Josue 3:5 - Ti Baro a Naimbag a Damag Biblia

⁵ Imbaga met ni Josue kadagiti tattao, “Pasantoenyo ti bagiyo ta inton bigat, adunto ti makitayo a naindaklan a banag nga aramiden ti Apo.”

Ti Biblia (1973)

⁵ Ket ni Josue kinunana cadagiti tattao: Santificarenyo dagiti bagbagiyo, ta intono bigat ni Jehova agaramidto cadagiti datdatlag iti tengngayo.

Josue 3:5 Iomraidhean Croise

Ti Libro ni Job 1:5

Tunggal malpas ti padaya, bumangon a masapa ni Job ket agpuor kadagiti daton a maipaay iti pannakadalus dagiti annakna. Naipaugali nga aramidenna daytoy ta kunkunana iti bagina, “Amangan no nagbasol dagiti annakko babaen iti pananglaisda iti Dios iti unegda.”

Dagiti Salmo 77:15

Babaen iti bilegmo, sinubbotmo dagiti bukodmo a tattao, dagiti kaputotan da Jacob ken Jose.

Dagiti Salmo 86:10

Mannakabalinka, ket nakaskasdaaw dagiti aramidmo; siksika laeng ti Dios, awanen sabali.

Joel 2:16

Ummongenyo dagiti tattao; isaganayo ida a tumabuno iti sagrado a gimong. Yegyo dagiti babbaket ken lallakay; ummongenyo dagiti ubbing, uray pay dagiti maladaga. Uray dagiti kakaskasar, masapul a panawanda ti balayda ket umayda.

Levitico 10:3

Kalpasanna, kinuna ni Moises ken ni Aaron, “Daytoy ti kayat a sawen ti Apo idi kinunana, ‘Masapul a raemen dagiti amin nga agserserbi kaniak ti kinasantok. Iparangarangkonto ti dayagko kadagiti tattaok.’” Ngem nagulimek ni Aaron.

Levitico 20:7

Ipaayyo ti biagyo kaniak tapno agbalinkayo a nasantoan ta siak ni Yahweh a Diosyo.

Numero 11:8

No agtinnag ti linnaaw iti kampo iti rabii, agtinnag met dagiti mana. Iti bigat, rummuar dagiti tattao ket agurnongda iti mana. Gilingen wenno baywenda agingga nga agbalin nga arina nga aramidenda a bibingka. Kasla tinapay a nalaokan iti lana ti olibo ti ramanna.)

San Juan 17:19

Gapu kadakuada, idatonko kenka toy bagik tapno mapasantoda met iti kinapudno.

Josue 3:13

Inton tumapog dagiti papadi a mangaw-awit iti Lakasa ti Tulag ti Apo, ti Apo ti amin a daga, agsardengto nga agayus ti Jordan, ket agpundonto iti maysa a disso ti danum nga aggapu iti surong.”

Josue 3:4

Ipakaammoda no sadino ti pagnaanyo, ta dikay pay nagnagna ditoy. Ngem dikay umas-asideg iti Lakasa ti Tulag. Paunaenyo iti agarup kagudua a kilometro.”

Josue 3:6

Kalpasanna, binilinna dagiti papadi a bagkatenda ti Lakasa ti Tulag ket umun-unada ngem dagiti tattao. Tinungpalda ti imbagana.

Josue 7:13

Bumangonka! Pasantoem dagiti tattao ket pagsaganaem ida a dumatag kaniak. Ibagam nga agsaganada a sumango kaniak inton bigat ta siak a Dios ti Israel, kunak daytoy: ‘Israel, adda kenka ti sumagmamano a banag a nairanta a madadael. Dimo kabaelan a sarangten dagiti kabusormo malaksid no ibellengmo dagitoy!’

1 Samuel 16:5

“Wen,” insungbat ni Samuel. “Addaak ditoy tapno mangidatagak iti daton a mapuoran iti Apo. Dalusanyo dagiti bagbagiyo ket kumuyogkayo kaniak.” Pinadalusanna met ni Jesse ken dagiti annakna, ket inimbitaranna ida a dumar-ay iti panagidaton.