Jonas 3:6 - Ti Baro a Naimbag a Damag Biblia

⁶ Idi madamag daytoy ti ari ti Nineve, timmakder iti tronona sana inuksob ti pagan-anayna. Nagkawes met iti nakersang a lupot ket nagtugaw iti nabunton a dapu.

Ti Biblia (1973)

⁶ Ket dimteng daytoy a damag iti ari ti Ninive, ket isu timmacder iti tronona, ket iniccatna ti lambon, ket nagcagay iti lupot a nakersang, ket nagtugaw iti dapu.

Jonas 3:6 Iomraidhean Croise

1 Ar-ari 21:27

Idi malpas ti panagsao ni Elias, rinay-ab ni Ahab ti pagan-anayna, inuksobna ket nagarruat iti nakersang a lupot. Dina kayat ti mangan. Naturog a sikakawes iti nakersang a lupot ket nagpagnapagna a malmalday ken masmasnaayan.

Ti Libro ni Job 2:8

Napan nagtugaw ni Job iti pagbasuraan. Nangala iti buong ti banga a pagikkatna kadagiti keggang ti gaddilna.

Ti Libro ni Job 42:6

Isut' gapuna a mabainak iti amin a naisawangko; agbabawiak ket warsiak ti bagik iti tapok ken dapu.

Isaias 15:3

Kadagiti kalsada, nakaarruat dagiti tattao iti nakersang a lupot. Kadagiti plasa ken tuktok dagiti balbalay, agdudung-aw ken agsasangit dagiti tattao.

Jeremias 13:18

Kinuna ti Apo kaniak, “Ibagam iti ari ken iti inana a reyna nga umulogda manipud iti tronoda, agsipud ta naikkaten dagiti napintas a korona iti uloda.

Jeremias 36:13

Impakaammo ni Mikaias dagiti amin a nangngegna nga imbasa ni Baruc kadagiti tattao.

Jeremias 36:24

Ngem saan latta a nagbuteng wenno nagbabawi ti ari ken dagiti ofisialesna a nakangngeg iti amin a naibasa.

Jeremias 6:26

Kuna ti Apo kadagiti tattaona, “Agarruatkayo iti nakersang a lupot, dakayo a tattaok, ket agtulidtulidkay iti dapu. Agdung-awkayo a kasla natay ti kakaisuna nga anakyo. Agsangitkayo iti napait, gapu ta kellaatto a rumaut ti mangdadael kadakayo.

Dungdung-aw 2:10

Naulimek dagiti lallakay iti Jerusalem. Agtutugawda iti daga. Tapoktapok dagiti uloda ket nakersang a lupot ti kawesda. Nakadumog dagiti babbalasitang ket mulmulenglenganda ti daga.

Dungdung-aw 3:29

Saantayo koma nga agreklamo ta mabalin nga adda pay la namnama.

Ezekiel 26:16

Bumabanto kadagiti tronoda dagiti amin nga ari dagiti nasion nga agbibiahe iti taaw. Ikkatendanto dagiti kagayda ken dagiti nabordaan a kawesda, ket agpigpigergerdanto nga agtugaw iti daga. Makigtotdanto gapu iti mapasamak kenka ket didanto maisardeng ti panagtigergerda.

Daniel 9:3

Gapu iti daytoy, impasnekko ti nagkararag ken nagdawat ken ni Apo Dios. Nagayunarak, nagkawesak iti nakersang a lupot ken nagtugawak iti dapu.

Mikias 1:10

Diyo ibagbaga kadagiti kabusortayo idiay Gat ti pannakaparmektayo. Diyo ipakita kadakuada ti panagsangityo. Tattao iti ili ti Afra, ipakitayo ti ladingityo babaen iti panagtulidyo iti tapok!

San Mateo 11:21

“Asikanto pay, Corazin! Asikanto met, Betsaida! No naaramid koma idiay Tiro ken Sidon dagiti milagro a naaramid kadakayo, nabayag koman nga impakita dagiti tattao sadiay ti panagbabawida babaen iti panagkawesda iti nakersang ken ti panangwarakiwakda iti dapu kadagiti bagbagida.

San Lucas 10:13

“Asikanto pay, Corazin! Asikanto met, Betsaida! No naaramid koma idiay Tiro ken Sidon dagiti milagro a naaramid kadakayo, nabayag koman nga impakita dagiti tattao sadiay ti panagbabawida kadagiti basbasolda babaen iti panagtugawda a sikakawes iti nakersang a lupot ken panangiwarakiwakda iti dapu kadagiti bagbagida.