Joel 2:12 - Ti Baro a Naimbag a Damag Biblia

¹² Kuna ti Apo: “Ngem uray ita, agbabawikayo iti amin a pusoyo ket agsublikayo kaniak; agayunar, agsangit ken agdung-awkayo.

Ti Biblia (1973)

¹² Uray pay ita, cuna ni Jehova, agsublicayo caniac, iti amin a pusoyo, ken buyugen ti panagayunar, ken panagsangit, ken panagpanes:

Joel 2:12 Iomraidhean Croise

2 Samuel 24:10

Ngem kalpasan ti panagpasensus ni David, nariribuk ti konsensiana ket kinunana ken ni Yahweh, “Nagbasolak iti nadagsen iti panangaramidko iti daytoy! Pangngaasim ta pakawanennak. Minamaag unay ti inaramidko.”

2 Cronicas 30:6

Iti panagbilin ti ari ken dagiti ofisialesna, adda dagiti naibaon iti entero a Juda ken Israel ket impakaammoda daytoy nga awis: “Tattao ti Israel, agsublikayo iti Apo a Dios da Abraham, Isaac ken Jacob tapno agsubli met ti Apo kadakayo—dakayo a nakalisi iti pannakabalin dagiti ari ti Asiria a nangsakup iti daga.

2 Cronicas 6:27

ipangagmo koma ida dita langit nga ayanmo, O Apo, ket pakawanem dagiti basol dagiti adipenmo a tattao ti Israel. Isurom ida iti nasayaat ket yegmo ti tudo iti daytoy a daga nga intedmo kadagiti tattaom a kukuada iti agnanayon.

Ester 4:16

“Ummongem ti amin a Judio nga adda iti Susa. Agayunarkayo ket idawdawatandak. Dikay mangan wenno uminum iti uray ania iti tallo nga aldaw ken rabii. Agayunarakto met agraman dagiti adipenko a babbai. Kalpasanna, uray no maisalungasing iti linteg, innakto iti ari ket no pakatayak, awatek a siraragsak.”

Exodo 33:5

Binilin ngamin ni Yahweh ni Moises nga ibagana kadagiti Israelita: “Nasukirkayo a tattao ket no makikuyogak la ngata kadakayo iti uray apagkanito, pukawenkayo a mamimpinsan. Ita, ikkatenyo dagiti alahasyo tapno ammok ti aramidek kadakayo.”

Isaias 22:12

Ay-ayabannakay idi ti Apo Dios a Mannakabalin-amin tapno agsangit ken agdung-awkayo, kuskosanyo dagiti uloyo ken agarruatkayo iti nakersang a lupot.

Isaias 58:4

Agayunarkayo tapno agtungpal laeng daytoy iti kinadawel ket agririri ken agkakabilkayo. Ipagarupyo kadi nga ipangagko dagiti kararagyo iti kastoy a panagayunaryo?

Jeremias 3:22

Agsublikayo, dakay amin a nangtallikud iti Apo; paimbagennakayto ket pagbalinennakayto a napudno. Kunayo, “Wen, agsublikami iti Apo, agsipud ta isu ti Diosmi.

Jeremias 36:7

Mabalin nga agkararagdanto iti Apo ket idiandanton dagiti dakes nga aramidda, ta no saan agdissuor kadakuada ti napalalo a pungtot ken ungetna.”

Jeremias 4:1

Kuna ti Apo, “Tattao ti Israel, no kayatyo ti agbabawi, agsublikayo kaniak. No napudnokayo kaniak, ket ibellengyo dagiti didiosen a kagurgurak,

Jeremias 4:2

tumutopto ti panagsapatayo iti naganko. Iti kasta, dawatento dagiti amin a nasion a bendisionak ida, ket idaydayawdakto.”

Ezekiel 33:11

Ibagam kadakuada nga isapatak iti naganko nga Apo a sibibiag a Dios, diak agragsak a makakita iti ipapatay ti managbasol. Kaykayatko a makita nga isardengna ti agbasol tapno agbiag. Dakayo nga Israelita, isardengyo ti dakes nga aramidyo. Apay aya a kayatyo ti matay?

Daniel 9:3

Gapu iti daytoy, impasnekko ti nagkararag ken nagdawat ken ni Apo Dios. Nagayunarak, nagkawesak iti nakersang a lupot ken nagtugawak iti dapu.

Oseas 12:6

Ngarud, dakayo a kaputotan ni Jacob, agtalekkayo iti Dios ket agsublikayo kenkuana. Agaramidkayo iti naimbag ken nalinteg, ket aguraykayo a siaanus kenkuana.

Oseas 12:7

Kuna ti Apo, “Ulbod dagiti tattao ti Israel a kas kadagiti Cananeo; pagay-ayatda a suitiken dagiti aggatgatang babaen kadagiti saan a husto a pagtimbangan. ‘Nabaknangkami,’ kunada. ‘Adu ti naurnongmi a sanikua. Ket awan ti mabalin a mangpabasol kadakami a sinaurmi ti ibabaknangmi.’

Oseas 14:1

Tattao ti Israel, agsublikayo iti Apo a Diosyo. Naitibkol ken natnagkayo gapu iti basolyo.

Oseas 6:1

Kuna dagiti tattao, “Agsublitayo iti Apo. Rinangrangkaynatayo, wen, ngem agasannatayto; sinugatnatayo ngem bedbedannanto dagiti sugattayo.

Joel 1:13

Dakayo a papadi nga agserserbi iti altar, agkaweskayo iti nakersang a lupot ket agsangitkayo. Inkay iti Templo ket agpatpatnag nga agsangsangitkayo. Awanen ti trigo wenno arak a maidaton iti Diosyo.

Zacarias 7:3

Pinasaludsodda daytoy kadagiti papadi ken profeta: “Itultuloymi kadi a dung-awan ti pannakadadael ti Templo babaen iti panagayunar iti maikalima a bulan a kas iti inar-aramidmi iti adu a tawen agingga ita?”

Zacarias 7:5

“Ibagam kadagiti tattao iti pagilian ken kadagiti papadi, a no agayunar ken agdung-awda idi iti maikalima ken maikapito a bulan iti las-ud dagitoy pitopulo a tawen, saan a kas pammadayawda kaniak.

Malakias 1:9

Ita, dakayo a papadi, padasenyo man ti agdawat iti Dios tapno kaasiannatayo. Dina ipangag ti kararagyo ket dakayo ti akimbasol.

Dagiti Aramid 26:20

Immuna a nangaskasabaak idiay Damasco, ket kalpasanna, idiay Jerusalem ken kadagiti amin a lugar dagiti Judio ken kasta met kadagiti Hentil. Inkasabak a masapul nga agbabawida kadagiti basbasolda, agsublida iti Dios ket aramidenda dagiti banag a mangipakita a nagbabawidan.

Uk-ukom 2:4

Nagsasangit dagiti Israelita a nakangngeg iti daytoy.

Uk-ukom 20:26

Nagsubli dagiti amin nga Israelita idiay Betel ket nagdung-awda. Nagtugawda iti imatang ni Yahweh ket dida nangnangan agingga iti rabii. Nangidatagda iti daton a pakikappia ken daton a mapuoran.

1 Samuel 7:3

Kinuna ni Samuel kadagiti Israelita, “No naimpusoan ti panagsubliyo iti Apo, masapul nga iwaksiyo dagiti didiosenyo ket ibellengyo dagiti kinitikitan nga imahen ni diosa nga Astarte. Ikonsagraryo a naan-anay ti bagiyo iti Apo ket isu laeng ti pagdaydayawanyo tapno isalakannakayto iti bileg dagiti Filisteo.”

1 Samuel 7:6

Naguummongda ngarud idiay Mizpa. Simmakdoda iti danum sada imbuyat iti imatang ni Yahweh, kas datonda kenkuana. Nagmalmalem a nagayunarda iti dayta nga aldaw. “Nagbasolkami iti Apo,” kinunada. (Idiay Mizpa ti nagrisutan ni Samuel kadagiti parikut ti Israel.)