Josue 1:6 - Ti Baro a Naimbag a Damag Biblia

⁶ Pakirdem ti pakinakemmo ket dika agbuteng ta ipanguloam dagitoy a tattao a mangsakup iti daytoy a daga nga insapatak nga ited kadagiti kapuonanda.

Ti Biblia (1973)

⁶ Bumilegca ket umingelca; ta sicanto ti mamagtawid cadagitoy a tattao iti daga nga insapatac cadagiti ammada nga itedco cadacuada.

Josue 1:6 Iomraidhean Croise

Genesis 12:7

Nagparang ni Yahweh ken ni Abram ket kinunana kenkuana, “Daytoy ti daga nga itedko kadagiti kaputotam.” Nangbangon sadiay ni Abram iti altar nga agpaay ken ni Yahweh a nagparang kenkuana.

Genesis 26:3

Agnaedka ditoy ket addaakto kenka. Bendisionankanto. Itedkonto amin daytoy a daga kenka ken kadagiti kaputotam, kas inkarik ken ni tatangmo nga Abraham.

2 Samuel 10:12

Tumuredkayo. Makigubattayo a sipipinget gapu iti pagiliantayo ken kadagiti siudad ti Diostayo. Maaramid koma ti pagayatan ti Apo.”

1 Ar-ari 2:2

“Asidegen ti innak panaginana. Bumilegka ket ipakitam a malalakika.

1 Cronicas 22:13

No tungpalem dagiti amin a linteg nga inted ti Apo ken ni Moises nga agpaay kadagiti Israelita, agballigikanto. Papigsaem ti pakinakemmo. Dika agbuteng iti uray ania.

1 Cronicas 28:10

Laglagipem a pinilinaka ti Apo a mangbangon iti nasantoan a templona. Ita, aramidem ket ipamaysam nga aramiden.”

1 Cronicas 28:20

Kinuna ni David ken ni Solomon nga anakna, “Pakirdem ti nakemmo ket dika maupay. Rugiamon ti trabaho ket dimo ipalubos nga adda manglapped kenka. Tulongannakanto ti Apo a Dios a pagserserbiak. Dinakanto baybay-an, ket tarabayennakanto agingga a malpasmo ti trabaho iti Templona.

2 Cronicas 15:7

Ngem masapul a papigsaenyo ti pakinakemyo ket dikay maupay. Magunggonaankayto iti aramidyo.”

2 Cronicas 20:11

Ita, kastoy ketdin ti pagsupapakda kadakami. Umaydakami papanawen iti daytoy a daga nga intedmo kadakami.

2 Cronicas 20:7

Sika ti Diosmi. Idi dumteng dagiti tattaom nga Israelita iti daytoy a daga, pinagtalawmo dagiti agnanaed ditoy samo inted ti daga kadagiti kaputotan ni Abraham a gayyemmo tapno tagikuaenda iti agnanayon.

Dagiti Salmo 27:14

Agtalekka iti Apo: Mamatika ket dimo pukawen ti namnamam. Wen, agtalekka iti Apo!

Daniel 10:19

Kinunana, “Dungdungngoennaka ti Dios, isut' gapuna nga awan koma ti pagdanagam wenno pagbutngam. Pakirdem ta pakinakemmo.” Idi nasaona daytoy, ad-adda pay a pimmigsaak ket kinunak, “Apo, ibagam ti kayatmo nga ibaga kaniak. Pinasayaatmo ti riknak.”

Haggeo 2:4

Uray no kasta, saankayo koma a maupay. Irugiyon ti trabaho, ta addaak kadakayo.

Zacarias 8:9

“Pakirdenyo ti pakinakemyo, dakayo a tattao. Dagiti mangmangngegyo ita, isu met laeng ti insasao dagiti profeta idi maisaad dagiti fondasion tapno mabangon manen ti Templok.

Numero 26:53

“Bingbingayem ti daga, ket itedmo kadagiti tribu segun ti kaaduda.

Numero 33:53

Sakupenyo ti daga ket agnaedkayo sadiay agsipud ta itedko dayta kadakayo.

1 Taga-Corinto 16:13

Agsiputkayo. Agtalinaedkayo a natibker iti pammati ket tumured ket pumigsakayo.

Taga-Efeso 6:10

Kamaudiananna, agbalinkay a natibker iti pannakikaysayo iti Apo ken iti nabileg a pannakabalinna.

Deuteronomio 1:21

Adtoy ti daga nga ited kadakayo ti Apo a Dios dagiti kapuonanyo. Inkayo tagikuaen a kas imbilinna. Dikay agbuteng wenno maupay.’

Deuteronomio 1:8

Dumngegkayo. Itedko kadakayo ti amin a daga iti masangoananyo. Inkayo sakupen ti daga nga inkari ti Apo nga ited kadagidi kapuonanyo, da Abraham, Isaac ken Jacob, ken kadagiti kaputotanda.’”

Deuteronomio 11:8

“Tungpalenyo dagiti amin nga imbilinko kadakayo ita nga aldaw tapno maaddaankayo iti pigsa a mangsakup iti daga a papananyo.

Deuteronomio 31:23

Imbaga ni Yahweh ken ni Josue nga anak ni Nun, “Papigsaem ti pakinakemmo ket tumuredka, gapu ta idalanmo dagiti Israelita a mapan iti daga nga inkarik nga ited kadakuada. Addaakto kenka.”

2 Timoteo 2:1

No maipapan kenka, anakko, bumilegka koma babaen iti parabur a kukuatayo iti pannakikaysatayo ken ni Cristo Jesus.

Josue 1:18

Mapapatayto ti siasinoman nga agsukir ken saan nga agtungpal iti aniaman a bilinmo. Ngarud, masapul a pakirdem ti pakinakemmo ket dika agbuteng!”

Josue 1:7

Masapul ngarud a pakirdem ti pakinakemmo ket tungpalem a siiinget dagiti amin a Linteg nga inted kadakayo ni Moises nga adipenko. Wen, tungpalem tapno agballigika iti sadinoman a papanam.

Josue 1:9

Laglagipem ti bilinko: ‘Pakirdem ti pakinakemmo. Dika agbuteng wenno maupay, ta siak, ti Apo a Diosmo, addaak latta kenka iti sadinoman a papanam.’”

Josue 10:25

Kinuna manen ni Josue kadakuada, “Saankayo nga agbuteng wenno maupay. Pumigsa ken tumuredkayo, ta kastoyto ti aramiden ti Apo kadagiti amin a kabusoryo.”

Josue 13:6

Mairaman ditoy dagiti Sidonio nga agnaed iti katurturodan iti nagbaetan dagiti bantay ti Libano ken Misrefot Mayim. Paksiatekto ida iti dalan dagiti Israelita. Kas imbilinko kenka, masapul a bingbingayem dagitoy a daga tapno tagikuaen ti Israel.

Josue 18:3

Kinuna ngarud ni Josue kadagiti Israelita, “Kaanonto a sakupenyo ti daga nga inted kadakayo ti Apo a Dios dagiti kapuonanyo? Apay nga itantantanyo?

Josue 21:43

Iti kasta, inted ni Yahweh kadagiti Israelita ti amin a daga nga insapatana nga ited kadagiti kaputotanda. Kalpasan ti panangsakupda iti daga, impasdekda sadiay ti taengda.

1 Samuel 4:9

Tumuredkayo, Filisteo! Makirangetkayo a kas pudno a lallaki, ta no saan, agbalintayo a tagabu dagiti Hebreo, kas iti panangtagabutayo idi kadakuada. Makirangetkayo ngarud ket ipakitayo ti kinalalakiyo.”