Joel 3:11 - Ti Baro a Naimbag a Damag Biblia

¹¹ Darasenyo ti umay, dakay amin a kabangibang a nasion, ket agtitiponkayo iti tanap.’” O Apo, ibaonmo ti armadam a mangdarup kadakuada.

Ti Biblia (1973)

¹¹ Agdarascayo, ket umaycayo, dacayo amin a nacion iti aglicmut, ket aguurnongcayo: idiay paulogem dagiti mamaingelmo, O Jehova.

Joel 3:11 Iomraidhean Croise

Dagiti Salmo 103:20

Idaydayawyo ti Apo, dakayo a mannakabalin ken napipigsa nga anghelesna, dakayo a dumngeg ken agtulnog iti bilinna.

Isaias 10:34

Pukanento ti Apo ida a kas iti panangpukan ti wasay kadagiti kayo iti tengnga ti bakir. Uray dagiti kasayaatan a kayo ti Libano mapukanda!

Isaias 13:3

Inayaban ti Apo dagiti maingel ken matalek a soldadona a mangiwayat iti gubat a pangdusa kadagiti tattao a kapungtotna.

Isaias 37:36

Napan ti anghel ni Yahweh iti kampo dagiti taga-Asiria ket pinatayna ti 185,000 a mannakigubat. Iti parbangon iti sumuno nga aldaw, napasagda amin sadiay!

Joel 3:2

Ummongekto dagiti amin a pagilian, ket ipanko ida idiay Tanap ni Josafat. Sadiayto ti pangukomak kadakuada gapu iti amin nga inaramidda kadagiti tattaok. Inwarawarada dagiti Israelita kadagiti sabali a pagilian. Biningbingayda ti dagak nga Israel.

Mikias 4:12

Ngem saan nga ammo dagitoy a nasion ti pampanunoten ti Apo. Dida ammo a panggepna nga ummongen ida tapno madusada, kas iti pannakaummong ti mairik a trigo.

Sofonias 3:8

Kuna ni Yahweh, “Aguraykayo. Urayenyo ti aldaw a panagtakderko a kas ukom a mangidarum kadagiti nasion. Inkeddengko nga ummongen dagiti pagilian ken pagarian tapno ipariknak kadakuada ti napalalo a pungtotko. Madadaelto ti entero a daga iti gumilgil-ayab nga apuy ti pungtotko.

2 Taga-Tesalonica 1:7

Pagin-awaennakayto nga agsagsagaba, ket kastanto met kadakami. Aramidennanto daytoy inton agparang ni Apo Jesus nga aggapu sadi langit, a kaduana dagiti mannakabalin nga anghelesna.

Paltiing 19:14

Sumarsaruno kenkuana dagiti armada ti langit. Nakasakayda kadagiti puraw a kabalio ket sikakawesda iti nadalus ken puraw a de lana.