Jonas 3:8 - Ti Baro a Naimbag a Damag Biblia

⁸ Masapul nga agkawes amin a tattao ken animal iti nakersang a lupot. Masapul nga agkararag ti tunggal maysa iti Dios. Nasken a laksiden ti tunggal maysa ti dakes a kababalin ken kinaranggasna.

Ti Biblia (1973)

⁸ Ket maabbonganda coma iti lupot a nakersang dagiti tattao ken dagiti an-animal, ket awaganda coma ti Dios iti natbag unay: wen, isuda agbabawida coma tunggal maysa iti dalanna a dakes, ken iti panagranggas nga adda cadagiti imana.

Jonas 3:8 Iomraidhean Croise

Ti Libro ni Job 16:17

Ngem awan ti inaramidko a kinaranggas, ket napasnek ti kararagko iti Dios.

Ti Libro ni Job 36:10

Ballaaganna ida, inna ida palagipan; ibilinna a panawanda ti dakes a dalan.

Isaias 58:6

“Kastoy ti kayatko a panagayunar: Ikkatenyo ti kawar ti panangidadanes ken ti sangol ti kinakillo, ket wayawayaanyo dagiti maparparigat.

Jeremias 18:11

Ngarud, ibagam kadagiti tattao ti Juda ken ti Jerusalem nga adda planok a maibusor kadakuada ket agsagsaganaak a mangdusa kadakuada. Ibagam nga isardengda ti dakes a panagbiagda ket balbaliwanda dagiti kababalin ken dagiti dakes nga aramidda.

Jeremias 25:5

Imbagada a paglikudanyo ti dakes a panagbiagyo ken dagiti dakes nga aramidyo, tapno mabalinyo ti agnaed iti daga nga inted ti Apo kadakayo ken kadagidi kapuonanyo kas agnanayon a sanikuayo.

Jeremias 26:3

Nalabit a dumngegto kenka dagiti tattao ket laksidenda ti kinadakesda. No aramidenda daytoy, diakto ituloy ti panggepko a mangdadael kadakuada gapu iti kinadakesda.”

Jeremias 36:3

Nalabit nga inton mangngeg dagiti tattao ti Juda dagiti amin a didigra a pinanggepko nga idissuor kadakuada, agbalbaliwda ket ikkatenda dagiti amin a dakes a kababalinda. Iti kasta, pakawanekto ti kinadakes ken basolda.”

Ezekiel 33:11

Ibagam kadakuada nga isapatak iti naganko nga Apo a sibibiag a Dios, diak agragsak a makakita iti ipapatay ti managbasol. Kaykayatko a makita nga isardengna ti agbasol tapno agbiag. Dakayo nga Israelita, isardengyo ti dakes nga aramidyo. Apay aya a kayatyo ti matay?

Daniel 4:27

Ipangagmo ngarud, Natan-ok nga Ari, daytoy balakadko: Isardengmon ti panagbasolmo, agaramidka iti naimbag, ket kaasiam dagiti napanglaw tapno manayonto ti kinarang-aymo.”

Joel 1:14

Ibilinyo ti panagayunar dagiti tattao; mangangaykayo iti gimong nga agdaydayaw. Ayabanyo dagiti papangulo ken dagiti amin a taga-Juda. Ummongenyo ida iti Templo ti Apo a Diosyo, ket umasugkayo kenkuana.

Jonas 1:14

Isut' gapuna nga immasugda ken ni Yahweh, “O Apo, dawatenmi kenka a dinakami patayen a kas dusami gapu ta patayenmi daytoy a tao! Sika, O Apo, ti makaammo iti daytoy. Sika ti akin-aramid.”

Jonas 1:6

Sadiay ti nakasarakan kenkuana ti kapitan ti barko. “Apay a matmaturogka?” kinuna ti kapitan. “Bumangonka ketdi ket agpatulongka iti diosmo bareng no kaasiannatayo ket saantayo a matay.”

San Mateo 3:8

Ipakitayo babaen iti aramidyo a nagbabawikayon kadagiti basbasolyo.

Dagiti Aramid 26:20

Immuna a nangaskasabaak idiay Damasco, ket kalpasanna, idiay Jerusalem ken kadagiti amin a lugar dagiti Judio ken kasta met kadagiti Hentil. Inkasabak a masapul nga agbabawida kadagiti basbasolda, agsublida iti Dios ket aramidenda dagiti banag a mangipakita a nagbabawidan.

Dagiti Aramid 3:19

Agbabawikayo ngarud ket agsublikay iti Dios tapno pakawanenna dagiti basbasolyo. No aramidenyo daytoy,

Paltiing 11:3

Nupay kasta, ikkakto ti pannakabalin dagiti dua a saksik a nakakawes iti nakersang a lupot ket ipakaammodanto ti mensahe ti Dios iti uneg ti 1,260 nga aldaw.”