Josue 1:2 - Ti Baro a Naimbag a Damag Biblia

² Kinunana, “Natayen ni Moises nga adipenko. Sika ken dagiti amin nga Israelita, agsaganakayon a bumallasiw iti Karayan Jordan ket inkay iti daga nga itedko kadakayo.

Ti Biblia (1973)

² Ni Moises nga adipenco natayen: tumacderca ngarud ita, ket ballasiwem daytoy Jordan, sica ken isu-amin daytoy nga umili, iti daga isu nga itedco cadacuada, cadagiti met laeng annac ti Israel.

Josue 1:2 Iomraidhean Croise

Genesis 17:8

Itedkonto kenka ken kadagiti kaputotam daytoy a daga a pagnanaedam ita a kas ganggannaet. Kukuanto dagiti kaputotam iti agnanayon ti entero a daga ti Canaan, ket siakto ti Diosda.”

Nehemias 9:23

Adu nga annak ti imparaburmo kadakuada, kas kadagiti bituen sadi langit ti kaaduda. Pinalubosam ida a mangparmek ken agnaed iti daga nga inkarim nga ited kadagiti kapuonanda.

Ti Libro ni Job 1:8

“Napaliiwmo kadi ni adipenko a Job?” sinaludsod ni Yahweh. “Awan iti daga ti napudno ken awan pakapilawanna a kas kenkuana. Managbuteng kaniak ket saan nga agaramid iti dakes.”

Isaias 42:1

Kuna ti Apo, “Adtoy ti adipenko nga itan-okko— ti pinilik ken ti pakaay-ayoak. Intedko ti Espirituk kenkuana ket yegnanto ti hustisia kadagiti pagilian.

Numero 12:7

Ngem saan a kasta ti pannakisaok ken ni Moises nga adipenko. Dinutokak a mangaywan kadagiti amin a tattaok nga Israelita.

Deuteronomio 3:28

Bilinemon ni Josue. Pabilgem ti pakinakemna gapu ta ipanguloannanto dagiti tattao a bumallasiw tapno sakupenda ti daga a makitam.’

Deuteronomio 31:7

Pinaayaban ni Moises ni Josue ket iti sangoanan ti entero nga Israel, kinunana kenkuana: “Sika ti mangidaulo kadagitoy a tattao a mapan mangtagikua iti daga nga inkari ti Apo kadagidi kapuonanyo. Ngarud papigsaem ti pakinakemmo, ket tumuredka.

Deuteronomio 34:5

Natay ngarud ni Moises, ti adipen ni Yahweh, iti daga ti Moab kas imbaga ni Yahweh kenkuana.

Josue 1:1

Kalpasan ti ipapatay ni Moises nga adipen ni Yahweh, nakisao ni Yahweh ken ni Josue a katulongan ni Moises ken anak ni Nun.

Josue 1:11

a sursorenda ti kampo ket ipakaammoda daytoy kadagiti tattao, “Isaganayo dagiti masapsapulyo agsipud ta inton maikatlo nga aldaw, ballasiwenyo ti Karayan Jordan ket sakupenyo ti daga nga ited kadakayo ti Apo a Diosyo.”