Jonas 1:17 - Ti Baro a Naimbag a Damag Biblia

¹⁷ Binilin ni Yahweh ti maysa a dakkel nga ikan a mangalun-on ken ni Jonas. Tallo nga aldaw ken tallo a rabii nga adda ni Jonas iti tian ti ikan.

Ti Biblia (1973)

¹⁷ Ket ni Jehova insaganana ti maysa a dackel nga ican a mangalun-un ken ni Jonas; ket ni Jonas nagyan iti tian ti ican iti bayat ti tallo nga aldaw ken tallo a rabii.

Jonas 1:17 Iomraidhean Croise

Genesis 1:21

Pinarsua ti Dios dagiti dadakkel a parsua iti taaw, ken amin a kita ti parsua iti danum ken amin a kita ti tumatayab. Naragsakan ti Dios idi makitana dagiti inaramidna.

Jonas 2:10

Kalpasanna, binilin ni Yahweh ti ikan, ket impugsona ni Jonas iti kadaratan iti igid ti baybay.

Jonas 4:6

Pinagtubo ni Yahweh a Dios ti maysa a mula nga agpaay a linong ni Jonas tapno saan a mainitan. Kasta unay ti pannakaay-ayo ni Jonas iti mula.

Habakuk 3:2

O Apo, nadamagko dagiti inaramidmo, ket kasta unay ti siddaawko. Aramidem met kadi ita dagiti naindaklan a gapuanam? Mangngaasika kadi uray no makapungtotka?

San Mateo 12:40

Kas iti panagyan ni Jonas iti tian ti dakkel nga ikan iti las-ud ti tallo nga aldaw ken rabii, kastanto met ti panagyan ti Anak ti Tao iti uneg ti daga.

San Mateo 16:4

Anian a nagdakes dagiti tattao kadagitoy nga aldaw! Awan pammatida iti Dios. Agkiddawkayo iti milagro? Awan ti maipakita kadakayo no di laeng ti milagro ni Jonas.” Iti kasta, pinanawan ida ni Jesus.

San Lucas 11:30

Kas iti panagbalin ni profeta Jonas a pagilasinan dagiti taga-Nineve, kasta met nga agbalinto ti Anak ti Tao a pagilasinan dagiti tattao kadagitoy a panawen.