Jonas 1:12 - Ti Baro a Naimbag a Damag Biblia

¹² “Itappuakdak tapno agkalma,” insungbat ni Jonas. “Ammok a siak ti nakaigapuan ti idadateng kadakayo daytoy nadawel a bagio.”

Ti Biblia (1973)

¹² Ket isu simmungbat cadacuada, Alaendac ket itappuacdac iti taaw; iti casta ti taaw agtalnanto cadacayo: ta ammoc a gapu caniac immay cadacayo daytoy dackel a bagio.

Jonas 1:12 Iomraidhean Croise

2 Samuel 24:17

Nakita ni David ti anghel, ket kinunana ken ni Yahweh, “Siak ti nagbasol. Siak ti nagaramid iti dakes. Ania aya ti inaramid dagitoy nanumo a tattao? Siak ken ti familiak ti rumbeng a dusaem.”

1 Cronicas 21:17

ket inkararagna, “O Dios, siak ti nagbasol. Siak ti nagpasensus. Awan ti basol dagitoy a tattao. O Apo a Diosko, dusaennakami a sangafamilian ngem ispalem dagiti tattaom.”

Ti Libro ni Job 35:8

No agbasolka ti laeng padam a tao ti agsagaba; iti panagaramidmo iti naimbag, makatulongka kenkuana.

Eclesiastes 9:18

Ad-adu ti pagimbagan ti kinasirib ngem ti igam, ngem adu a kinaimbag ti mabalin a dadaelen ti maysa a biddut.

Jonas 1:11

Idi dumawel latta ti taaw bayat ti panaglabas ti oras, kinuna dagiti tripulante ken ni Jonas, “Ania ti aramidenmi kenka tapno sumardeng ti bagio?”

Jonas 1:13

Nupay kasta, kayat dagiti tripulante nga ipaigid ti barko. Inkabilda ti amin a kabaelanda nga aggaud ngem awan ti maaramidda ta pumigpigsa ti angin.

San Juan 11:50

“Saanyo aya a maawatan a nasaysayaat no matay ti maysa a tao, ngem ti madadael ti entero a nasion?”

Dagiti Aramid 27:24

ket kinunana, ‘Dika agbuteng, Pablo! Masapul a sumaklangka iti Emperador. Ket gapu ta naimbag ti Dios kenka, isalakanna ti amin a kinakuyogmo iti barko.’

Josue 7:12

Daytoy ti gapuna a di kabaelan dagiti Israelita a sarangten dagiti kabusorda. Intarayanda ida agsipud ta nairantada metten a madadael. Diakon kumuyog kadakayo malaksid no dadaelenyo dagiti innalayo a nairanta a madadael.