Joel 3:18 - Ti Baro a Naimbag a Damag Biblia

¹⁸ Inton dumteng dayta nga aldaw, masaknapanto iti ubas dagiti kabambantayan; adunto ti baka kadagiti katurturodan; nabuslonto ti danum iti entero a Juda. Addanto waig nga aggapu iti Templo ni Yahweh, ket padanumannanto ti Tanap dagiti Acacia.

Ti Biblia (1973)

¹⁸ Ket maaramidto iti dayta nga aldaw, a dagiti banbantay pagtedtedendanto ti nasam-it nga arac, ket dagiti turturod pagayusendanto ti gatas, ket amin dagiti wawaig ti Juda agayusdanto cadagiti dandanum; ket rumuarto ti maysa a burayoc iti balay ni Jehova, ken sibugannanto ti lobong ti Sittim.

Joel 3:18 Iomraidhean Croise

Ti Libro ni Job 29:6

Adu idi ti gatas dagiti baka ken kaldingko; kadagiti kabatoan, dimmakkel dagiti bukodko nga olibo.

Dagiti Salmo 46:4

Adda karayan a mangted rag-o iti siudad ti Dios, iti nasantoan a pagtaengan ti Kangatoan.

Exodo 3:8

Bimmabaak tapno ispalek ida kadagiti Egipcio. Iruarko ida iti dayta a daga ket ipanko ida iti daga a nadam-eg ken nalawa. Nabaknang ken nabunga daytoy a daga a pagnanaedan ita dagiti Cananeo, Heteo, Amorreo, Perezeo, Heveo ken Jebuseo.

Isaias 30:25

Iti aldaw a masakup dagiti sarikedked dagiti kabusoryo ket mapapatay dagiti tattaoda, agayusto dagiti danum kadagiti ubbog manipud kadagiti bambantay ken turturod.

Isaias 35:6

Aglagto ken agsalanto dagiti pilay, ket agkantanto dagiti umel gapu iti rag-o. Agayusto ti danum iti let-ang;

Isaias 44:3

“Ibuyatkonto ti danum iti namaga a daga; pataudekto dagiti karayan iti let-ang. Ibukbukkonto ti Espirituk kadagiti annakmo; bendisionakto dagiti kaputotam.

Isaias 45:8

Itedkonto ti balligi manipud langit kas iti tudo; aglukatto ti daga a mangawat kenkuana, ket agsabongto iti wayawaya ken hustisia. Siak, ni Yahweh, ti akinnakem a mapasamak amin dagitoy.”

Isaias 55:1

Kuna ti Apo, “Umaykayo, dakay amin a mawaw— adtoy ti danum! Umaykayo, dakayo nga awan kuartana— gumatangkay iti taraon ket mangankayo! Umaykayo gumatang iti arak ken gatas— gumatangkay ngem awan ti bayadanyo.

Isaias 66:11

Mairanudkayto iti kinarang-ayna, kas iti maladaga a sumuso iti inana.

Jeremias 31:12

Umaydanto agkanta a sirarag-o iti tapaw ti Bantay Sion. Maragsakandanto kadagiti sagsagutko a trigo, arak, ken lana, kadagiti karnero ken kadagiti baka. Kasdanto hardin a nasayaat ti pannakasibogna, addanto aminen a masapulda.

Mikias 6:5

Tattaok, lagipenyo ti panggep idi ni Balak nga ari ti Moab nga aramiden kadakayo ken ti sungbat kenkuana ni Balaam nga anak ni Beor. Lagipenyo dagiti napasamak iti dalan manipud siudad ti Acacia agingga idiay Gilgal. Lagipenyo dagitoy ket mabigbigyo no ania ti inaramidko a pangisalakan kadakayo.”

Zacarias 14:8

Inton dumteng dayta nga aldaw, addanto nabiag a danum nga aggapu iti Jerusalem. Agturongto ti kaguduana iti Natay a Baybay ket ti kaguduana iti Taaw Mediterranean. Saanto nga agpatingga ti panagayusna, uray iti kalgaw wenno tudtudo.

Numero 25:1

Bayat ti panagkampo dagiti Israelita idiay Settim, nakikakaiddada kadagiti babbai a Moabita.