Jonas 1:2 - Ti Baro a Naimbag a Damag Biblia

² Kinunana, “Inka idiay Nineve, ket ballaagam dayta agdindinamag a siudad, ta naipadamag kaniak ti kinadakes dagiti tattao.”

Ti Biblia (1973)

² Tumacderca, inca idiay Ninive, daydiay ili a dackel, ket yawagmo ti maicaniwas kencuana ta ti kinadakesna dimmanon iti saclangco.

Jonas 1:2 Iomraidhean Croise

Genesis 10:11

Manipud iti dayta a daga, napan ni Nimrod idiay Asiria ket binangonna dagiti siudad ti Nineve, Rehobot-ir, Cala

2 Ar-ari 19:36

Gapu iti daytoy, nagsanud ni Senakerib nga emperador ti Asiria ket nagsubli idiay Nineve.

2 Cronicas 28:9

Ngem adda profeta ni Yahweh nga agnaed idiay Samaria; Oded ti naganna. Idi agsubli ti armada ti Israel ket dandanida sumrek iti siudad a kaduada dagiti balud a taga-Juda, sinabat ti profeta ida ket kinunana kadakuada, “Nakapungtot idi ti Apo a Dios dagiti kapuonanyo iti Juda ket impalubosna a parmekenyo ida ngem nagpapataykayo ket diyo natengngel ti pungtotyo.

ESDRAS 9:6

“O Dios, mabainak unay a mangitangad iti rupak kenka. Nangatngaton ngem ti ulomi dagiti agrurutap a basolmi, ket tumuknoda sadi langit.

Isaias 37:37

Pimmanaw ni Senakerib nga emperador ti Asiria ket nagsubli idiay Nineve.

Isaias 58:1

Kuna ti Apo, “Agpukkawka iti amin a pigsam! Ipakaammom kadagiti tattaok nga Israelita dagiti basolda!

Jeremias 20:9

Ngem no kunak, “Lipatekon ti Apo ket diakton agsao iti naganna,” isu metten a kasla apuy a gumil-ayab ti mensahem iti kaunggak. Diak magawidanen ti bagik, ket masapul nga ipakaammok.

Ezekiel 2:7

Ibagamto kadakuada ti aniaman nga ibagak, dumngegda man wenno saan. Laglagipem a nasukirda a tattao.

Oseas 7:2

Dida pampanunoten nga ammok ti amin a kinadakesda. Ngem, nalikmutda kadagiti dakes nga aramidda, ket awan duadua a makitak dagiti basolda.”

Jonas 3:2

Kinunana, “Inka iti dayta agdindinamag a siudad ti Nineve, ket ipakaammom kadagiti tattao ti insaok kenka.”

Jonas 3:3

Nagtungpal a dagus ni Jonas ket napan idiay Nineve. Nalawa daytoy a siudad. Tallo nga aldaw a sursoren ti masakupanna.

Jonas 4:11

Saan kadi a rumbeng a maasianak met iti Nineve, daytoy agdindinamag a siudad nga addaan iti nasursurok a 120,000 a tattao a dida ammo ti naimbag ken dakes, agraman pay dagiti nakaad-adu nga animal?”

Mikias 3:8

Ngem no maipapan kaniak, punnoennak ti espiritu ti Apo ken iti pannakabalinna, ipakaammona kaniak ti hustisia ket paturdennak a mangibutaktak iti basol dagiti Israelita.

Nahum 1:1

Daytoy ti mensahe maipapan iti Nineve, ti pakasaritaan ti parmata ni Nahum a taga-Elkos.

Nahum 3:19

Saanen a maagasan dagiti dunormo, ket saanen a maimbagan dagiti sugatmo. Maragsakanto dagiti amin a makadamag, iti pannakadadaelmo ket agsipatdanto iti ragsakda. Adda aya nakalibas iti saan nga agpatingga a kinaranggasmo?

San Mateo 10:18

Gapu kaniak, maisaklangkayto iti sangoanan dagiti agtuturay ken ar-ari tapno paneknekanyo kadakuada ken kadagiti Hentil ti Naimbag a Damag.

San Mateo 12:41

Inton Aldaw a Panangukom, tumakderto dagiti taga-Nineve a mangpabasol kadakayo, ta nagbabawida kadagiti basbasolda idi nangngegda ti panangaskasaba ni Jonas. Ibagak kadakayo nga adda ditoy ti maysa a natantan-ok ngem ni Jonas.

Santiago 5:4

Diyo pay tinangdanan dagiti pinagtrabahoyo. Denggenyo dagiti angalda. Dimmanonen iti Dios, ti Apo a Mannakabalin-amin, ti ikkis dagiti pinaganiyo.

Paltiing 18:5

Ta tumukno sadi langit ti kaadu ti basolna, Ket dinto malipatan ti Dios ti kinadakesna.