Jonas 1:6 - Ti Baro a Naimbag a Damag Biblia

⁶ Sadiay ti nakasarakan kenkuana ti kapitan ti barko. “Apay a matmaturogka?” kinuna ti kapitan. “Bumangonka ketdi ket agpatulongka iti diosmo bareng no kaasiannatayo ket saantayo a matay.”

Ti Biblia (1973)

⁶ Iti casta ti panguloen di sasacayan immasideg kencuana ket kinunana, Ania ti aramidem, O mannaturog? Bumangonca, ket awagam ti Diosmo, bareng no ti Dios malagipnatayto tapno ditayo mapucaw.

Jonas 1:6 Iomraidhean Croise

2 Samuel 12:22

“Wen,” kinuna ni David. “Idi sibibiag pay ti ubing, nagayunarak ket nagsangsangitak idi bareng no kaasiannak ti Apo ket paimbagenna ti anakko.

Ester 4:16

“Ummongem ti amin a Judio nga adda iti Susa. Agayunarkayo ket idawdawatandak. Dikay mangan wenno uminum iti uray ania iti tallo nga aldaw ken rabii. Agayunarakto met agraman dagiti adipenko a babbai. Kalpasanna, uray no maisalungasing iti linteg, innakto iti ari ket no pakatayak, awatek a siraragsak.”

Dagiti Salmo 107:6

Immawagda iti Apo idi marigatanda, ket inispalna ida iti narikut a kasasaadda.

Dagiti Salmo 78:34

Tunggal adda dagiti papatayenna kadakuada, isu metten ti panagbirok kenkuana dagiti dadduma, agbabawida ket sipapasnekda nga agkararag kenkuana.

Isaias 3:15

Awan ti kalinteganyo a mangilupitlupit kadagiti tattaok ken manggundaway kadagiti napanglaw.” Daytoy ti sao ti Apo Dios a Mannakabalin-amin.

Ezekiel 18:2

Kinunana, “Ania ti kaipapanan daytoy a pagsasao dagiti tattao iti daga ti Israel? ‘Kinnan dagiti nagannak dagiti naalsem nga ubas, Ngem dagiti ngipen dagiti annak ti naalino.’”

Joel 2:11

Bilinen ti Apo ti armadana; kasla gurruod ti timekna. Adu ken nabileg dagiti soldado nga agtulnog kenkuana. Nakabutbuteng ti aldaw ti Apo! Siasinonto ti makalasat iti dayta nga aldaw?

Amos 5:15

Guraenyo ti dakes. Ayatenyo ti naimbag. Ipakatyo ti kinahustisia kadagiti pangukoman. Nalabit a maasianto ti Apo kadagiti tattao a natda a sibibiag pay laeng iti daytoy a nasion.

Jonas 3:8

Masapul nga agkawes amin a tattao ken animal iti nakersang a lupot. Masapul nga agkararag ti tunggal maysa iti Dios. Nasken a laksiden ti tunggal maysa ti dakes a kababalin ken kinaranggasna.

Jonas 3:9

Nalabit a baliwan ti Dios ti panunotna, ket saanen nga agpungtot tapno ditay matay!”

Dagiti Aramid 21:13

Ngem kinunana, “Apay a sangitandak? Apay a pagladingitenyo 'toy pusok? Saanak la a sisasagana a mareppet. Sisasaganaak pay a matay idiay Jerusalem gapu ken ni Apo Jesus.”

Taga-Roma 13:11

Masapul nga aramidenyo daytoy ta ammoyo a panawenen tapno agriingkayo. Ta as-asidegen ti pannakaisalakantayo ngem idi damotayo ti mamati.

Taga-Efeso 5:14

Ta ti aniaman a maipalgak a silalawag agbalin a lawag. Daytoy ti gapuna a makunkuna, “Agriingka, sika a matmaturog, Bumangonka ken ni patay! Ket lawagannakanto ni Cristo.”