga-Roma 2:29

Ngem ti pudno a Judio, isu ti Judio iti uneg, kayatna a sawen, nakugit ti pusona babaen iti Espiritu ti Dios a saan ket a babaen iti naisurat a Linteg. Ti pannakaidaydayaw ti kasta a tao aggapu iti Dios, saan a kadagiti tattao.

Taga-Roma 4:11

Naud-udi ti pannakakugitna, ket ti pannakakugitna ti mangpaneknek nga inawat ti Dios a kas nalinteg ni Abraham gapu iti pammatina sakbay a nakugit. Iti kasta, ni Abraham ti naespirituan nga ama dagiti amin a mamati iti Dios, ket awaten ti Dios a kas nalintegda uray pay no saanda a nakugit.

Deuteronomio 10:16

Manipud ita, agtulnogkayo iti Apo ket ikkatenyon ti kinasukiryo.

Deuteronomio 30:6

Pabaroennakayto ti Apo ket agbalinkayto a natulnog tapno ayatenyo iti amin a puso ken kararuayo ken agtultuloykayto nga agnaed iti dayta a daga.

Taga-Colosas 2:11

Nakugitkayo iti pannakikaysayo ken Cristo, saan nga iti pannakakugit nga aramid ti tao, no di ket iti pannakakugit nga agtaud ken ni Cristo—ti panangiwaksiyo iti daytoy managbasol a bagi.

Josue 5:3

Iti kasta, nagaramid ni Josue kadagiti natadem a bato ket kinugitna dagiti Israelita iti maysa a lugar a maaw-awagan iti Gibeat-haaralot.