Jonas 1:3 - Ti Baro a Naimbag a Damag Biblia

³ Ngem nagrubbuat ketdi ni Jonas ket sabali ti tinurongna tapno itarayanna ni Yahweh. Napan idiay Joppe ket nakasarak iti barko nga agturong idiay Tarsis. Kalpasan ti panagbayadna iti pletena, limmugan a kaduana dagiti tripulante tapno mapan sadiay, ket iti kasta, maadaywanna ni Yahweh.

Ti Biblia (1973)

³ Ngem ni Jonas timmacder tapno agtalaw iti saclang ni Jehova a mapan idiay Tarsis, ket simmalog idiay Joppe, ket nasaracna ti maysa a barangay nga agrubbuat a mapan idiay Tarsis, iti casta binayadanna ti fletena, ket limmugan kencuana a cumuyog cadacuada idiay Tarsis nga aggapu iti saclang ni Jehova.

Jonas 1:3 Iomraidhean Croise

Genesis 3:8

Iti dayta a sumipnget, nangngegda ti arimpadek ni Yahweh a Dios a magmagna iti minuyongan. Naglemmeng dagiti agassawa kadagiti kakaykaywan,

Genesis 4:16

Pimmanaw ngarud ni Cain iti imatang ni Yahweh ket napan nagnaed iti daya ti Eden, iti lugar a maaw-awagan iti Nod.

1 Ar-ari 19:3

Nagbuteng ni Elias ket naglibas tapno maispal ti biagna. Intugotna ti adipenna ket napan idiay Beerseba iti sakup ti Juda. Imbatina ti adipenna sadiay.

1 Ar-ari 19:9

Sadiay, simrek ni Elias iti maysa a rukib tapno umian. Pagammoan, nagsao kenkuana ni Yahweh, “Elias, ania ti ar-aramidem ditoy?”

2 Cronicas 2:15

“Ipatulodmo ngaruden dagiti trigo, sebada, lana ti olibo ken arak nga inkarim nga ited,

2 Cronicas 2:16

ta pukanenmin iti kabakiran ti Libano ti amin a sedro a masapulmo. Aramidenminto ida a balsa a maipaanud iti taaw agingga idiay Joppe a pakabunaganda a maipan idiay Jerusalem.”

2 Cronicas 9:21

Adu ti barko ni Solomon nga agbibiahe iti sabali a pagilian a makikuykuyog iti bunggoy ti barko ni Ari Hiram. Tunggal tallo a tawen, agsubli dagiti barko ket agisangpetda iti balitok, pirak, marfil, bakes ken burangen.

ESDRAS 3:7

Nangted dagiti tattao iti kuarta a pagtangdan kadagiti kantero ken kadagiti karpintero. Nagpaitulodda met iti taraon, mainum ken lana ti olibo a maipan idiay siudad ti Tiro ken Sidon a sukat dagiti kayo ti sedro ti Libano a maipaanud iti taaw a maipan idiay Joppe. Naaramid amin dagitoy babaen iti palubos ni Ciro nga ari ti Persia.

Ti Libro ni Job 1:12

Kinuna ni Yahweh ken ni Satanas, “Ala wen, aramidem ti aniaman a kayatmo kadagiti amin nga adda kenkuana, ngem saanmo a dangran ni Job.” Ket pimmanaw ni Satanas iti imatang ni Yahweh.

Ti Libro ni Job 2:7

Pimmanaw ni Satanas iti sango ni Yahweh. Pinaggaddilna ni Job iti nakaar-arriek iti entero a bagina.

Dagiti Salmo 107:23

Adda dagiti naglayag iti barko; nanggedda iti taaw babaen iti panagkomersio.

Isaias 2:16

Palnedennanto uray dagiti kadakkelan ken kapintasan a barko.

Isaias 23:1

Daytoy ti pakdaar maipapan iti Tiro. Umkiskay iti ladingit, dakayo nga aglaylayag iti taaw! Nadadaelen ti Tiro a pagaw-awidanyo. Narban dagiti balbalayna ken dagiti pantalanna. Inton agsubli dagiti barkoyo nga aggapu idiay Chipre, maammoanyo ti damag.

Isaias 23:10

Inkay talonen ti daga, dakayo a tattao nga agnanaed iti sakup ti Tarsis! Awanen ti mangsalaknib kadakayo.

Isaias 23:6

Umkiskay iti ladingit, dakay a tattao ti Fenisia! Padasenyo ti agkamang idiay Tarsis!

Isaias 60:9

Isuda dagiti nagluganan dagiti tattao ti Dios; naggapuda iti adayo a daga, isangpetda ida. Nagitugotda kadagiti pirak ken balitok a pammadayaw iti nagan ni Yahweh, ti Nasantoan a Dios ti Israel, a nangisungsong kadagiti amin a nasion nga agraemda kadagiti tattaona.

Jeremias 10:9

Nakalupkopan dagiti didiosenda iti pirak a naggapu idiay Tarsis ken balitok a naggapu idiay Ufas. Aramid amin ida dagiti kumikitikit ken dagiti platero. Nakawesanda iti lumabaga ken nangingina a lupot nga inaramid dagiti agab-abel.

Ezekiel 2:8

“Anak ti tao, denggem ti ibagak kenka. Dika agsukir a kas kadakuada. Agngangaka ket kanem ti itedko kenka.”

Ezekiel 27:12

“Nakinegosioka iti Tarsis, ket nagalaka iti minasna a pirak, landok, lata ken buli a kas sukat ti adu a tagilakom.

Ezekiel 3:14

Immay kaniak ti mannakabalin nga espiritu ti Dios ket bayat ti panangitayabna kaniak, nariknak ti pungtot ken sakit ti nakemko.

Jonas 1:10

Imbaga ni Jonas kadakuada nga itartarayanna ni Yahweh. Idi naammoanda daytoy, nagbuteng dagiti tripulante ket kinunada, “Nakabutbuteng daytoy nga inaramidmo!”

Jonas 4:2

Inkararagna ken ni Yahweh: “Daytoy ti kinabutengko, O Apo, idi addaak iti bukodko a pagilian. Daytoy ti kinabutengko nga aramidem, isut' gapuna a dinardarasko ti nagkamang idiay Tarsis. Ammok a managparabur ken manangngaasika a Dios. Ammok a naanuska iti amin a tiempo ken sidadaanka a mangibabawi iti panangdusam.

San Lucas 9:62

Kinuna ni Jesus kenkuana, “Ti mangrugi nga agarado sa taliaw a taliaw, saan a maikari iti Pagarian ti Dios.”

Dagiti Aramid 15:38

ngem inkeddeng ni Pablo a saan a nasayaat nga ikuyogda gapu ta saan a nakikadkadua kadakuada agingga a nalpas ti trabahoda no di ket nagsubli ket pinanawanna ida idiay Pamfilia.

Dagiti Aramid 26:19

“Isut' gapuna, Ari Agripa,” intuloy ni Pablo, “a nagtulnogak iti nailangitan a parmatak.

Dagiti Aramid 9:36

Idiay met Joppe, adda adalan a babai nga agnagan Tabita. Imbukbokna ti amin a panawenna nga agaramid kadagiti naimbag ken tumulong kadagiti napanglaw.

Dagiti Aramid 9:38

Asideg ti Joppe idiay Lidda. Idi nadamag dagiti adalan a taga-Joppe nga adda ni Pedro idiay Lidda, nangibaonda iti dua a lallaki a mangkiddaw kenkuana a dagdagusenna koma ti mapan idiay Joppe.

Dagiti Aramid 9:42

Nagdinamag daytoy a pasamak iti entero a Joppe ket adu dagiti namati iti Apo.

Dagiti Aramid 9:43

Nagyan ni Pedro idiay Joppe iti adu nga aldaw, iti balay ni Simon nga agkurkurte iti lalat.

1 Taga-Corinto 9:16

Uray no ikaskasabak ti ebanghelio, awan ti kalintegak nga agparammag. Naipabaklay kaniak daytoy nga aramid, ket asiak pay no diak ikasaba ti ebanghelio!

2 Taga-Tesalonica 1:9

Madusadanto iti agnanayon a pannakadadael, ket maisinadanto iti sangoanan ti Apo ken iti dayag ti pannakabalinna.

Josue 19:46

Mejarcon ken Racon agraman dagiti daga iti lawlaw ti Joppe.