Joel 3:16 - Ti Baro a Naimbag a Damag Biblia

¹⁶ Agpukkaw ni Yahweh manipud Bantay Sion; manipud Jerusalem, agallangogan ti timekna. Agkintayeg ti daga ken ti tangatang, ngem salaknibannanto dagiti tattaona.

Ti Biblia (1973)

¹⁶ Ket ni Jehova, agungorto manipud Sion, ket yebcasnanto ti timecna manipud Jerusalem; ket dagiti langlangit ken ti daga agkintayegdanto: ngem ni Jehova isu ti pagcamanganto ti ilina, ken sarikedked cadagiti annac ti Israel.

Joel 3:16 Iomraidhean Croise

Dagiti Salmo 18:2

Ti Apo ti salaknibko; isu ti bato a sarikedkedko. Ti Diosko ti mangsalaknib kaniak, kenkuana, awan ti pakaan-anoak. Kas maysa a kalasag salaknibannak, ikaluya ken salluadannak.

Dagiti Salmo 29:11

Papigsaen ni Yahweh dagiti tattaona; kappia ti ibendisionna kadakuada.

Dagiti Salmo 61:3

ta sika ti salaknibko, ti napigsa a sarikedked kadagiti kabusorko.

Dagiti Proverbio 18:10

Mayarig ti Apo iti nalagda a torre a mabalin a kamangan ti nalinteg ket awan ti pakaan-anoanna.

Isaias 33:16

Agballigikanto no aramidem dagitoy, ket natalgedkanto a kas iti adda iti uneg ti natibker a sarikedked. Addanto taraon a kanem ken danum nga inumem.

Isaias 33:21

Ipakitanto ti Apo ti dayagna kadatayo. Agnaedtayto iti igid dagiti nalawa a karayan ken waig, ngem awanto ti barko dagiti kabusor nga aglayag kadakuada.

Isaias 42:13

Rummuar ni Yahweh a kas maingel a tao, sisasagana ken sigagagar a makiranget. Agpukkaw a mangipakdaar iti gubat; ipakitana kadagiti kabusorna ti bilegna.

Isaias 51:16

Inyukradko ti langit, ket impasdekko ti fondasion ti daga. Kunak iti Jerusalem, ‘Dakayo ti tattaok! Intedko kadakayo ti pannursurok, ket siak a mismo ti mangsalaknib kadakayo.’”

Jeremias 16:19

O Apo, sika ti mangsalaknib kaniak ken mangted iti pigsak. Tulongannak iti tiempo ti rigat. Umayto kenka dagiti nasion nga aggapu iti amin a paset ti daga ket kunada, “Pasig a sinan-dios ti adda kadagidi kapuonanmi. Awan ti adda kadakuada no di laeng dagiti awan serserbina nga imahen.

Jeremias 17:17

Saan koma a sika ti pakaigapuan ti pagbutngak. Sika ti pagkamangak no umay ti rigat.

Ezekiel 38:19

Iti gumilgil-ayab a pungtotko, ipakaammokto nga addanto nakaro a ginggined iti entero nga Israel.

Oseas 11:10

“Surotendakto dagiti tattaok inton ngerngerak a kas iti leon dagiti kabusorda. Agdardarasto nga umay kaniak dagiti tattaok manipud laud.

Amos 1:2

Kinuna ni Amos, “Agungor ti Apo idiay Sion, ket gumluong ti timekna idiay Jerusalem. Gapu iti daytoy, agtikag dagiti pagpastoran ken aglaylay dagiti ruot ti Bantay Carmel.”

Amos 3:8

No agngernger ti leon, adda aya saan a mabuteng? No agsao ni Apo Dios, siasino ti di mangipakaammo iti mensahena?

Nahum 1:7

Naimbag ni Yahweh; salaknibanna dagiti tattaona iti tiempo ti riribuk; aywananna dagiti agkamang kenkuana.

Haggeo 2:6

“Iti saan a mabayag, gunggonek ti langit, ti lubong ken ti taaw.

Haggeo 2:7

Parmekekto ti amin a nasion. Mayegto ditoy ti gamengda ket mapnonto ti Templo iti kinabaknang.

Zacarias 10:12

Papigsaekto dagiti tattaok; agdaydayaw ken agtulnogdanto kaniak.” Ti Apo ti nagsao iti daytoy.

Zacarias 10:6

“Papigsaekto dagiti tattao ti Juda; ispalekto dagiti Israelita. Kaasiakto ida, ket yawidkonto amin ida. Kaslanto diak linaksid ida. Siak ni Yahweh a Diosda, sungbatakto dagiti kararagda.

Zacarias 9:12

Agsublikayo, dakayo a naitalaw, dakayo a balud nga addaan namnama; agsublikayon iti natalged a taengyo. Ibagak kadakayo ita, subadakto iti mamindua a kaadu ti bendision ti amin a sinagabayo.

Hebreo 12:26

Gapu iti timekna, nadayyeg idi ti daga ngem ita inkarina, “Maminsan pay a dayyegek saan laeng a ti daga no di pay ket ti langit.”

Paltiing 11:13

Iti dayta met la a kanito, nagginggined iti napigsa. Nadadael ti apagkapullo a paset ti siudad ket 7,000 a tattao ti natay. Nagbuteng dagiti tattao a nabati ket nagdaydayawda iti Dios sadi langit.

Paltiing 11:19

Nalukatan ti templo ti Dios sadi langit, ket nakitak ti Lakasa ti Tulagna iti uneg. Kalpasanna, nagkimat, adda napigsa nga arimbangaw, naggurruod, nagginggined ken nagtudo iti nakaad-adu nga yelo.

Paltiing 16:18

Nagkimatkimat, rimkuas dagiti dulluog ken gurruod ken nagginggined iti napigsa. Daytoy ti kapigsaan a ginggined manipud pannakaparsua ti tao. Wen, nakapigpigsa!

1 Samuel 15:29

Saan nga agulbod wenno agbalbaliw ti panunot ti nadayag a Dios ti Israel. Saan a tao—dina baliwan ti panunotna.”