Jonas 3:5 - Ti Baro a Naimbag a Damag Biblia

⁵ Namati dagiti taga-Nineve iti mensahe ti Dios. Ngarud, inkeddengda a masapul nga agayunar ti tunggal maysa ket nagkawes dagiti amin a tao iti nakersang a lupot, natan-ok man wenno nanumo, a mangipakita iti panagbabawida.

Ti Biblia (1973)

⁵ Ket dagiti tattao a taga Ninive pinatida ti Dios; ket inwarragawagda ti panagayunar, ket nagcawesda iti nakersang a lupot manipud cangatoan inggana iti cababaan.

Jonas 3:5 Iomraidhean Croise

2 Ar-ari 19:1

Idi mangngeg ni Ari Hezekias ti impakaammoda, rinay-abna ti pagan-anayna gapu iti ladingitna, nagkawes iti nakersang a lupot sa napan iti Templo ni Yahweh.

2 Cronicas 20:3

Iti danag ni Jehosafat, nagkararag ken ni Yahweh ket kiniddawna nga idalanna. Imbilinna ti panagayunar iti entero a pagilian.

ESDRAS 8:21

Iti igid ti Karayan Ahava, imbilinko nga agayunarkami amin ket agpakumbabakam iti imatang ti Diosmi ken dawatenmi nga idalannakami iti panagdaliasatmi ket salaknibannakami ken dagiti annakmi, agraman dagiti sanikuami.

Ester 4:1

Idi maammoan ni Mardokeo ti amin a naaramid, rinay-abna ti pagan-anayna, nagkawes iti nakersang a lupot, winarakiwakanna ti ulona iti dapu ket nagpagnapagna iti siudad nga agan-anug-og iti napigsa ken nasaem.

Exodo 33:6

Manipud idin, kalpasan ti ipapanawda idiay Bantay Sinai, saanen a nagal-alahas dagiti Israelita.

Jeremias 31:34

Saanton a masapul nga isuroda dagiti kaarruba ken kailianda a mangammo ken ni Yahweh. Ammodakto amin a tattao, natan-ok man wenno nanumo. Pakawanekto dagiti basolda, ket lipatekton dagiti dakes nga inaramidda. Siak, ni Yahweh, ti nagsao iti daytoy.”

Jeremias 36:9

Iti maikasiam a bulan ti maikalima a tawen a panagari idiay Juda ni Jehoyakim nga anak ni Josias, nagayunar dagiti tattao tapno magun-odda ti parabur ni Yahweh. Inaramid daytoy dagiti amin nga agnaed idiay Jerusalem ken amin a naggapu kadagiti il-ili ti Juda.

Jeremias 42:1

Kalpasanna, immay kaniak dagiti amin a pangulo dagiti armada agraman ni Johanan nga anak ni Karea, ni Azarias nga anak ni Hosaias ken nadumaduma a tattao, natan-ok ken nanumo.

Jeremias 42:8

isu nga inayabak ni Johanan nga anak ni Karea, dagiti amin a pangulo dagiti armada a kinakuyogna ken dagiti nadumaduma a tattao, natan-ok ken nanumo.

Daniel 9:3

Gapu iti daytoy, impasnekko ti nagkararag ken nagdawat ken ni Apo Dios. Nagayunarak, nagkawesak iti nakersang a lupot ken nagtugawak iti dapu.

Joel 1:14

Ibilinyo ti panagayunar dagiti tattao; mangangaykayo iti gimong nga agdaydayaw. Ayabanyo dagiti papangulo ken dagiti amin a taga-Juda. Ummongenyo ida iti Templo ti Apo a Diosyo, ket umasugkayo kenkuana.

Jonas 3:7

Kalpasanna, impakaammona kadagiti tattao ti Nineve, “Daytoy ti bilin ti ari ken dagiti ofisialesna: Awan ti mangan iti uray ania. Maiparit a mangan wenno uminum ti amin a tao, animal ken karnero.

San Mateo 12:41

Inton Aldaw a Panangukom, tumakderto dagiti taga-Nineve a mangpabasol kadakayo, ta nagbabawida kadagiti basbasolda idi nangngegda ti panangaskasaba ni Jonas. Ibagak kadakayo nga adda ditoy ti maysa a natantan-ok ngem ni Jonas.

San Lucas 11:32

Inton Aldaw ti Panangukom, tumakderto dagiti taga-Nineve a mangidarum kadakayo, ta nagbabawida kadagiti basbasolda idi nangngegda ti panangaskasaba ni Jonas. Adda ditoy, ibagak kadakayo, ti maysa a natantan-ok ngem ni Jonas!”

Dagiti Aramid 27:25

Isut' gapuna, kakabsat, a patibkerenyo ti pakinakemyo! Agtalekak iti Dios ket awan duaduak a maaramidto ti kas naibaga kaniak.

Dagiti Aramid 8:10

ket sipapasnek dagiti amin nga agnaed sadiay a dimngeg kenkuana, baknang man wenno napanglaw. “Dayta a tao isu ti bileg ti Dios a managan iti Naindaklan,” kinunada.

Hebreo 11:1

No adda pammatitayo, ditay agduadua a pumudno dagiti namnamaentayo ket natalgedtayo nga adda dagiti bambanag a ditay makita.

Hebreo 11:7

Gapu ta adda pammati ni Noe, impangagna ti balakad ti Dios maipapan kadagiti bambanag iti masakbayan a dina pay makita. Nagtulnog ket nangaramid iti daong a nakaisalakananda a sangafamiliaan. Gapu iti inaramidna, impakitana a dakes ti lubong ket babaen iti pammati, inawatna ti kinalinteg nga aggapu iti Dios.

Paltiing 11:3

Nupay kasta, ikkakto ti pannakabalin dagiti dua a saksik a nakakawes iti nakersang a lupot ket ipakaammodanto ti mensahe ti Dios iti uneg ti 1,260 nga aldaw.”