Josue 3:1 - Ti Baro a Naimbag a Damag Biblia

¹ Kabigatanna, nasapa a bimmangon ni Josue ken dagiti amin nga Israelita. Pimmanawda idiay Settim ket nagturongda idiay Jordan. Nagkampoda iti igid ti karayan sakbay ti ibaballasiwda.

Ti Biblia (1973)

¹ Ket ni Josue bimmangon a nasapa iti bigat; ket immalisda nanipud Settim, ket immayda aginggana iti Jordan, isu, ken amin dagiti annac ti Israel; ket nagyanda sadiay iti sacbay ti ibaballasiwda.

Josue 3:1 Iomraidhean Croise

Genesis 21:14

Kabigatanna, nasapa a pinarubbuatan ni Abraham dagiti agina. Pinabalonanna ni Agar iti kanen ken inumen a danum a naikarga iti supot a lalat. Impasallabayna ti ubing iti inana. Pimmanaw ni Agar ket nagalla-alla iti let-ang ti Beerseba.

Genesis 22:3

Kabigatanna, nasapa nga insagana ni Abraham ti asnona. Nangbalsig iti kayo a pagpuorna iti daton. Kalpasanna, innalana ni Isaac ken ti dua nga adipenna ket napanda iti disso nga imbaga ti Dios.

Dagiti Salmo 119:60

Saanak nga agtaktak, dagdagusek a tungpalen dagiti bilinmo.

Jeremias 25:3

“Duapulo ket tallo a tawen itan a kasasaonak ti Apo. Nangrugi iti maika-13 a tawen a panagari iti Juda ni Josias nga anak ni Amon agpapan iti daytoy nga aldaw. Kankanayon nga ibagbagak kadakayo dagiti imbagbagana, ngem dikay nangipangag.

Jeremias 26:5

Masapul a denggenyo ti sao dagiti adipenko, dagiti profeta a masansan nga ibabaonko kadakayo. Pulos a saanyo nga impangag dagiti sinaoda.

Jeremias 7:13

Inaramidyo amin dagiti nasaok a basol. Namin-adun a kinasaokayo, ngem dikay nangipangag. Dikay met simmungbat idi inayabankayo.

Mikias 6:5

Tattaok, lagipenyo ti panggep idi ni Balak nga ari ti Moab nga aramiden kadakayo ken ti sungbat kenkuana ni Balaam nga anak ni Beor. Lagipenyo dagiti napasamak iti dalan manipud siudad ti Acacia agingga idiay Gilgal. Lagipenyo dagitoy ket mabigbigyo no ania ti inaramidko a pangisalakan kadakayo.”

Numero 25:1

Bayat ti panagkampo dagiti Israelita idiay Settim, nakikakaiddada kadagiti babbai a Moabita.

San Marcos 1:35

Nasipnget pay laeng iti sumuno a bigat idi bumangon ni Jesus ket pimmanaw iti balay. Nagturong iti disso nga awan matagtagitao iti ruar ti ili, ket nagkararag sadiay.

Josue 2:1

Manipud iti Settim, nangibaon ni Josue iti dua nga espia ket binilinna ida a sukimatenda ti daga ti Canaan iti nalimed, nangruna ti Jerico. Idi dimtengda sadiay, napanda immian iti balay ti maysa a balangkantis a babai nga agnagan iti Rahab.

Josue 6:12

Kabigatanna, nasapa a bimmangon ni Josue ket iti maikadua a gundaway, rinikos dagiti papadi ken dagiti mannakigubat ti siudad iti isu met la nga urnosda iti napalabas nga aldaw: Immuna dagiti guardia sa dagiti papadi a mangpuypuyot iti trumpetada; kalpasanna, dagiti papadi a mangaw-awit iti Lakasa ti Tulag ni Yahweh, ket kamaudianna, dagiti guardia iti likud. Kabayatanna, mapuypuyot met dagiti trumpeta.

Josue 6:15

Iti maikapito nga aldaw, nasapada a bimmangon ket namimpito a rinikosda ti siudad. Dayta laeng ti aldaw a namimpito a rinikosda ti siudad.

Josue 7:16

Kabigatanna, nasapa nga indatag ni Josue dagiti tribu ti Israel. Saggaysa nga indatagna ida. Nabunot ti tribu ti Juda.

Josue 8:10

Kabigatanna, nasapa a bimmangon ni Josue ket inummongna dagiti mannakigubat. Kalpasanna, isu ken dagiti pangulo ti Israel, indauloanda dagiti mannakigubat a mapan idiay Ai.

Uk-ukom 20:19

Ngarud, iti agsapa ti sumuno a bigat, napan nagkampo dagiti Israelita iti asideg ti Gabaa.

1 Samuel 17:20

Kabigatanna, nasapa a bimmangon ni David. Impaaywanna dagiti karnero iti sabali nga agpaspastor sana innala dagiti makan ket napan iti nangibaonan ni amana. Idi sumangpet iti kampo, apag-isu a rummuar dagiti Israelita a mapan iti puestoda iti paggugubatan. Yik-ikkisda ti pakdaar ti gubat.