Josue 13:3 - Ti Baro a Naimbag a Damag Biblia

³ kasta met dagiti amin a daga ti Avvim iti abagatan. (Maibilang a kukua dagiti Cananeo ti daga manipud waig Sihor a daya ti Egipto agingga iti beddeng ti Ekron iti amianan. Agnaed dagiti turayen dagiti Filisteo idiay Gaza, Asdod, Askelon, Gat ken Ekron.)

Ti Biblia (1973)

³ Manipud iti Sihor, nga adda iti sango ti Egipto, nga agpaamianan met laeng agingga iti beddeng ti Accaron, isu a maibilang cadagiti Cananeos; dagiti lima nga ap-appo dagiti Filisteos; dagiti Gazeos, ken dagiti Asdodios, dagiti Ascalonitas, dagiti Geteos, ken dagiti Accaronitas, casta met dagiti Heveos,

Josue 13:3 Iomraidhean Croise

Genesis 10:6

Dagiti lallaki nga annak ni Ham—Cus, Egipto, Put ken Canaan—ti kapuonan dagiti tattao a napanaganan kadagiti naganda.

Genesis 15:18

Iti dayta met la a kanito, nakitulag ni Yahweh ken ni Abram. Kinunana, “Ikarik nga itedko iti kaputotam amin daytoy a daga manipud iti beddeng ti Egipto agingga iti Karayan Eufrates,

1 Ar-ari 8:65

Sadiay, rinambakan ni Solomon ken dagiti amin a tattao ti Israel ti Fiesta dagiti Abong-abong. Dimmar-ay dagiti amin nga Israelita manipud Bessang ti Hamat iti amianan agingga iti beddeng ti Egipto iti abagatan. Pito nga aldaw ti rambak.

1 Cronicas 13:5

Iti kasta, pinaayaban ni David dagiti amin nga Israelita iti entero a pagilian manipud iti beddeng ti Egipto iti abagatan agingga idiay Bessang ti Hamat iti amianan. Naummongda tapno alaenda ti Lakasa ti Tulag nga adda iti Siudad ti Jearim ket ipanda idiay Jerusalem.

Isaias 23:3

nga aglayag iti baybay tapno aggatang ken aglakoda kadagiti trigo a naapit idiay Egipto ken tapno agkomersioda kadagiti amin a nasion.

Jeremias 2:18

Ania ti maal-alam no mapanka idiay Egipto tapno uminumka iti Karayan Nile? Ania ti gunggonam no mapanka idiay Asiria tapno uminumka iti Karayan Eufrates?

Deuteronomio 2:23

Naggapu iti isla ti Creta dagiti nangsakup iti daga iti igid ti Mediterranean. Pinukawda dagiti Avvim nga immuna a nagnaed sadiay ket innalada ti dagada agingga iti siudad ti Gaza iti abagatan.)

Josue 13:13

Nupay kasta, saan a pinapanaw dagiti Israelita dagiti agnaed iti Gesur ken Maaca. Adda pay laeng dagitoy a tattao idiay Israel.

Uk-ukom 16:5

Napan dagiti lima a pangulo dagiti Filisteo ken ni Delila ket kinunada, “Sikapam ni Samson tapno ibagana kenka no apay a napigsa, ken no kasano a maparmek ken mareppetmi ket iti kasta, awan ti maaramidna. Tunggal maysa kadakami, ikkandakanto iti 1,100 a bagi ti pirak.”

Uk-ukom 3:3

Dagiti nabati a nasion isuda dagiti lima a siudad dagiti Filisteo, dagiti amin a Cananeo, Sidonio ken dagiti Heveo nga agnaed idiay Bantay Libano, manipud Bantay Baal Hermon agingga iti Bessang Hamat.

1 Samuel 5:1

Idi naagaw dagiti Filisteo ti Lakasa ti Tulag, binagkatda manipud Ebenezer sada impan iti siudadda nga Asdod.

1 Samuel 5:10

Ngarud, impanda ti Lakasa ti Tulag idiay siudad ti Ekron. Idi maisangpet sadiay, inyikkis dagiti tattao, “Inyegda ditoy ti Lakasa ti Tulag ti Dios ti Israel tapno patayennatay amin!”

1 Samuel 5:8

Pinaayabanda ngarud dagiti amin a lima nga ari a Filisteo, ket idi sumangpetda, sinaludsodda kadakuada, “Ania ti aramidentayo iti Lakasa ti Dios ti Israel?” “Ipanyo idiay Gat,” insungbatda, isu nga impanda ti Lakasa iti dayta a siudad dagiti Filisteo.

1 Samuel 6:4

“Ania ti sagut nga ipakuyogmi?” sinaludsodda. Insungbatda, “Mangtedkayo iti lima a sinan-letteg ken lima a sinan-marabutit a naaramid iti balitok, kas mayannurot iti bilang dagiti ari a Filisteo. Ta maymaysa a didigra ti dimteng kadakay amin ken kadagiti lima nga ari.