Jonas 1:9 - Ti Baro a Naimbag a Damag Biblia

⁹ Kinuna ni Jonas, “Maysaak a Hebreo. Agdaydayawak iti Apo a Dios ti langit a namarsua iti taaw ken iti daga.”

Ti Biblia (1973)

⁹ Ket isu sinungbatanna ida, Hebreoac, ket mabutengac ken Jehova a Dios ti langit, isu a nangaramid iti taaw ken daga.

Jonas 1:9 Iomraidhean Croise

Genesis 1:10

Pinanagananna ti namaga a disso iti “Daga.” Pinanagananna ti naurnong a danum iti “Taaw.” Naragsakan ti Dios iti nakitana.

Genesis 14:13

Ngem adda lalaki a nakalibas ket impadamagna daytoy ken ni Abram a Hebreo nga agnanaed idi iti asideg dagiti lugo a kayo a kukua ni Mamre nga Amorreo. Kadua ni Abram ni Mamre agraman da Escol ken Aner a kakabsatna.

Genesis 24:7

“Innalanak ti Apo, isu a Dios ti langit, iti balay ni amak ken iti daga dagiti kakabagiak, ket insapatana nga itednanto daytoy a daga kadagiti kaputotak. Ibaonnanto ti anghelna nga umun-una ngem sika a mapan sadiay tapno tulongannaka a mangpili iti asawaen ti anakko.

Genesis 39:14

pinukkawanna dagiti babaonenna iti balay, ket kinunana, “Kitaenyo, ibabainnatayo daytoy a Hebreo nga insangpet ti asawak. Simrek iti kuartok, ket kayatnak a ramesen, ngem nagikkisak.

2 Ar-ari 17:25

Idi nabiitda pay sadiay, dida nagdaydayaw ken ni Yahweh isut' gapuna a nangibaon ni Yahweh kadagiti leon a nangpapatay iti sumagmamano kadakuada.

2 Ar-ari 17:28

Ngarud, napan nagnaed idiay Betel ti maysa a padi a naitalaw idiay Samaria; insurona dagiti tattao no kasano ti panagdaydayawda ken ni Yahweh.

ESDRAS 1:2

“Daytoy ti bilin ni Ciro nga Emperador ti Persia. Ti Apo a Dios ti langit ti nangisaad kaniak nga agturay iti entero a lubong. Imbagana kaniak a mangbangonak iti templo nga agpaay kenkuana idiay Jerusalem iti Juda.

ESDRAS 5:11

Insungbatda nga adipen ida ti Dios ti langit ken daga, ket bangbangonenda manen ti Templo. Maysa kano a mannakabalin nga ari ti Israel ti nangbangon iti daytoy ken nangikabil kadagiti amin nga alikamenna. Adun a tawen ti napalabas manipud pannakaipatakderna.

Nehemias 1:4

Idi mangngegko daytoy, nagtugawak ket nagsangitak. Adu nga aldaw a nagladladingitak ket saanak a nangnangan. Nagkararagak iti Dios.

Nehemias 2:4

Sinaludsod ti ari, “Ania ngarud ti kayatmo?” Nagkararagak iti Dios ti Langit

Nehemias 9:6

Daytoy ti inkararagda: “O Apo, siksika laeng ti Apo; sika ti namarsua kadagiti langit ken kadagiti bituen iti tangatang. Pinarsuam ti daga ken ti baybay ken ti amin nga adda sadiay. Sika ti nangted iti biag ti amin, agtamed ken agdaydayaw kenka dagiti nailangitan a pannakabalin.

Ti Libro ni Job 1:9

Kinuna ni Satanas, “Agdaydayaw ngata kenka ni Job no awan ti imbag a magun-odna?

Dagiti Salmo 136:26

Agyamankayo iti Dios ti langit; agnanayon ti di agbaliw nga ayatna.

Exodo 1:15

Kinasao ti ari ti Egipto dagiti partera a Hebreo ket imbilinna kadakuada, “No paanakenyo dagiti Hebreo, patayenyo ti maladaga no lalaki. Ngem no babai, bay-anyo nga agbiag.” Maysa kadagitoy a partera ti agnagan iti Zifra ket Pua ti nagan met ti sabali.

Exodo 2:13

Iti sumuno nga aldaw, nagsubli ni Moises ket nakitana ti dua a Hebreo nga aggubgubal. “Apay a kabkabilem ti padam a Hebreo?” kinunana iti nakabasol.

Daniel 2:44

Iti panawen dagitoy nga agturay, mangipasdekto ti Dios ti langit iti pagarian a pulos a dinto agpatingga. Saanto a maparmek dayta a pagarian ngem gibusannanto dagiti amin a pagarian. Isu laeng ti agpaut iti agnanayon.

Oseas 3:5

Ngem dumtengto ti tiempo nga agsublidanto manen ken ni Yahweh. Agkamangdanto iti maysa a kaputotan ni David nga arida. Agbutengdanto ken ni Yahweh ket awatendanto dagiti agkakaimbag a paraburna.

Dagiti Aramid 14:15

“Kakabsat,” impukkawda, “apay nga aramidenyo daytoy? Tattaokami laeng a kas kadakayo. Addakami ditoy a mangipakaammo iti Naimbag a Damag tapno panawanyo dagitoy a kinaubbaw ket agturongkayo iti sibibiag a Dios a namarsua iti langit, daga, taaw ken amin nga adda kadakuada.

Dagiti Aramid 27:23

Ta idi rabii, immay ti anghel ti Dios nga akinkukua kaniak ken pagdaydayawak,

Taga-Filipos 3:5

Nakugitak iti maikawalo nga aldaw kalpasan ti pannakayanakko. Nayanakak nga Israelita iti tribu ti Benjamin. Maysaak a puro a Hebreo. Kas maysa a Fariseo, inannurotko idi ti Linteg dagiti Judio.

Paltiing 11:13

Iti dayta met la a kanito, nagginggined iti napigsa. Nadadael ti apagkapullo a paset ti siudad ket 7,000 a tattao ti natay. Nagbuteng dagiti tattao a nabati ket nagdaydayawda iti Dios sadi langit.

Paltiing 15:4

Siasino ti saan nga agbuteng kenka, Apo? Siasino ti saan a mangitan-ok iti naganmo? Agsipud ta siksika laeng ti nasantoan. Umayto dagiti amin a pagilian Ket agdaydayawda iti sangoanam, Ta maimatangan ti amin dagiti nalinteg nga aramidmo.”

Paltiing 16:11

Inlunodda ti Dios sadi langit gapu kadagiti ut-ot ken gaddilda. Ngem saanda a nagbabawi kadagiti dakes nga aramidda.