Joel 2:32 - Ti Baro a Naimbag a Damag Biblia

³² Ngem maispalto dagiti amin nga agpatulong ken ni Yahweh. Kas kinunana, ‘Addanto dagiti makalasat idiay Jerusalem; makalassatto dagiti piliek.’”

Ti Biblia (1973)

³² Ket maaramidto, nga uray siasino nga umawagto iti nagan ni Jehova, maisalacanto; ta idiay bantay Sion ken idiay Jerusalem addanto dagidiay a macatalaw, cas sinao ni Jehova, ket cadagiti matidda addanto dagiti ayayaban ni Jehova.

Joel 2:32 Iomraidhean Croise

Genesis 4:26

Naaddaan ni Set iti anak a lalaki a pinanagananna iti Enos. Iti dayta a tiempo, rinugian dagiti tattao nga aramaten ti nagan ni Yahweh iti panagdaydayawda.

Dagiti Salmo 50:15

No umay ti riribuk, awagannak; ispalenkanto ket idaydayawnakto.”

Isaias 10:22

Uray no adu ita dagiti Israelita a kas iti kaadu ti darat ti baybay, bassitto laeng ti agsubli. Adda pannakadadael nga agur-uray kadagiti tattao ket tumutop a madusada.

Isaias 11:11

Inton dumteng dayta nga aldaw, aramatento manen ti Apo ti pannakabalinna. Yawidnanto dagiti nakalasat a tattaona a nabati idiay Asiria, Egipto, Patros, Etiopia, Elam, Babilonia, Hamat ken kadagiti pagilian kadagiti igid ti baybay ken kadagiti purpuro.

Isaias 11:16

Addanto nalawa a kalsada nga aggapu idiay Asiria a pagnaan dagiti tattaona nga Israelita a nakalasat sadiay, kas iti kaadda ti dalan a nagnaan dagidi kapuonanda idi pumanawda idiay Egipto.

Isaias 4:2

Dumtengen ti tiempo a padakkelen ken pasantaken ni Yahweh ti amin a mula ken kayo iti daga. Pagtangsit ken pagragsakanto dagiti natda nga Israelita dagiti maapit iti daga.

Isaias 46:13

Yasidegko ti aldaw ti panagballigi— saan unayen a mabayag. Saanto a mataktak ti panagballigik; isalakankonto ti Jerusalem, ket itedkonto ti dayaw ti Israel sadiay.”

Jeremias 31:7

Kuna ni Yahweh, “Kantaanyo a sirarag-o ti Israel, ti kangrunaan kadagiti nasion. Ikantayo ti pagdaydayawyo ket kunayo, ‘Insalakan ti Apo dagiti tattaona; inispalna dagiti amin a natda iti Israel.’

Jeremias 33:3

“Awagannak ket sungbatankanto. Ibagakto kenka dagiti nakaskasdaaw ken naindaklan a banag a saanmo pay nga ammo.

Amos 9:8

Siak, ti Apo a Dios, sipsiputak daytoy managbasol a pagarian ti Israel; pukawekto iti rabaw ti daga. Ngem saankonto a dadaelen amin a kaputotan ni Jacob.

Obadias 1:17

“Ngem addanto dagiti makalasat idiay Sion, ket agbalinto ti bantay a nasantoan a disso. Tagikuaento manen dagiti tattao ni Jacob ti daga a kukuada.

Obadias 1:21

Dagiti maingel a lallaki ti Jerusalem rautendanto ti Edom ket iturayanda. Agarinto a mismo ni Yahweh.”

Mikias 5:3

Ngarud, yawatto ni Yahweh dagiti tattaona kadagiti kabusorda agingga nga ipasngay ti babai ti anakna a lalaki. Kalpasanna, agsublinto dagiti kadaraanna a naitalaw a kas balud ket maitiponda kadagiti kailianda.

Zacarias 13:9

Paglasatekto iti apuy dagiti nakalasat nga apagkatlo. Gugorakto ida a kas iti pannakagugor ti pirak iti apuy. Gugorakto ida a kas iti pannakagugor ti balitok. Kalpasanna, agkararagdanto kaniak ket ipangagkonto ida. Ibagakto kadakuada nga isuda dagiti tattaok ket ipudnodanto a siak ti Diosda.”

San Juan 10:16

Adda pay dagiti karnerok nga awan ditoy a pagaponan. Masapul nga yaponko met ida. Ipangagdanto ti timekko, ket agbalindanton a maymaysa nga arban nga aywanan ti maymaysa a pastor.

San Juan 4:22

Dakayo a Samaritano, diyo ammo no siasino ti daydayawenyo. Dakami, ammomi ti daydayawenmi ta aggapu kadagiti Judio ti pannakaisalakan.

Dagiti Aramid 15:17

Iti kasta, umayto kaniak dagiti dadduma pay iti sangkataoan, amin a Hentil nga inayabak nga agbalin a kukuak.

Dagiti Aramid 2:39

Agpaay daytoy a kari kadakayo ken kadagiti annakyo, kasta met kadagiti amin nga adda iti adayo. Wen, maipaay iti tunggal maysa nga ayabanto ti Apo a Diostayo iti sidongna.”

Taga-Roma 11:26

Kalpasanna, maisalakanto ti amin nga Israel. Kas kuna ti Nasantoan a Surat: “Aggapunto ti Mangisalakan idiay Sion, pukawennanto ti amin a kinadakes iti kaputotan ni Jacob.

Taga-Roma 11:5

Kasta met ita: adda natda a pinili ti Dios babaen iti paraburna.

Taga-Roma 11:7

Ania ngarud? Saan a nasarakan dagiti Israelita ti sapsapulenda. Ti bassit a grupo a pinili ti Dios ti nakasarak. Saan nga inkaskaso ti dadduma ti ayab ti Dios.

Taga-Roma 9:24

Ta datayo ti inayabanna, saan laeng a dagiti Judio, no di pay ket dagiti Hentil.

Taga-Roma 9:27

Ipukkaw ni Isaias maipapan iti Israel: “Uray pay no kasla kaadu ti darat ti baybay ti kaadu dagiti Israelita, bassitto laeng ti maisalakan kadakuada.

Hebreo 12:22

Immasidegkayo ketdi iti Bantay Sion ken iti siudad ti sibibiag a Dios, ti nailangitan a Jerusalem a yan dagiti rinibribu nga angheles.