Joel 2:13 - Ti Baro a Naimbag a Damag Biblia

¹³ Ipakitayo ti agsensennaay a pusoyo iti ladingit; saan nga umdas ti panangray-abyo iti pagan-anayyo.” Agsublikay iti Apo a Diosyo. Naasi ken managparabur, naanus ken tungpalenna ti karina; sidadaan a mamakawan, saan a mangdusa.

Ti Biblia (1973)

¹³ Ket pigisenyo ti pusoyo, a saan a dagiti cawesyo, ket agsublicay ken Jehova a Diosyo; ta isu managparabur ken manangngaasi, natanang nga agunget, ket aglablabes iti kinamanangngaasi, ket isu ibabawina ti dakes.

Joel 2:13 Iomraidhean Croise

Genesis 37:29

Idi mapan ni Ruben iti bubon, awanen ni Jose ket rinay-abna ti pagan-anayna gapu iti napalalo a ladingitna.

Genesis 37:34

Rinay-ab ni Jacob ti pagan-anayna sa nagkawes iti nakersang a lupot. Adu nga aldaw a dinung-awanna ti anakna.

2 Samuel 1:11

Gapu iti ladingitna, rinay-ab ni David ti pagan-anayna. Ket kasta met ti inaramid dagiti amin a tattaona.

1 Ar-ari 21:27

Idi malpas ti panagsao ni Elias, rinay-ab ni Ahab ti pagan-anayna, inuksobna ket nagarruat iti nakersang a lupot. Dina kayat ti mangan. Naturog a sikakawes iti nakersang a lupot ket nagpagnapagna a malmalday ken masmasnaayan.

2 Ar-ari 22:11

Idi mangngeg ti ari ti linaon ti libro, rinay-abna ti pagan-anayna gapu iti ladingitna.

2 Ar-ari 22:19

ket nagbabawika. Nagpakumbabaka iti imatangko. Rinay-abmo ti pagan-anaymo ket nagsangitka idi maammoam ti pangtak a mangdusa iti Jerusalem ken dagiti tattaona. Pagbalinek dayta a lugar a nakabutbuteng a buya, maysa a disso nga usaren dagiti tattao ti naganna a pagilunod. Ngem nangngegko ti kararagmo

2 Ar-ari 5:7

Idi mabasa ti ari ti Israel daytoy a surat, rinay-abna ti kawesna iti rurodna ket kinunana, “Apay nga ipagarup ti ari ti Siria a maagasak daytoy a tao? Ipagarupna aya a maysaak a Dios nga adda pannakabalinna a mangbiag ken mangpapatay? Nalawag nga agbirbirok iti panggapuanna a makiriri kaniak!”

2 Ar-ari 6:30

Rinay-ab ti ari ti pagan-anayna idi mangngegna daytoy. Ket nakita dagiti tattao nga asideg iti bakud a siaarruat gayam ti ari iti nakersang a lupot a pagilasinan iti nakaro a panagladingitna.

2 Cronicas 6:27

ipangagmo koma ida dita langit nga ayanmo, O Apo, ket pakawanem dagiti basol dagiti adipenmo a tattao ti Israel. Isurom ida iti nasayaat ket yegmo ti tudo iti daytoy a daga nga intedmo kadagiti tattaom a kukuada iti agnanayon.

Nehemias 9:17

Dida kinayat ti agtulnog, nalipatanda dagiti amin nga inaramidmo; nalipatanda dagiti pinarnuaymo a milagro. Iti kinatangsitda, pimmilida iti pangulo a mangisubli kadakuada idiay Egipto tapno agbalinda manen a tagabu. Ngem sika ti Dios a mamakawan, naasi ken naayatka, ket saanka a nalaka nga agpungtot. Naindaklan unay ti panangngaasim, saanmo a binaybay-an ida.

Ti Libro ni Job 1:20

Timmakder ni Job ket rinay-abna ti pagan-anayna gapu iti ladingitna. Kinuskosanna ti ulona sa nagpakleb iti daga ket nagdaydayaw.

Dagiti Salmo 103:8

Managayat ken manangngaasi ni Yahweh; saan a nalaka nga agpungtot, ket di agbalbaliw ti ayatna.

Dagiti Salmo 106:45

Gapu kadakuada, linagipna ti katulaganna, ket nagbabawi gapu iti naindaklan nga ayatna.

Dagiti Salmo 34:18

Umasideg ti Apo kadagiti maupay; isalakanna dagiti awanen a pulos ti namnamana.

Dagiti Salmo 51:17

O Dios, ti napakumbaba nga espiritu ti sakrifisiok kenka; dimonto laksiden ti puso a napakumbaba ken nagbabawi.

Dagiti Salmo 86:15

Ngem sika, O Apo, naasi ken managayatka a Dios; naparaburka, napudno ken naanus.

Dagiti Salmo 86:5

Naimbag ken mamakawanka, aglaplapusanan ti di agbalbaliw nga ayatmo kadagiti amin nga umawag kenka.

Isaias 57:15

“Siak ti nangato ken Nasantoan a Dios nga agbiag iti agnanayon. Agnaedak iti nangato ken nasantoan a lugar ngem makipagnaedak met kadagiti tattao a napakumbaba ken nakakaasi, tapno mapasublik ti panagtalek ken namnamada.

Isaias 58:5

No agayunarkayo, pagsagabaenyo dagiti bagbagiyo, agdumogkayo a kas iti ruot, ket agyaplagkayo kadagiti nakersang a lupot ken warakiwakanyo iti dapu dagiti pagiddaanyo. Kasta ti kunayo a panagayunar? Ipagarupyo kadi a maragsakanak iti kasta?

Isaias 66:2

Siak a mismo ti nangparsua iti sangalubongan! Maay-ayoak kadagiti napakumbaba ken managbabawi, kadagiti agbuteng ken agtulnog kaniak.

Jeremias 36:7

Mabalin nga agkararagdanto iti Apo ket idiandanton dagiti dakes nga aramidda, ta no saan agdissuor kadakuada ti napalalo a pungtot ken ungetna.”

Jeremias 41:5

simmangpet ti 80 a lallaki a naggapu idiay Sikem, Silo ken Samaria. Sakbay ti ipapanda, nagibarbasda, rinay-abda dagiti pagan-anayda ken sinugsugatda dagiti bagbagida. Nangitugotda kadagiti makan ken insenso nga idatonda iti Templo.

Jeremias 42:10

‘No kayatyo ti agnaed iti daytoy a daga, parang-ayenkayo ket saankayo a dadaelen. Imulakayto ket saankayo a paruten. Ladingitek unay ti panangdadaelko kadakayo.

Ezekiel 9:4

Kinunana, “Sursorem ti siudad ti Jerusalem, ket markaam ti muging dagiti agasug ken mariribukan gapu iti amin a makarimon a maar-aramid iti siudad.”

Oseas 14:1

Tattao ti Israel, agsublikayo iti Apo a Diosyo. Naitibkol ken natnagkayo gapu iti basolyo.

Jonas 3:9

Nalabit a baliwan ti Dios ti panunotna, ket saanen nga agpungtot tapno ditay matay!”

Jonas 4:2

Inkararagna ken ni Yahweh: “Daytoy ti kinabutengko, O Apo, idi addaak iti bukodko a pagilian. Daytoy ti kinabutengko nga aramidem, isut' gapuna a dinardarasko ti nagkamang idiay Tarsis. Ammok a managparabur ken manangngaasika a Dios. Ammok a naanuska iti amin a tiempo ken sidadaanka a mangibabawi iti panangdusam.

Mikias 7:18

Awan ti dios a kas kenka, O Apo. Pakawanem dagiti basol dagiti tattao a nakalasat. Dika koma agpungtot iti agnanayon, no di ket ipakitam kadakami ti di agbalbaliw nga ayatmo.

Nahum 1:3

Saan a nalaka nga agpungtot ni Yahweh, ngem dakkel ti pannakabalinna, ket dusaenna a dusaen dagiti nakabasol. Iti pagnaan ni Yahweh, tumaud dagiti bagio. Dagiti ulep ti pannakatapok a patauden dagiti sakana.

Numero 14:18

‘Siak, ni Yahweh, saanak a nalaka nga agpungtot. Ipakitak ti naindaklan nga ayat ken kinapudnok, ket pakawanek ti basol ken panagsukir. Nupay kasta, dusaek dagiti annak ken appoko agingga iti maikapat a kaputotan gapu kadagiti basol dagiti nagannak kadakuada.’

Taga-Roma 2:4

Wenno, tagibassitem kadi ti aglaplapusanan a kinaimbag, panagibtur ken kinaanus ti Dios? Awan duadua nga ammom a manangngaasi ti Dios gapu ta ikalkalikagumna a maiturongka nga agbabawi.

Taga-Efeso 2:4

Ngem dakkel ti panangngaasi ti Dios ket ay-ayatennatayo la unay,

1 Timoteo 4:8

Adda maited ti panangwatwat iti bagi, ngem naserbi iti amin a benneg ti biag ti panagwatwat iti espiritu, agsipud ta yegna dagiti pagimbagan iti agdama ken iti masakbayan.