Joel 2:23 - Ti Baro a Naimbag a Damag Biblia

²³ “Agragsakkayo, tattao ti Sion; agragsakkayo gapu iti impaay kadakayo ti Apo a Diosyo. Inikkannakayo iti tumutop nga umuna a tudo; nagbayakabak iti tiempo ti tudtudo ket kas iti sigud, inikkannakayo iti naladaw a tudo.

Ti Biblia (1973)

²³ Agragsaccayo ngarud, dacayo annac ti Sion, ket agrag-ocayo ken ni Jehova a Diosyo; ta isu itedna cadacayo ti masapa a tudo a tumutop, ket patinnagenna cadacayo ti tudo, ti masapa ken maladaw a tudo, cas idi damo.

Joel 2:23 Iomraidhean Croise

1 Ar-ari 8:36

ipangagmo koma ida dita langit nga ayanmo. Pakawanem dagiti basol ti ari ken dagiti Israelita. Isurom koma ida iti tumutop a panagbiagda ket pagtudoem iti daga nga impatawidmo kadagiti tattaom.

Ti Libro ni Job 33:23

Nalabit nga adda anghel a tumulong kenkuana— maysa kadagiti rinibu nga angheles ti Dios— a mangipalagip kadagiti tattao ti rebbengda.

Ti Libro ni Job 37:13

Pagtinnagen ti Dios ti tudo a mangpadanum iti daga; mabalin a pangdusana kadagiti tattao, wenno pangipakitana iti kaasina kadakuada.

Dagiti Salmo 104:34

Maay-ayo koma iti kantak gapu ta isu ti mangparagsak kaniak.

Dagiti Salmo 147:8

Kumotanna ti tangatang iti ulep; itedna ti tudo nga agpaay iti daga, ket pagtuboenna ti ruot kadagiti turod.

Dagiti Salmo 149:2

Agragsakka, Israel, gapu iti Namarsua kenka; agrag-okayo, tattao ti Sion, gapu iti ariyo!

Dagiti Salmo 28:7

Ni Yahweh ti pigsak ken kalasagko, kenkuana isaadko ti panagtalekko. Tinulongannak isut' gapuna nga agrag-oak; agkantaak kadagiti himno a pagdaydayaw kenkuana.

Dagiti Salmo 32:11

Dakayo a nalinteg a tattao, agrag-okayo iti Apo! Wen, agragsakkayo gapu iti inaramidna! Agriawkayo iti ragsak, dakay amin a naimbag ti panagpuspusona.

Dagiti Salmo 84:6

Bayat ti panangdaliasatda iti natikag a tanap ti Baca, agburayok dagiti ubbog iti dayta a daga, agtinnag ti nasapa a tudo ket dagiti waig aglipiasda.

Dagiti Proverbio 16:15

Mayarig ti parabur ti ari kadagiti ulep a mangyeg iti tudo kadagiti maudi a tiempo ti tudtudo—adda biag sadiay.

Isaias 30:21

No sumiasikayo iti dalan, mangngegyonto ti timekna iti likudanyo nga agkuna, “Daytoy ti dalan a pagnaanyo.”

Isaias 30:23

Tunggal agmulakayo, pagtudoento ti Apo tapno dumakkel dagiti mulayo ket nawadwadto ti apityo ken adunto ti araben dagiti animalyo.

Isaias 41:16

Ipurruakmonto ida iti ngato ket mayanginda; ti bagio ti mangiwarwara kadakuada. Ngem naragsakkanto ta siak ti Diosmo; siak a Nasantoan a Dios ti Israel, idaydayawnakto.

Isaias 61:10

Agrag-o ti Jerusalem gapu iti inaramid ni Yahweh. Mayarig iti babai a nakawesan iti aldaw a panagkasarna. Kinawesan ti Dios iti pannakaisalakan ken balligi!

Jeremias 3:3

Daytoy ti gapuna a di nagtudo ken di met nagarbis. Balangkantiska a babai; awan a pulos ti babainmo.

Jeremias 5:24

Pulos a diyo napanunot a dayawendak uray no inyegko ti tudo kadagiti tiempo a kasapulanna ket nagapitkayo kadagiti naituding a panawen.

Dungdung-aw 4:2

Idi, napateg a kas balitok kadakami dagiti agtutubo a lallaki ti Sion; ita, maibilangdan a gagangay a banga.

Ezekiel 34:26

“Bendisionakto ida ket palubosakto ida nga agnaed iti likmut ti nasantoan a turodko. Pagtudoekto iti tiempo a kasapulanda.

Oseas 6:3

Agpakumbabatayo iti imatang ti Apo. Ikagumaantayo ti mangbigbig kenkuana. Awan duadua ti yaayna kadatayo, kas iti idadateng ti parbangon, kas iti damo a tudo a mangsibog iti daga.”

Levitico 26:4

pagtudoekto iti umisu a panawen tapno adda maapit iti daga ken agbunga dagiti kayo.

Amos 4:7

Diak pinagtudo idi masapul unay ti mulayo ti danum. Pinagtudok iti maysa a siudad, ngem diak pinagtudo iti sabali. Nagtudo iti maysa a talon ngem nagmaga ti sabali.

Zacarias 10:1

Agdawatkay iti tudo iti Apo iti panawen nga awan ti tudo. Ti Apo ti mangibaon iti ulep a mangitinnag iti tudo ken arbis, a mangpalangto kadagiti talon nga agpaay iti tunggal maysa.

Zacarias 10:7

Napigsanto dagiti Israelita a kasla soldado, naragsakdanto a kasla nakainum iti arak. Malagipto dagiti kaputotanda daytoy a balligi, ket agragsakdanto gapu iti inaramid ni Yahweh.

Zacarias 9:13

Aramatek ti Juda a kas bai ti soldado, ken ti Israel a kas pana. Usarek dagiti tattao ti Sion a kas kampilan a manggubat kadagiti tattao ti Grecia.”

Zacarias 9:9

Agrag-okayo, tattao ti Sion, agrag-okayo! Agdir-ikay iti ragsak, tattao ti Jerusalem! Kitaenyo, umayen kadakayo ti ariyo! Umay a sibaballigi ngem napakumbaba; umay a nakasakay iti asno, iti urbon ti asno.

Dagiti Aramid 14:17

Nupay kasta, dina impalubos nga awan pakakitaan iti kaaddana kadagiti aramidna a naimbag: Ikkannakay iti tudo manipud langit ken iti adu nga apit; ikkannakay iti taraon ken ragsak a mangpunno kadagiti pusoyo.”

Deuteronomio 11:14

yegnanto ti tudo iti dagayo iti tiempo a pannakasapulna ket nabuslonto ti apityo a trigo, arak ken lana ti olibo.

Deuteronomio 28:12

Luktanto ti Apo ti nabaknang a pagiduldulinanna iti tangatang: Yegnanto ti tudo iti umisu a panawen ket bendisionannanto ti amin nga aramidyo. Iti kasta, pulos a dikayto makautang no di pay ket dakayo ti agpautang.

Deuteronomio 32:2

Agtinnag a kasla tudo ti pannursurok; ket agbalay a kasla linnaaw iti daga. Kasla arbis nga agdisso iti naganus a mula, kasla tudo nga agtinnag kadagiti nalangto a ruot.

Taga-Filipos 3:1

Kamaudiananna, kakabsatko, agragsakkayo koma gapu iti pannakikaysayo iti Apo. Diak rigaten nga ulit-uliten kadakayo dagitoy a bambanag nga insuratkon, ket mayadayokayo iti peggad.

Taga-Filipos 3:3

Datayo, saan nga isuda, ti pudno a nakugit ta agdaydayawtayo iti Dios babaen iti Espirituna. Agrag-otayo ta ti biagtayo adda ken Cristo Jesus ket saantayo nga agtalek kadagiti seremonia.

Taga-Filipos 4:4

Kankanayon koma nga agrag-okayo iti Apo. Kunak manen: agrag-okayo!