Josue 10:1 - Ti Baro a Naimbag a Damag Biblia

¹ Nadamag ni Adonisedec nga ari ti Jerusalem a pinarmek ken dinadael ni Josue ti Ai sana pinapatay ti ari sadiay, kas iti inaramidna iti Jerico ken iti arina. Nadamagna pay a nakikappia dagiti taga-Gabaon kadagiti Israelita ket makipagnanaedda kadakuada.

Ti Biblia (1973)

¹ Naaramid, idi a ni Adonisedec nga ari ti Jerusalem natimudna no casano ti panangala ni Josue iti Ai, ket isu dinadaelna a tinalipupus (a no casano ti inaramidna iti Jerico ken iti arina, casta met ti inaramidna iti Ai ken iti arina), ken no casano ti pannakicappia dagiti agnaed iti Gabaon iti Israel, ket addada idi cadacuada;

Josue 10:1 Iomraidhean Croise

Genesis 14:18

Nangyeg met ni Melkisedec nga ari ti Salem ken padi pay ti Kangatoan a Dios iti tinapay ken arak ken ni Abram.

Hebreo 7:1

Ari idi idiay Salem daytoy a Melkisedec ken maysa a padi a nagserbi iti Dios a Kangatoan. Idi aggapu ni Abraham iti paggugubatan a nangparmekanna iti uppat nga ari, sinabat ni Melkisedec sana inkararagan a bendisionan koma ti Dios.

Josue 10:3

Iti kasta, nagpaarayat ni Adonisedec kada Oham nga ari ti Hebron, Piram nga ari ti Jarmut, Jafia nga ari ti Lakis ken Debir nga ari ti Eglon.

Josue 6:21

Inuloyanda babaen iti kampilan dagiti amin nga adda iti siudad, lallaki ken babbai, ubbing ken lallakay. Pinatayda met dagiti baka, karnero ken asno.

Josue 8:2

Aramidem iti Ai ken iti arina ti kas iti inaramidmo iti Jerico ken iti arina. Ngem ita, mabalinyo a samsamen dagiti sanikua ken animal. Mangibaonka kadagiti soldado iti laud ti Ai tapno kellaatenda a rauten ti siudad iti likudan.”

Josue 8:21

Idi makita ni Josue ken dagiti tattaona a nasakupen dagiti kakaduada ti siudad, ket maur-uramen, nagsublida sada nagpapatay kadagiti taga-Ai.

Josue 9:3

Ngem nadamag dagiti Heveo nga agnaed iti Gabaon ti inaramid ni Josue iti Jerico ken iti Ai