Jonas 3:9 - Ti Baro a Naimbag a Damag Biblia

⁹ Nalabit a baliwan ti Dios ti panunotna, ket saanen nga agpungtot tapno ditay matay!”

Ti Biblia (1973)

⁹ Siasino ti macaammo no ti Dios ibawingnanto ken ibabawinanto ti narungsot a pungtotna, tapno ditayto mapucaw?

Jonas 3:9 Iomraidhean Croise

2 Samuel 12:22

“Wen,” kinuna ni David. “Idi sibibiag pay ti ubing, nagayunarak ket nagsangsangitak idi bareng no kaasiannak ti Apo ket paimbagenna ti anakko.

Dagiti Salmo 106:45

Gapu kadakuada, linagipna ti katulaganna, ket nagbabawi gapu iti naindaklan nga ayatna.

Dagiti Salmo 85:3

Pinagbaawmo a namimpinsan ti pungtot ken ungetmo kadakuada.

Dagiti Salmo 90:13

Mabayag pay aya, O Apo, ti panangtaliawmo kadakami? Kaasiam kadi dagiti adipenmo!

Jeremias 26:13

Masapul a baliwanyo ti panagbiagyo ken dagiti aramidyo. Tungpalenyo dagiti sao ti Apo a Diosyo tapno dinan ituloy ti panggepna a mangdadael kadakayo.

Daniel 4:27

Ipangagmo ngarud, Natan-ok nga Ari, daytoy balakadko: Isardengmon ti panagbasolmo, agaramidka iti naimbag, ket kaasiam dagiti napanglaw tapno manayonto ti kinarang-aymo.”

Amos 5:15

Guraenyo ti dakes. Ayatenyo ti naimbag. Ipakatyo ti kinahustisia kadagiti pangukoman. Nalabit a maasianto ti Apo kadagiti tattao a natda a sibibiag pay laeng iti daytoy a nasion.

Jonas 1:15

Kalpasanna, binagkatda ni Jonas sada intappuak iti taaw. Nagkalma a dagus ti bagio.

Jonas 1:6

Sadiay ti nakasarakan kenkuana ti kapitan ti barko. “Apay a matmaturogka?” kinuna ti kapitan. “Bumangonka ketdi ket agpatulongka iti diosmo bareng no kaasiannatayo ket saantayo a matay.”

Jonas 4:2

Inkararagna ken ni Yahweh: “Daytoy ti kinabutengko, O Apo, idi addaak iti bukodko a pagilian. Daytoy ti kinabutengko nga aramidem, isut' gapuna a dinardarasko ti nagkamang idiay Tarsis. Ammok a managparabur ken manangngaasika a Dios. Ammok a naanuska iti amin a tiempo ken sidadaanka a mangibabawi iti panangdusam.

Sofonias 2:3

Agkamangkayo iti Apo, dakayo a napakumbaba a tattao iti daga nga agtulnog kadagiti bilinna. Agaramidkay iti naimbag ket agpakumbabakay iti imatang ti Apo. Nalabit a malisianyonto ti pannakadusa iti dayta nga aldaw a panangiparangarang ti Apo iti pungtotna.

1 Samuel 6:5

Masapul nga aramidenyo dagiti sinan-letteg ken sinan-marabutit a mangdaddadael iti pagilianyo, ket masapul a padayawanyo ti Dios ti Israel. Nalabit nga isardengna ti panangdusdusana kadakayo, kadagiti didiosenyo ken iti dagayo.