Joel 2:16 - Ti Baro a Naimbag a Damag Biblia

¹⁶ Ummongenyo dagiti tattao; isaganayo ida a tumabuno iti sagrado a gimong. Yegyo dagiti babbaket ken lallakay; ummongenyo dagiti ubbing, uray pay dagiti maladaga. Uray dagiti kakaskasar, masapul a panawanda ti balayda ket umayda.

Ti Biblia (1973)

¹⁶ Tiponenyo dagiti tattao, pasantoenyo ti gimongda, tiptiponenyo dagiti lallacay, urnongenyo dagiti ub-ubbing, ken dagiti agsuso; rumuar coma ti novio iti siledna, ken iti novia iti sagumbina.

Joel 2:16 Iomraidhean Croise

2 Cronicas 20:13

Adda amin a lallaki iti Juda, agraman dagiti assawa ken annakda; nakatakderda iti imatang ni Yahweh.

2 Cronicas 29:5

ket imbagana kadakuada, “Dakayo a Levita, aramidenyo ti seremonia ti pannakadalus ti bagiyo ken ti Templo ti Apo, ti Dios dagidi kapuonanyo. Ikkatenyo amin a mangtulaw iti Templo.

2 Cronicas 30:17

Gapu ta adu kadagiti tattao ti saan a nadalus iti imatang ti linteg, dida mabalin ti agparti kadagiti urbon ti karnero nga agserbi iti Paskua; iti kasta, insaup dagiti Levita ida ket indatonda dagiti karnero ken ni Yahweh.

2 Cronicas 30:19

“O Apo a Dios dagidi kapuonanmi, iti kinaimbagmo, pakawanem koma dagiti agdaydayaw kenka iti amin a pusoda nupay saanda a nadalus iti imatang ti linteg.”

2 Cronicas 35:6

Partienyo dagiti Pamaskua a karnero ken kalding. Ita, dalusanyo dagiti bagbagiyo iti imatang ti linteg, ket isaganayo dagiti daton tapno suroten dagiti padayo nga Israelita dagiti alagaden nga inted ti Apo ken ni Moises.”

Ti Libro ni Job 1:5

Tunggal malpas ti padaya, bumangon a masapa ni Job ket agpuor kadagiti daton a maipaay iti pannakadalus dagiti annakna. Naipaugali nga aramidenna daytoy ta kunkunana iti bagina, “Amangan no nagbasol dagiti annakko babaen iti pananglaisda iti Dios iti unegda.”

Dagiti Salmo 19:5

Rummuar iti bigat, kas iti lalaki nga agkasar, kas tumataray a siraragsak a makilumba.

Exodo 19:10

ket kinuna ni Yahweh kenkuana, “Inka kadagiti tattao ket ibagam a dalusanda dagiti bagida ita ken inton bigat tapno agsaganada nga agdaydayaw. Masapul a labaanda dagiti pagan-anayda

Exodo 19:15

ket imbagana kadakuada, “Nakasaganakayton iti maikatlo nga aldaw. Dikay pay la makikaidda iti assawayo.”

Exodo 19:22

Uray dagiti papadi nga umasideg kaniak, masapul a dalusanda dagiti bagbagida, ta no saan, dusaek ida.”

Joel 1:14

Ibilinyo ti panagayunar dagiti tattao; mangangaykayo iti gimong nga agdaydayaw. Ayabanyo dagiti papangulo ken dagiti amin a taga-Juda. Ummongenyo ida iti Templo ti Apo a Diosyo, ket umasugkayo kenkuana.

San Mateo 21:16

Ngarud, sinaludsodda ken ni Jesus, “Mangngegmo ti sasawenda?” “Wen,” insungbatna. “Diyo aya nabasa ti kuna ti Nasantoan a Surat? ‘Insurom dagiti ubbing ken maladaga a mangyebkas iti umisu a panagdaydayaw.’ ”

San Mateo 9:15

Sinaludsod met ni Jesus, “Agladingit kadi dagiti makiboda no adda ti nobio iti arpadda? Saan a mabalin! Ngem dumtengto ti tiempo a maipanaw ti nobio kadakuada; isunton ti panagayunarda.

1 Taga-Corinto 7:5

Dikay agpinnaidam, malaksid no pagtulaganyo nga agteppelkayo pay laeng tapno maipamaysayo ti agkararag. Ngem kalpasanna, agdennakayo manen a kas agassawa tapno dikayo matnag iti pannulisog ni Satanas gapu iti kaawan ti panagteppelyo.

Josue 7:13

Bumangonka! Pasantoem dagiti tattao ket pagsaganaem ida a dumatag kaniak. Ibagam nga agsaganada a sumango kaniak inton bigat ta siak a Dios ti Israel, kunak daytoy: ‘Israel, adda kenka ti sumagmamano a banag a nairanta a madadael. Dimo kabaelan a sarangten dagiti kabusormo malaksid no ibellengmo dagitoy!’

Josue 8:35

Sinaggaysa ni Josue a binasa ti amin a bilin ni Moises iti sangoanan ti entero a gimong a nakairamanan dagiti babbai, ubbing ken dagiti ganggannaet a makipagnaed kadakuada.

1 Samuel 16:5

“Wen,” insungbat ni Samuel. “Addaak ditoy tapno mangidatagak iti daton a mapuoran iti Apo. Dalusanyo dagiti bagbagiyo ket kumuyogkayo kaniak.” Pinadalusanna met ni Jesse ken dagiti annakna, ket inimbitaranna ida a dumar-ay iti panagidaton.