Josue 1:5 - Ti Baro a Naimbag a Damag Biblia

⁵ Josue, awanto ti makaparmek kenka iti unos ti panagbiagmo. Addaakto kenka a kas iti kaaddak idi ken ni Moises. Saankanto a panawan wenno baybay-an.

Ti Biblia (1973)

⁵ Awan ti siasinoman a tao a macagawayto kenca cadagiti isu-amin nga al-aldaw ti panagbiagmo: cas iti caaddac idi ken ni Moises casta met ticaaddacto kenca; dicanto baybay-an ken dicanto met panawan.

Josue 1:5 Iomraidhean Croise

Genesis 39:2

Nagserbi ni Jose iti balay ti apona nga Egipcio. Tinultulongan ni Yahweh ket nagballigi iti aniaman nga aramidenna.

1 Ar-ari 1:37

Kas iti kaadda ti Apo kenka, Natan-ok nga Ari, kasta koma met ti kaaddana ken ni Solomon ket narangrang-ay koma ti pagarian bayat ti panagturayna ngem ti panagturaymo.”

1 Ar-ari 11:38

No tungpalennak iti amin a pusom, no annurotem dagiti lintegko iti panagbiagmo ket magun-odmo ti panagtalekko kenka babaen iti panangtungpalmo kadagiti bilinko a kas ken ni David nga adipenko, kanayonto nga addaak kenka. Wen, isaadka nga ari ti Israel ket ipanamnamak nga addanto latta kaputotam a sumaruno kenka nga agturay a kas iti inaramidko ken ni David.

1 Ar-ari 6:13

Agnaedakto iti sidong dagiti tattaok nga Israelita, iti daytoy a Templo a bangbangonem, ket pulos a diak baybay-an ida.”

1 Ar-ari 8:57

Adda koma kadatayo ti Apo a Diostayo a kas iti kaaddana idi kadagiti kapuonantayo. Sapay koma ta dinatay panawan wenno baybay-an.

1 Cronicas 28:20

Kinuna ni David ken ni Solomon nga anakna, “Pakirdem ti nakemmo ket dika maupay. Rugiamon ti trabaho ket dimo ipalubos nga adda manglapped kenka. Tulongannakanto ti Apo a Dios a pagserserbiak. Dinakanto baybay-an, ket tarabayennakanto agingga a malpasmo ti trabaho iti Templona.

Dagiti Salmo 46:11

Adda kadatayo ti Apo a Mannakabalin-amin; ti Dios ni Jacob ti kamangtayo!

Exodo 3:12

“Addaakto kenka,” insungbat ti Dios, “ket daytoyto ti pagilasinan a siak ti nangibaon kenka: Inton mairuarmo dagiti tattaok iti Egipto, agdaydayawkayto kaniak ditoy a bantay.”

Isaias 42:16

“Idalankonto dagiti bulsek a tattaok kadagiti dalan a dida pay nagnaan. Pagbalinekto a lawag ti sipnget nga ayanda; pasayaatekto dagiti lasong-lasong a disso. Aramidek dagitoy nga awan duadua.

Jeremias 1:8

Dimo kabuteng ida, ta addaakto a mangsalaknib kenka! Siak, ni Yahweh, ti nagsao iti daytoy.”

Daniel 11:16

Aramidento ti rimmaut a taga-Siria ti kaykayatna kadakuada, ket awanto ti sumaranget kenkuana. Agtakderto iti Naikari a Daga ket iturayannanto nga awan mangsingsinga kenkuana.

San Mateo 28:20

ken isuroyo ida nga agtungpal kadagiti amin nga imbilinko kadakayo. Laglagipenyo nga addaakto nga agnanayon kadakayo agingga iti panungpalan ti lubong.”

Taga-Roma 8:31

Kas maibatay kadagitoy, mabalin a kunatayo a no kaduatayo ti Dios, awan ti makabael a bumusor kadatayo!

Taga-Roma 8:37

Iti baet dagitoy, awan duadua a naan-anay nga agballigitayo babaen kenkuana a nagayat kadatayo!

Deuteronomio 20:1

Intuloy ni Moises, “No inkay gubaten dagiti kabusoryo ket makitayo dagiti lugan a pakigubat ken dagiti kabalio ken ti armada a nabilbileg ngem ti armadayo, dikay agbuteng kadakuada. Tulongannakayto ti Apo a Diosyo a nangiruar kadakayo idiay Egipto.

Deuteronomio 20:4

Kumuyog kadakayo ti Apo a Diosyo ket pagballigiennakayo.’

Deuteronomio 31:23

Imbaga ni Yahweh ken ni Josue nga anak ni Nun, “Papigsaem ti pakinakemmo ket tumuredka, gapu ta idalanmo dagiti Israelita a mapan iti daga nga inkarik nga ited kadakuada. Addaakto kenka.”

Deuteronomio 4:31

Manangngaasi a Dios ti Apo. Dinakayto baybay-an wenno dadaelen ket dinanto malipatan ti katulaganna kadagidi kapuonanyo.

Deuteronomio 7:24

Yawatnanto dagiti arida iti pannakabalinyo. Papatayenyonto ida ket awanton ti makalagip kadakuada. Awanto ti makaatipa kadakayo; ikisapyonto amin ida.

2 Timoteo 4:17

Nupay kasta, tinulongannak ti Apo ket pinapigsanak, isu a nabalinak nga impakaammo ti sibubukel a mensahe tapno mangngeg ti amin a Hentil. Iti kasta, naisalakanak iti ngiwat ti leon.

Hebreo 13:5

Dikay agagum iti kuarta. Mapnekkayo koman iti adda kadakayo. Ta kinuna ti Dios, “Dikanto panawan, dikanto baybay-an.”

Josue 1:17

Agtulnogkami kenka a kas iti kanayon a panagtulnogmi ken ni Moises. Sapay koma ta adda kenka ti Apo a Diosmo, a kas iti kaaddana idi ken ni Moises.

Josue 1:9

Laglagipem ti bilinko: ‘Pakirdem ti pakinakemmo. Dika agbuteng wenno maupay, ta siak, ti Apo a Diosmo, addaak latta kenka iti sadinoman a papanam.’”

Josue 10:8

Kinuna ni Yahweh ken ni Josue, “Saanka nga agbuteng kadakuada, ta intedko kenkan ti balligi. Awanto ti uray maysa kadakuada a makabael a sumaranget kenka.”

Josue 21:44

Ket kas inkari ni Yahweh kadagiti kapuonanda, inyegna kadakuada ti kappia iti aglawlaw. Awan ti uray maysa kadagiti kabusorda ti makabael a sumango kadakuada, ta pinagballigi ni Yahweh dagiti Israelita kadagiti amin a kabusorda.

Josue 3:7

Kinuna ni Yahweh ken ni Josue, “Ita nga aldaw, itan-okka iti imatang dagiti Israelita tapno maammoanda nga addaak kenka a kas iti kaaddak idi ken ni Moises.

Josue 6:27

Iti kasta, kinadkadua ni Yahweh ni Josue, ket nagdindinamag ni Josue iti entero a pagilian.

Uk-ukom 2:18

Tinulongan ni Yahweh ti tunggal pangulo nga intedna kadakuada tapno isalakanna ida kabayatan ti panagbiag daytoy a pangulo. Kaasian ida ni Yahweh no umasugda gapu iti panagsagaba ken pannakaidadanesda.

Uk-ukom 6:16

Kinuna ni Yahweh kenkuana, “Kabaelam nga isalakan ti Israel ta tulonganka. Laklakaemto a parmeken dagiti Midianita ta kasdanto la maymaysa a tao.”

1 Samuel 10:7

Inton mapasamak dagitoy, tungpalem ti aniaman nga ibaga ti Dios nga aramidem.