Josue 3:3 - Ti Baro a Naimbag a Damag Biblia

³ ket imbagada kadagiti tattao: “Inton makitayo nga aw-awiten dagiti papadi ti Lakasa ti Tulag ti Apo a Diosyo, agrubbuatkayon ket surotenyo ida.

Ti Biblia (1973)

³ Ket nagbilinda cadagiti tattao, a cunada, Intono makitayo coma ti lacasa ti tulag ni Jehova a Diosyo, ken dagiti papadi a dagiti Levitas a sia-awit kencuana, dacayo pumanawcayto iti yanyo, ket sumurotcayo kencuana.

Josue 3:3 Iomraidhean Croise

2 Samuel 6:13

Idi nakaadayo iti innem nga addang dagiti lallaki a nagawit iti Lakasa ti Tulag, pinagsardeng ida ni David sa nangidaton iti maysa a baka ken maysa a nalukmeg a karnero.

2 Samuel 6:3

Innalada iti balay ni Abinadab nga adda iti tuktok ti turod ket inkargada iti baro a karison sada pimmanaw. Da Uzza ken Ahio nga annak ni Abinadab ti mangiturturong iti karison.

1 Ar-ari 8:3

Idi nagummong dagiti amin a panglakayen, innala dagiti papadi ti Lakasa ti Tulag.

Jeremias 33:18

Addanto latta padi nga agtaud iti tribu ni Levi nga agserbi kaniak ken mangidatag kadagiti daton a mapuoran, kadagiti daton a makan ken kadagiti sakrifisio.”

Numero 10:33

Pimmanaw dagiti tattao iti Sinai, ti nasantoan a bantay, ket nagdaliasatda iti tallo nga aldaw. Immun-una ti Lakasa ti Tulag ni Yahweh tapno mangbirok iti lugar a pagkampoanda.

Numero 4:15

Inton orasen ti yaalisda, umay ti kapuonan ni Coat a mangawit kadagiti nasagradoan nga alikamen ken amin a ramramit dagitoy ngem kalpasan laeng a nabalkoten dagitoy ni Aaron ken dagiti annakna. Maiparit kadagiti kaputotan ni Coat a sagidenda dagiti nasagradoan nga alikamen ta matayda no sagidenda. Dagitoy ti awitenda tunggal mayakar ti Tolda a Paguummongan.

San Mateo 16:24

Kalpasanna, kinuna ni Jesus kadagiti adalanna: “Ti agtarigagay a sumurot kaniak masapul a tallikudanna ti bagina, ibaklayna ti krusna, ket surotennak.

San Mateo 8:19

Immasideg kenkuana ti maysa a maestro iti Linteg ket kinunana, “Maestro, sisasaganaak a sumurot kenka iti sadinoman a papanam.”

Deuteronomio 31:25

kinunana kadagiti papadi a Levita a mangay-aywan iti Lakasa ti Tulag ni Yahweh:

Deuteronomio 31:9

Insurat ni Moises ti Linteg ti Dios ket intedna kadagiti papadi a Levita a mangay-aywan iti Lakasa ti Tulag ni Yahweh ken kadagiti panglakayen ti Israel.

Josue 3:4

Ipakaammoda no sadino ti pagnaanyo, ta dikay pay nagnagna ditoy. Ngem dikay umas-asideg iti Lakasa ti Tulag. Paunaenyo iti agarup kagudua a kilometro.”

Josue 3:6

Kalpasanna, binilinna dagiti papadi a bagkatenda ti Lakasa ti Tulag ket umun-unada ngem dagiti tattao. Tinungpalda ti imbagana.

Josue 3:8

Bilinem dagiti papadi a mangaw-awit iti Lakasa ti Tulag nga apaman a makagtengda iti igid ti karayan, tumapogda ket agsardengda sadiay.”

Josue 4:10

Nagtalinaed a sitatakder dagiti papadi iti tengnga ti Jordan agingga a nalpas amin nga imbilin ni Yahweh ken ni Josue nga aramiden dagiti tattao. Daytoy ti bilin idi ni Moises. Nagdardaras a limmasat dagiti tattao.

Josue 6:6

Inayaban ngarud ni Josue dagiti papadi. “Alaenyo ti Lakasa ti Tulag,” kinunana kadakuada. “Pito kadakayo ti magna iti sangoananna a nakaiggem iti trumpeta. Umun-una ngem dakayo dagiti soldado.”

Paltiing 14:4

Isuda dagiti saan a natulawan babaen kadagiti babbai, ta nadalusda. Sumursurotda iti Kordero iti sadinoman a papananna. Isuda dagiti nasubbot iti sangkataoan ken dagiti umuna a maidaton iti Dios ken iti Kordero.

1 Samuel 6:15

Binagkat dagiti Levita ti Lakasa ti Tulag ni Yahweh ken ti kahon a nakaikabilan dagiti nasukog a balitok. Insaadda dagitoy iti dakkel a bato. Iti dayta met la nga aldaw, nagidatag dagiti taga-Betsemes kadagiti daton a mapuoran ken dadduma pay a daton ken ni Yahweh.