Joel 3:9 - Ti Baro a Naimbag a Damag Biblia

⁹ “Ipakaammoyo daytoy kadagiti nasion: ‘Agsaganakayo a makigubat! Ayabanyo dagiti mannakigubat. Ummongenyo amin a soldado, ket inkayo!

Ti Biblia (1973)

⁹ Iwarragawagyo daytoy cadagiti nacion; isaganayo ti gubat; riingenyo dagiti maingel a lallaki; amin coma dagiti lallaki ti gubat umasidegda, umayda coma.

Joel 3:9 Iomraidhean Croise

Dagiti Salmo 96:10

Ibagayo kadagiti nasion, “Agari ti Apo! Naipasdek a nalaing ti daga ket awan ti pannakagunggonna. Nalintegto ti panangukomna kadagiti tattaona.”

Isaias 34:1

Umaykayo, dakay a tattao ti amin a nasion! Umasidegkayo ket dumngegkayo. Umay koma ti entero a daga agraman dagiti amin nga agnaed kenkuana ket dumngegda.

Jeremias 31:10

Kuna ni Yahweh, “Dumngegkayo kaniak, dakayo a nasion, ipakaammoyo ti saok kadagiti adayo a purpuro. Winarawarak dagiti tattaok ngem ummongek ken bantayakto ida a kas iti panangaywan ti agpaspastor iti arbanna.

Jeremias 50:2

“Ipakaammom ti damag kadagiti nasion! Iwaragawagmo! Itedmo ti pagilasinan ket iwarasmo ti damag! Dimo ilimlimed! Naparmeken ti Babilonia! Naibabainen ni Bel! Naburburaken ni Marduk a didiosenna! Naibabainen dagiti imahen, narumrumeken dagiti didiosenna.

Jeremias 51:11

Gapu ta panggep ni Yahweh a dadaelen ti Babilonia, tinignayna dagiti ari ti Media. Kastoy ti panangibalesna iti pannakadadael ti Templona. Imbilin dagiti dumarup nga ofisiales, “Asaenyo dagiti panayo! Isaganayo dagiti kalasagyo!

Jeremias 51:27

“Ikabilyo ti pagilasinan ti idadarup! Pagunienyo ti trumpeta tapno mangngeg dagiti nasion! Pagsaganaenyo dagiti nasion a manggubat iti Babilonia! Ibagayo a dumarup dagiti pagarian ti Ararat, Minni ken Askenaz. Mangtudingkayo iti mangidaulo iti panangraut. Iruaryo dagiti kabalio a kas iti pangen ti dudon ti kaaduda.

Jeremias 6:4

Kunadanto, “Agsaganakay a manggubat iti Jerusalem! Darasenyo! Dumaruptay iti tengnga ti aldaw!” Ngem kunadanto, “Naladawen, ta dandani lumneken ti init ket umat-atiddogen dagiti anniniwan.

Ezekiel 38:17

Sika ti sinarsaritak idi un-unana, idi impakdaarko babaen kadagiti adipenko a profeta ti Israel, nga iti masakbayan mangibaonakto iti mangraut iti Israel.” Daytoy ti sao ti Apo a Dios.

Ezekiel 38:7

Ibagam kenkuana nga agsagana, kasta met a pagsaganaenna amin a soldadona nga ipanguloanna.

Mikias 3:5

Al-allilawen dagiti profeta dagiti tattaok. Ikarida nga adda talna no la ket mabayadanda. Ngem no saanda a maikkan iti kuarta, butbutngenda dagiti tattao ket ibagada nga adda dumteng a gubat. Kastoy ti kuna ti Apo kadagitoy a profeta,

Haggeo 2:7

Parmekekto ti amin a nasion. Mayegto ditoy ti gamengda ket mapnonto ti Templo iti kinabaknang.

Zacarias 14:2

Ummongento ti Apo dagiti amin a pagilian tapno darupenda ti Jerusalem. Maparmekto ti siudad. Masamsamanto dagiti balbalay. Maramesto dagiti babbai. Maitalawto ti kagudua ti bilang dagiti agnaed iti siudad ngem mabatinto dagiti dadduma.

Zacarias 14:3

Kalpasanna, rummuarto ti Apo ket makirangetto a kas kadagiti napalabas a tiempo; gubatennanto dagidiay a pagilian.