Joel 2:2 - Ti Baro a Naimbag a Damag Biblia

² Nasipnget ken nalidemto dayta nga aldaw, aldaw a nalulem ken naulep. Sumungad ti dakkel a pangen ti dudon, kas iti sipnget nga agsaknap kadagiti bantay. Awan pay napasamak a kas iti daytoy, ket awanton ti kasta a mapasamak iti masakbayan.

Ti Biblia (1973)

² Aldaw a nasipnget ken nacudrep, aldaw dagiti ul-ulep ken napuscol a sipnget, a cas ti bannawag nga agsacnap iti rabaw dagiti banbantay; maysa nga ili a dackel ken nabileg; uray caanoman awan ti pumadpad, ket awanton uray pay iti calpasanda uray cadagiti tawtawen dagiti adu a caputotan.

Joel 2:2 Iomraidhean Croise

Dagiti Salmo 10:6

Kunana iti bagina, “Diakto pulos maan-ano; diakto mariribuk uray inton kaano.”

Dagiti Salmo 97:2

Ulep ken sipnget ti nanglikmut kenkuana; kinalinteg ken hustisia ti fondasion ti tronona.

Exodo 10:14

Pinangenpangenda a dimteng ket nagdissoda iti amin a lugar iti pagilian. Daytoy pay la ti kapuskolan a pangen ti dudon a timmaud ket awanen ti kastoy a kaadu, uray iti masakbayan.

Exodo 10:6

Serkendanto dagiti palasiom ken dagiti balay dagiti ofisialesmo ken amin a tattaom. Narangranggasdanto ngem ti aniaman a nakita dagidi kapuonanyo.’” Pimmanaw ni Moises apaman a naisaona daytoy.

Exodo 20:21

Nupay kasta, nagtalinaed dagiti tattao a nakatakder iti adayo ket ni la Moises ti immasideg iti napuskol nga ulep a yan ti Dios.

Isaias 5:30

Inton dumteng dayta nga aldaw, ngerngerandanto ti Israel. Napigsanto ti ngerngerda a kas iti daranudor ti baybay. Kitaenyo daytoy a pagilian! Nakumotan iti sipnget ken panagsagaba! Inalun-on ti sipnget ti lawag.

Isaias 8:22

wenno mulenglenganda ti daga, awanto ti makitada no di pasig a rigat ken sipnget, ti nakabutbuteng a sipnget a pakaituronganda.

Jeremias 13:16

Itan-okyo ti Apo a Diosyo, sakbay a yegna ti sipnget, ket maitublakkayo kadagiti bantay. Wen, itan-okyo sakbay a pagsipngetenna iti napalalo ti lawag a birbirokenyo.

Jeremias 13:6

Iti saan a nabayag, imbaga ti Apo nga agsubliak idiay Eufrates tapno alaek ti linen a sapin.

Dungdung-aw 1:12

“Kitaendak!” ipukkawna iti amin a lumabas. “Dinusanak ti Apo iti aldaw ti pungtotna. Awan pakayaspingan ti ladingitko nga impalak-amna.

Ezekiel 32:7

Inton dadaelenka, abbongakto ti tangatang ket saanto nga agraniag dagiti bituen. Maulpanto ti init ket dinto agraniag ti bulan.

Ezekiel 34:12

kas iti panangaywan ti agpaspastor kadagiti nawarawara a karnerona a naummong manen. Alaekto ida kadagiti amin a lugar a nakaiwarawaraanda iti daydi nasipnget ken nakabutbuteng nga aldaw.

Ezekiel 38:9

Dumarupto a kasla bagio, agraman ti armadana ken dagiti adu a nasion a kimmuyog kenkuana, ket agsaknapdanto a kasla ulep iti daga.”

Daniel 12:1

Intuloy ti anghel ti nagsao: “Iti dayta a tiempo, agparangto ni Miguel, ti naindaklan nga anghel a mangaywan kadagiti kailiam. Kalpasanna, tumaudto ti riribuk a di pay napasamak manipud pannakaipasdek dagiti nasion. Inton dumteng dayta a tiempo, maisalakanto dagiti amin a kailiam a nailanad ti naganda iti libro ti Dios.

Daniel 9:12

Tinungpalmo dagiti amin nga imbagam nga aramidem kadakami ken kadagiti agturay kadakami. Nakarkaro ti panangdusam iti Jerusalem ngem iti uray ania a siudad ditoy daga.

Joel 1:6

Adda pangen ti dudon a nangraut iti dagatayo; nabilegda ket di mabilang ti kaaduda. Natadem ti ngipenda a kas kadagiti leon.

Joel 2:25

Isublikto ti napukawyo kadagiti napalabas a tawen idi kinnan dagiti pinangen a dudon dagiti apityo. Imbaonko daytoy nga armada a nangraut kadakayo.

Joel 2:31

Agsipngetto ti init, ket lumabbaganto ti bulan a kas iti dara sakbay a dumteng ti naindaklan ken nakabutbuteng nga aldaw ni Yahweh.

Joel 2:5

Iti panaglagtolagtoda kadagiti bambantay, kumaradakadda a kas kadagiti lugan a pakigubat. Kumarasakasda a kas iti nagango a ruot a maur-uram. Naintarda a kasla nabileg nga armada a nakasagana a makigubat.

Joel 3:4

“Ania ti kayatyo nga aramiden kaniak, Tiro, Sidon, ken amin a Filistia? Kayatdak kadi a balsen gapu iti inaramidko? No kayatdak a balsen, dagdagusenkayto a balsen!

Amos 4:13

Ti Dios ti nangaramid kadagiti bantay; isu ti nangparsua kadagiti angin. Ipakaammona iti tao ti panunotna; pagbalinenna a rabii ti aldaw. Magna iti alimpatok ti daga. Daytoy ti naganna: Ti Dios nga Apo a Mannakabalin-amin!

Sofonias 1:7

Umasidegen ti aldaw a panagtugaw ti Apo a kas ukom. Agulimekkayo iti imatangna. Agsagsagana ti Apo a mangisakrifisio kadagiti tattaona ket inawisna dagiti kabusor a mangdadael iti Juda.

Zacarias 14:6

Inton dumteng dayta a tiempo, awanton ti lam-ek wenno panagbalay ti danum.

San Mateo 24:21

Ta kadagita nga aldaw, nakarkaronto nga adayo ti rigat ngem iti aniaman a napasamak manipud pannakaparsua ti lubong agingga kadagitoy nga aldaw. Ket uray kaano awanton ti kastoy a mapasamak.

San Marcos 13:19

Ta ti rigat kadagita nga aldaw, saan pay a napaspasamak manipud pannakaparsua ti lubong. Dinto met masunotanen iti uray kaanoman.

Deuteronomio 32:7

“Panunotenyo ti napalabas, idi un-unana a tiempo. Damagenyo kadagiti kapuonanyo no ania ti napasamak; damagenyo kadagiti lallakay ti napalabas.

Hebreo 12:18

Saankayo a kas kadagiti Israelita, isuda nga immasideg iti mabalin a sagiden—iti Bantay Sinai nga adda idi gumilgil-ayab nga apuy, ti sipnget ken ti lidem, ti bagio,

San Judas 1:13

Mayarigda kadagiti nadawel a dalluyon iti baybay. Kasla labutab a narugit dagiti nakababain nga aramidda. Kasda la kadagiti agalla-alla a bituen nga insaganaan ti Dios iti pagyanan iti agnanayon a mangliwengliweng a sipnget.

Paltiing 9:2

Idi luktanna ti yuyeng, rimmuar ti asuk a kasla iti asuk a naggapu iti dakkel nga urno. Nagsipnget ti init ken ti tangatang gapu iti asuk.