Joel 2:26 - Ti Baro a Naimbag a Damag Biblia

²⁶ Adunton ti taraonyo, ket mapnekkayto. Idaydayawyonto ti Apo a Diosyo, a nagaramid kadagiti nakaskasdaaw a banag nga agpaay kadakayo. Saanton a malalais dagiti tattaok.

Ti Biblia (1973)

²⁶ Ket mangancayto a nawadwad ket mapneccayto, ket daydayawenyonto ti nagan ni Jehova a Diosyo, isu a nagaramid iti nacascasdaaw cadacayo; ket ti ilic saanton a mapabainan uray caanoman.

Joel 2:26 Iomraidhean Croise

Genesis 33:11

Pangngaasim ta alaem dagitoy sagut nga inyegko nga agpaay kenka; kinaasiannak ti Dios ket intedna amin a masapulko.” Saan a namingga ni Jacob a nanguy-uyot iti kabsatna agingga nga inawat ni Esau dagiti sagutna.

Nehemias 9:25

Sinakup dagiti tattaom dagiti siudad a nasarikedkedan ken dagiti nadam-eg a daga, balbalay a napno iti kinabaknang, dagiti bubon a nakalin, dagiti kayo ti olibo, kayo nga agbunga ken dagiti kaubasan. Kinnanda amin a kinaykayatda ket limmukmegda, linak-amda dagiti amin a naimbag nga intedmo kadakuada.

Dagiti Salmo 103:5

Punnoenna ti biagko iti kinaimbagna tapno agtalinaedak nga agtutubo ken napigsa a kas iti agila.

Dagiti Salmo 116:7

O kararuak, agtalgedka, ta naimbag ti Apo kenka.

Dagiti Salmo 13:6

Kantaak ni Yahweh agsipud ta naimbag kaniak.

Dagiti Salmo 22:26

Manganto koma dagiti napanglaw agingga a mapnekda; agdaydayawto iti Apo dagiti mangbirok kenkuana. Rumang-ayda koma iti awan inggana!

Dagiti Salmo 37:19

Didanto agsagaba iti tiempo ti didigra; iti tiempo ti bisin, dinto agkurang ti kanenda.

Dagiti Salmo 67:5

O Dios, daydayawendaka koma dagiti tattao! Wen, amin a tattao daydayawendaka koma!

Dagiti Salmo 72:18

Idaydayawyo ti Apo, ti Dios ti Israel! Isu laeng ti makaaramid kadagitoy nakaskasdaaw a banag!

Dagiti Proverbio 13:25

Adda latta umdas a taraon dagiti nalinteg, ngem kanayon a mabisin dagiti managdakdakes.

Kanta ni Solomon 5:1

“Addaak iti hardinko, ay-ayatek ken nobiak. Agal-alaak iti mirra ken balsamok; kankanek ti rara ken ti dirok, in-inumek ti arak ken gatasko.” “Mangan ken uminumkayo, agayan-ayat, agingga a mabartekkayo iti ayat!”

Isaias 25:1

O Apo, sika ti Diosko; itan-okka ket idaydayawko ti naganmo. Nakaskasdaaw dagiti inaramidmo; sipupudnoka a nangtungpal kadagiti planom idi un-unana nga aldaw.

Isaias 29:22

Ita ngarud, kastoy ti kuna ti Apo a Dios ti Israel a nangispal ken ni Abraham iti riribuk, “Dakayo a tattaok, awanton ti rumbeng a pagbainan wenno pagbutenganyo.

Isaias 45:17

Ngem insalakan ni Yahweh ti Israel, ket agnanayon ti balligina; pulos a dinto maibabain dagiti tattaona.’”

Isaias 49:23

Dagitinto ar-ari ti pannakaamam; ket dagitinto reyna ti pannakainam. Agrukbabdanto iti sangoanam, sipapakumbabadanto nga agraem kenka. Iti kasta, maammoanyonto a siak ni Yahweh; awanto ti mapaay a dumawat iti tulongko.”

Isaias 54:4

Dika agbuteng—dikanton maibabain; saankanton a malalais. Malipatamton ti kinagulibmo a kas asawa idi ubingka pay. Malipatamton ti nakaay-ay-ay a kasasaadmo a kas balo.

Isaias 55:2

Apay a gastosenyo ti kuartayo iti taraon a saan a makan? Apay a gastoenyo ti sueldoyo, ket kaskasdi nga awan pannakapnekyo? Denggendak ket aramidenyo ti ibagak tapno maramananyo ti kaimasan a makan.

Levitico 25:19

Nawadwadto ti apit iti daga, saankayto a mabisinan ket natalgedto ti panagbiagyo.

Levitico 26:26

Kissayakto ti taraonyo agingga a maymaysanto la nga urno ti paglutoan ti sangapulo a babbai iti amin a tinapay nga adda kadakuada; in-inutendanto nga ited ti kanenyo, ngem saankayonto a mabsog.

Levitico 26:5

Nawadwadto ti apityo ket agap-apitkayto pay laeng iti trigo uray no panagburasen iti ubas; agburburaskayto pay laeng iti ubas uray no panagmumulan iti trigo. Addanto amin a taraon a kayatyo a kanen ket natalgedto ti panagbiagyo iti dagayo.

Mikias 6:14

Mangankanto ngem dikanto mabsog; kinapudnona, mariknamto pay laeng ti bisinmo. No adda ipaknim a sanikua dimonto masalakniban. Madadaelto iti gubat ti aniaman nga idulinmo.

Sofonias 3:11

Iti dayta a tiempo, dakayo a tattaok, saanton a masapul nga agbainkayo iti panagsukiryo kaniak. Ikkatekto dagiti natangsit ken napasindayag ket saankayonton nga agsukir kaniak iti nasantoan a turodko iti Jerusalem.

Zacarias 9:15

Salaknibanto ti Apo a Mannakabalin-amin dagiti tattaona, ket papatayendanto dagiti kabusorda. Kasdanto la nabartek nga agpukkaw iti paggugubatan, ket pagayusendanto ti dara dagiti kabusorda. Agayusto a kas iti dara ti sakrifisio a maibuyat iti rabaw ti altar manipud iti malukong.

Zacarias 9:17

Anian a kinasayaat ken kinapintas ti pagbalinanto ti daga! Pumigsa dagiti agtutubo iti trigo ken arak.

Taga-Roma 10:11

Kuna ti Nasantoan a Surat, “Dinto maibabain ti siasinoman a mamati kenkuana.”

Taga-Roma 5:5

Saannatayo a paayen daytoy a namnama ta imbukbok ti Dios ti ayatna kadagiti pusotayo babaen iti Espiritu Santo a sagutna kadatayo.

Taga-Roma 9:33

a saritaen ti Nasantoan a Surat: “Kitaenyo, nangikabilak idiay Sion iti bato a pakaitibkolan dagiti tattao, Maysa a bato a pakatnaganda. Ngem dinto maibabain ti siasinoman a mamati kenkuana.”

Deuteronomio 11:15

Paraburannanto dagiti talonyo iti ruruot nga araben dagiti animalyo ket mangan ken mapnekkayto

Deuteronomio 12:12

Agraragsakkayto sadiay iti imatangna, dakayo ken dagiti annakyo, dagiti adipenyo agraman dagiti Levita nga agnaed iti iliyo. Laglagipenyo nga awan ti naited a daga dagiti Levita.

Deuteronomio 12:18

Mabalinyo laeng a kanen dagitoy iti lugar a pilien ti Apo a Diosyo. Iti imatang ti Apo a Diosyo, mangankayto sadiay—dakayo, dagiti annakyo, dagiti adipenyo ken dagiti Levita nga agnaed iti iliyo. Ket agragsakkayo iti imatang ti Apo iti aniaman nga aramidenyo.

Deuteronomio 12:7

Sadiay, iti imatang ti Apo a Diosyo a nangbendision kadakayo, mangankayto a sangafamilian ket agrarag-okayo gapu kadagiti paraburna kadakayo.

Deuteronomio 8:10

Addanto amin a kayatyo a kanen, ket agyamankayto iti Apo a Diosyo gapu iti nadam-eg a daga nga intedna kadakayo.”

1 Timoteo 6:17

Bilinem dagiti babaknang ditoy lubong a dida agpaspasindayag ken dida italek ti namnamada iti kinabaknang a mapukawto met laeng. Agtalekda ketdi koma iti Dios, isu a sibubuslon a mangted iti amin a pagragsakantayo.

1 Juan 2:28

Wen, annakko, agtalinaedkayo kenkuana tapno naturedtayo ket ditayto mabain a sumango kenkuana iti dayta nga Aldaw a yaayna.