Joel 2:24 - Ti Baro a Naimbag a Damag Biblia

²⁴ Mapnonto iti trigo dagiti pagirikan; aglippiasto iti arak ken lana dagiti tangke iti abay dagiti pagpespesan.

Ti Biblia (1973)

²⁴ Ket dagiti pagidulinan mapunnodanto ti trigo, ket dagiti tangtangke agliplippiasdanto iti baro nga arac ken lana.

Joel 2:24 Iomraidhean Croise

Ezekiel 36:8

Ngem kadagiti bantay ti Israel, agbulongto manen dagiti kaykayo ket agbungada iti kanenyo, dakayo a tattaok nga Israelita. Asidegen ti panagsubliyo iti dagayo.

Joel 3:13

Dakesda la unay; Paraspasem ida a kas iti trigo iti tiempo ti panagani. Pespesem ida a kas iti ubas a maladdit iti napno a pagpespesan agingga nga aglippias ti arak.”

Joel 3:18

Inton dumteng dayta nga aldaw, masaknapanto iti ubas dagiti kabambantayan; adunto ti baka kadagiti katurturodan; nabuslonto ti danum iti entero a Juda. Addanto waig nga aggapu iti Templo ni Yahweh, ket padanumannanto ti Tanap dagiti Acacia.

Levitico 25:19

Nawadwadto ti apit iti daga, saankayto a mabisinan ket natalgedto ti panagbiagyo.

Levitico 26:10

Nawadwadto unay ti apityo ket umanayto a taraonyo iti makatawen; wen, adunto pay la ti sobrayo, ket masapul nga ibellengyo ti nabati iti baak nga apit a pempenyo tapno adda pangikabilan iti baro nga apit.

Amos 9:13

Kuna ti Apo, “Umayen dagiti aldaw a madama pay la ti ani, ngem tiempo manen ti panagarado. Madama pay laeng ti panagaramid iti arak, tiempo manen ti panagpurruak. Agtedtedto dagiti bantay iti nasam-it nga arak ket agayusto kadagiti turod.

Malakias 3:10

Yegyo ti amin nga apagkapullo iti Templo tapno adu ti taraon sadiay. Padasendak ket ilukatkonto dagiti pagidulinan ti gameng sadi langit ket ibuyatkonto kadakayo ti nawadwad a bendision.