Joel 3:2 - Ti Baro a Naimbag a Damag Biblia

² Ummongekto dagiti amin a pagilian, ket ipanko ida idiay Tanap ni Josafat. Sadiayto ti pangukomak kadakuada gapu iti amin nga inaramidda kadagiti tattaok. Inwarawarada dagiti Israelita kadagiti sabali a pagilian. Biningbingayda ti dagak nga Israel.

Ti Biblia (1973)

² Tiptiponecto dagiti amin a nacion, ket pasalugecto ida idiay lobong a Josafat; ket idiay aramidecto ti panangocom cadacuada a maipaay iti ilic ken iti pagtawidec nga Israel, isuda a winarawarada cadagiti nasnacion: ket biningbingayda ti dagac,

Joel 3:2 Iomraidhean Croise

2 Cronicas 20:26

Iti maikapat nga aldaw, naguummongda iti Tanap ti Beraca ket dinaydayawda ni Yahweh gapu kadagiti amin nga inaramidna. (Daytoy ti gapuna a napanaganan ti tanap iti “Beraca,” kayatna a sawen, “panagdayaw.”)

Isaias 66:16

Babaen iti apuy ken kampilan dusaennanto dagiti amin a tattao ti lubong a masarakanna a nakabasol, ket mataydanto.

Isaias 66:18

Ammok dagiti panunot ken aramidda. “Umayko ummongen dagiti tattao ti amin a nasion. Inton dumtengda, maimatangandanto no kasano ti kinabilegko,

Jeremias 12:14

Kuna ti Apo, “Adda masaok maipapan kadagiti kaarruba ti Israel a nangdadael iti daga nga intedko kadagiti tattaok nga Israelita. Ikkatekto dagitoy a tattao iti dagada, kas iti mula a maparut iti nagtuboanna ket isalakankonto ti Juda iti pannakabalinda.

Jeremias 25:31

ket agallangoganto ti timekna iti entero a daga. Agsipud ta adda pangpabasolan ti Apo kadagiti nasion. Ipaulogna ti sentensia iti sangkataoan ket patayennanto dagiti managdakdakes. Siak, ni Yahweh, ti nagsao iti daytoy.’”

Jeremias 49:1

Daytoy ti sao ni Yahweh a maibusor iti Ammon: “Ayan dagiti lallaki nga annak ti Israel? Awan kadi kadakuada ti mangsalaknib iti dagada? Apay a pinalubosanda dagiti agdaydayaw ken ni Milcom a mangtagikua iti sakup ti tribu ti Gad ket agnaedda sadiay?

Jeremias 50:17

Kuna ni Yahweh, “Mayarig dagiti Israelita iti arban ti karnero a kinamatkamat ken winarawara dagiti leon. Rinangrangkay nga immuna ida ti ari ti Asiria. Kalpasanna, nginutngotan ni Ari Nebucadnesar dagiti tultulangda.

Ezekiel 25:8

Kinuna ti Apo a Dios, “Agsipud ta kinuna ti Moab nga awan pakaigiddiatan ti Juda kadagiti dadduma a nasion,

Ezekiel 34:6

Ngarud, nagtawataw dagiti karnerok kadagiti nangato a turod ken kabambantayan. Naiwaraswarasda iti rabaw ti daga ket awan ti nangbirok wenno nangsapul kadakuada.’

Ezekiel 35:10

“Kinunam a kukuam dagiti dua a nasion, ti Juda ken Israel, kasta met dagiti daga a masakupanda ket tagikuaem ida idinto a siak, ni Yahweh, ti Diosda.

Ezekiel 36:1

Kinuna ti Apo, “Anak ti tao, agsaoka kadagiti bantay ti Israel ket ibagam a denggenda ti saok

Ezekiel 36:5

“Siak nga Apo a Dios, iti napalalo a pungtotko, nagsaoak iti maibusor kadagiti kabangibang a nasion, nangruna iti Edom. Nagraragsak ken nanglalaisda idi sakupenda ti dagak ket tinagikuada dagiti pagpastoranna.

Ezekiel 38:22

Dusaekto babaen iti angol ken gubat. Idissuorkonto kenkuana ti bumayakabak a tudo, uraro, apuy ken asufre, kasta met iti armadana ken iti adu a nasion a kakaduana.

Ezekiel 39:11

Kinuna ti Apo, “Inton mapasamak dagitoy, ikkakto ni Gog iti pakaitanemanna idiay Israel, iti Tanap dagiti Agbibiahe iti daya ti Natay a Baybay. Sadiay, maitanemto ni Gog agraman ti armadana, ket maawaganto ti tanap iti ‘Tanap ti Armada ni Gog.’

Joel 3:12

“Masapul nga agsagana dagiti pagilian, ket mapanda idiay Tanap ni Josafat. Sadiay, siak, ni Yahweh, agtugawakto a mangukom kadagiti amin a kabangibang a nasion.

Joel 3:14

Rinibribu dagiti adda iti Tanap ti Pangeddeng. Dumtengen sadiay ti aldaw ni Yahweh.

Amos 1:11

Kuna ni Yahweh, “Kanayon nga agbasol dagiti taga-Edom, isu nga awan duadua a dusaekto ida. Kinamatkamatda dagiti kakabsatda nga Israelita, ket pulos a dida nangngaasi. Awan patingga ti pungtotda ket pulos a dida pinagbaaw.

Mikias 4:12

Ngem saan nga ammo dagitoy a nasion ti pampanunoten ti Apo. Dida ammo a panggepna nga ummongen ida tapno madusada, kas iti pannakaummong ti mairik a trigo.

Sofonias 3:8

Kuna ni Yahweh, “Aguraykayo. Urayenyo ti aldaw a panagtakderko a kas ukom a mangidarum kadagiti nasion. Inkeddengko nga ummongen dagiti pagilian ken pagarian tapno ipariknak kadakuada ti napalalo a pungtotko. Madadaelto ti entero a daga iti gumilgil-ayab nga apuy ti pungtotko.

Paltiing 11:18

Nakaunget dagiti pagano, Ta dimtengen ti tiempo ti pungtotmo, Ken ti pannakaukom dagiti natay. Tiempon a gunggonaam dagiti profeta nga adipenmo, Kadagiti amin a tattaom, ken amin nga agbuteng kenka, Natan-ok man ken nanumo, Tiempon a dadaelem dagiti nangparigat iti daga!”

Paltiing 16:14

Isuda dagiti espiritu ti demonio nga agiparparang iti pagilasinan. Mapan dagiti tallo nga espiritu kadagiti ari iti sangalubongan tapno ummongenda ida a makigubat inton dumteng ti naindaklan nga aldaw ti Mannakabalin-amin a Dios.

Paltiing 16:16

Ket inummong dagiti espiritu dagiti ar-ari sada impan ida iti lugar a maaw-awagan Armagedon iti pagsasao a Hebreo.

Paltiing 16:6

Imparukpokda ti dara dagiti tattao ti Dios, Ken ti dara dagiti profeta, Isut' gapuna a pinainummo ida iti dara. Lak-amenda ti kaikarianda a dusa.”

Paltiing 20:8

Rummuarto a mangallilaw kadagiti nasion iti entero a lubong, kayatna a sawen, da Gog ken Magog. Ummongento ida ni Satanas a kaduana a makigubat. Adunto ti armadada kas iti kaadu ti darat iti igid ti baybay.