Joel 3:12 - Ti Baro a Naimbag a Damag Biblia

¹² “Masapul nga agsagana dagiti pagilian, ket mapanda idiay Tanap ni Josafat. Sadiay, siak, ni Yahweh, agtugawakto a mangukom kadagiti amin a kabangibang a nasion.

Ti Biblia (1973)

¹² Dagiti nacion agriingda coma, ket sumang-atda idiay lobong a Josafat: ta idiay agtugawacto a mangocom cadagiti amin a nacion iti aglicmut.

Joel 3:12 Iomraidhean Croise

2 Cronicas 20:26

Iti maikapat nga aldaw, naguummongda iti Tanap ti Beraca ket dinaydayawda ni Yahweh gapu kadagiti amin nga inaramidna. (Daytoy ti gapuna a napanaganan ti tanap iti “Beraca,” kayatna a sawen, “panagdayaw.”)

Dagiti Salmo 7:6

Tumakderka iti ungetmo, O Apo, ket sarangtem ti pungtot dagiti kabusorko! Agriingka ket tulongannak, O Diosko, ket ipaaymo ti hustisia nga inkeddengmo.

Dagiti Salmo 96:13

Inton umay ukomen ti Apo ti daga, nalinteg ken awan idumdumana iti panangukomna iti amin a tattao ditoy lubong.

Dagiti Salmo 98:9

ta umayna ukomen ti daga! Nalinteg ken awan idumdumana iti panangukomna iti amin a tao.

Isaias 2:4

Agtugawto a kas ukom dagiti nasion ket risutennanto ti parikut dagiti adu a tattao. Pandayendanto nga arado dagiti kampilanda, pagbalinendanto a kumpay dagiti pikada. Saanton nga aggugubat dagiti pagilian, saandanton nga agsagana a makigubat.

Isaias 22:1

Daytoy ti pakdaar maipapan iti Tanap ti Parmata. Ania kadi ti mapaspasamak? Apay nga immulikayo kadagiti tuktok dagiti balbalay?

Isaias 3:13

Sisasagana ni Yahweh a mangidatag iti pammabasolna. Sisasagana a mangukom kadagiti tattaona.

Ezekiel 30:3

Asidegen ti aldaw, Wen, ti aldaw a panagtignay ti Apo. Nalidemto dayta nga aldaw, Aldaw a pannakadusa dagiti nasion.

Ezekiel 39:11

Kinuna ti Apo, “Inton mapasamak dagitoy, ikkakto ni Gog iti pakaitanemanna idiay Israel, iti Tanap dagiti Agbibiahe iti daya ti Natay a Baybay. Sadiay, maitanemto ni Gog agraman ti armadana, ket maawaganto ti tanap iti ‘Tanap ti Armada ni Gog.’

Joel 3:14

Rinibribu dagiti adda iti Tanap ti Pangeddeng. Dumtengen sadiay ti aldaw ni Yahweh.

Joel 3:2

Ummongekto dagiti amin a pagilian, ket ipanko ida idiay Tanap ni Josafat. Sadiayto ti pangukomak kadakuada gapu iti amin nga inaramidda kadagiti tattaok. Inwarawarada dagiti Israelita kadagiti sabali a pagilian. Biningbingayda ti dagak nga Israel.

Mikias 4:3

Pagkakappiaennanto dagiti agsusuppiat a nasion, dagiti nabibileg a pagilian nga adda iti asideg wenno iti adayo. Pandayendanto nga arado dagiti kampilanda, ket aramidendanto a kumpay dagiti gayangda. Saanton nga aggugubat dagiti pagilian; didanton agsagana a makigubat.

Zacarias 14:4

Iti dayta nga aldaw, agtakderto ti Apo iti tapaw ti Bantay Olivo iti daya ti Jerusalem. Maguduanto ti bantay ket addanto nalawa a tanap iti baetna a mangrugi iti daya nga agpa-laud. Umalisto nga agpa-amianan ti kaguduana ket agpa-abagatanto met ti sabali a kagudua.

Paltiing 19:11

Naglukat ti langit ket nakitak ti maysa a puraw a kabalio. Adda nakasakay. Maaw-awagan iti Matalek ken Napudno agsipud ta nalinteg ti panangukom ken pannakigubatna.