Joel 2:21 - Ti Baro a Naimbag a Damag Biblia

²¹ “Dakayo a talon, dikay agbuteng ngem agrag-o ken agragsakkayo, gapu iti amin nga impaay ti Apo kadakayo.

Ti Biblia (1973)

²¹ Dica agbuteng, O daga, agragragsacca ken agrag-oca; ta ni Jehova nagaramid cadagiti dadackel a banbanag.

Joel 2:21 Iomraidhean Croise

Genesis 15:1

Kalpasan daytoy, nagparmata ni Abram ket nangngegna ni Yahweh a makisasao kenkuana: “Dika agbuteng, Abram. Salaknibanka iti amin a peggad ket ikkanka iti naindaklan a gunggona.”

Dagiti Salmo 71:19

Dumanon sadi langit, ti kinalintegmo, naindaklan a bambanag dagiti inaramidmo. Awanen ti kas kenka; O Dios.

Dagiti Salmo 98:8

Dakay a karayan, agtipatkayo. Dakayo a turod, agdadanggaykayo nga agkanta iti rag-o iti sango ti Apo,

Isaias 35:1

Agragsakto ti let-ang, ket agukradto dagiti sabong iti naglangalang a daga.

Isaias 41:10

Dikay agbuteng—addaak kadakayo! Siak ti Diosyo— diyo ipalubos nga adda mangbutbuteng kadakayo. Papigsaen ken tulongankayo; salakniban ken isalakankayo.

Isaias 44:23

Agpukkawkayo iti rag-o, dakay a langlangit! Agpukkawkayo, dakay a nauneg a paset ti daga! Agpukkawkayo iti rag-o, dakay a bambantay, dakay a kaykayo iti kabakiran! Insalakan ti Apo dagiti tattaona nga Israelita, ket iti kasta, impakitana ti kinatan-okna.

Isaias 54:4

Dika agbuteng—dikanton maibabain; saankanton a malalais. Malipatamton ti kinagulibmo a kas asawa idi ubingka pay. Malipatamton ti nakaay-ay-ay a kasasaadmo a kas balo.

Isaias 55:12

“Naragsakkayto a pumanaw iti Babilonia; sitatalnakayto a mairuar iti siudad. Agkakantanto dagiti bambantay ken turturod, agpukkawto dagiti kaykayo gapu iti rag-o.

Jeremias 33:3

“Awagannak ket sungbatankanto. Ibagakto kenka dagiti nakaskasdaaw ken naindaklan a banag a saanmo pay nga ammo.

Oseas 2:21

Iti dayta a tiempo, ipangagkonto dagiti kararag dagiti Israelita. Pagtudoekto ket agtubonto ti adu a trigo, ubas, ken olibo.

Joel 2:20

Ipanawkonto kadakayo dagiti pangen ti dudon a naggapu iti amianan, ket ipankonto iti let-ang ti dadduma kadakuada. Sunsonekto ti akin-sango a bunggoyda agingga iti Natay a Baybay. Iturongkonto ti akinlikud a buyotda agingga idiay Taaw Mediterranean. Agbuyokto dagiti bangkayda, ket agadiwaranto ti bangsitda. Dadaelekto ida gapu kadagiti amin nga inaramidda kadakayo.

Joel 2:26

Adunton ti taraonyo, ket mapnekkayto. Idaydayawyonto ti Apo a Diosyo, a nagaramid kadagiti nakaskasdaaw a banag nga agpaay kadakayo. Saanton a malalais dagiti tattaok.

Zacarias 8:15

Ngem ita, panggepko a bendisionan dagiti tattao ti Jerusalem ken Juda. Dikayo ngarud agbuteng.

Deuteronomio 4:32

“Sukimatenyo ti amin a pakasaritaan, manipud iti tiempo a panangparsua ti Dios iti tao iti rabaw ti daga. Sukimatenyo ti entero a lubong. Adda kadin naindaklan a banag a kas iti daytoy a napasamak idi? Adda kadin pasamak a kas iti daytoy?

1 Samuel 12:16

Ngarud, agtalinaedkayo iti yanyo ket maimatanganyo ti naindaklan nga aramiden ita ti Apo.

1 Samuel 12:24

Agbutengkayo iti Apo ket agserbikayo a sipupudno kenkuana iti amin a pusoyo. Lagipenyo dagiti naindaklan a banag nga impaayna kadakayo.