Jonas 4:11 - Ti Baro a Naimbag a Damag Biblia

¹¹ Saan kadi a rumbeng a maasianak met iti Nineve, daytoy agdindinamag a siudad nga addaan iti nasursurok a 120,000 a tattao a dida ammo ti naimbag ken dakes, agraman pay dagiti nakaad-adu nga animal?”

Ti Biblia (1973)

¹¹ Ket siac awanto ngata ti caasic iti Ninive, daydiay ili a dackel, isu a yan ti nasuroc a sangagasut ket duapulo a ribu a tattao a dida ammo ti macanawan ken macatigid; ken castamet adu a vacvaca?

Jonas 4:11 Iomraidhean Croise

Genesis 9:10

ken kadagiti amin nga adda biagna—amin a tumatayab, ken amin nga animal—amin a kinaduam a rimmuar iti daong.

Dagiti Salmo 104:14

Pagtuboem dagiti ruot nga agpaay kadagiti animal, kasta met dagiti mula nga agserbi iti tao tapno mapataudda dagiti taraon iti daga.

Dagiti Salmo 36:6

Natibker a kas kadagiti bantay ti kinalintegmo, kas iti kaadalem ti taaw dagiti pangngeddengmo. Sika, O Apo, ti mangaywan iti animal ken tao.

Isaias 1:18

Kuna ni Yahweh, “Ita, umaykayo ta aglilinnawagtayo. Nalabaga ti mansayo gapu iti basol, ngem dalusankayo agingga nga agbalinkayo a napudaw a kas iti kapas. Uray no nakalablabbaga ti mansayo, pumudawkayto a kas iti puraw a de lana.

Isaias 37:37

Pimmanaw ni Senakerib nga emperador ti Asiria ket nagsubli idiay Nineve.

Isaias 7:16

Uray iti sakbay ti idadateng dayta a tiempo, aglangalangton dagiti daga nga iturayan dagita dua nga ari a pagbutbutnganyo.

Jonas 1:2

Kinunana, “Inka idiay Nineve, ket ballaagam dayta agdindinamag a siudad, ta naipadamag kaniak ti kinadakes dagiti tattao.”

Jonas 3:10

Nakita ti Dios ti inaramidda. Nakitana ti panangtallikudda kadagiti dakes nga ugalida. Isut' gapuna a nagbaliw ti panunotna ket dina dinusa ida a kas iti imbagana.

Jonas 4:10

Kinuna ti Apo: “Maasianka iti daytoy a mula? Nagtubo iti maysa a rabii sa met la napukaw iti sumuno a rabii. Awan ti nagbannogam iti daytoy ket saan a sika ti nangpadakkel ngem maasianka!

San Mateo 18:33

Kinaasiam met koma ti padam nga adipen a kas iti panangngaasik kenka.’

Deuteronomio 1:39

“Kinuna pay ti Apo kadatayo, ‘Dagiti babassit nga annakyo a kunayo nga agbalin a balud ti gubat, isuda nga ubbing unay a di makailasin iti naimbag ken iti dakes—sumrekdanto iti daga. Itedkonto kadakuada ti daga ket isudanto ti mangsakup.