Joel 2:10 - Ti Baro a Naimbag a Damag Biblia

¹⁰ Agkintayeg ti daga iti isusungadda; agpigerger ti tangatang. Agsipnget ti init ken ti bulan; saanen nga agraniag dagiti bituen.

Ti Biblia (1973)

¹⁰ Agkintayeg ti daga iti sangoananda; dagiti langit agpigergerda; ti init ken ti bulan agridemda, ket dagiti bitbitwen ipaidamda ti silengda.

Joel 2:10 Iomraidhean Croise

Dagiti Salmo 114:7

Agkintayegka, daga, iti imatang ti Apo; wen, iti imatang ti Dios ni Jacob.

Dagiti Salmo 18:7

Ket nagkintayeg ken nagunggon ti daga; nadayeg ken nagindayon ti fondasion dagiti bantay, agsipud ta nakapungtot ti Dios.

Isaias 13:10

Saanto nga agraniag dagiti bituen ken dadduma pay a grupo dagiti bituen iti tangatang. Nasipngetto ti init no sumingising ket dinto agsilnag ti bulan.

Isaias 34:4

Tumapokto ti init, ti bulan ken dagiti bituen. Agpukawto ti langit a kas iti malukot a pagbasaan, ket agtinnagto dagiti bituen a kas iti panagtinnag dagiti bulong ti ubas wenno igos.

Isaias 5:30

Inton dumteng dayta nga aldaw, ngerngerandanto ti Israel. Napigsanto ti ngerngerda a kas iti daranudor ti baybay. Kitaenyo daytoy a pagilian! Nakumotan iti sipnget ken panagsagaba! Inalun-on ti sipnget ti lawag.

Jeremias 4:23

Kinitak ti daga—langalang nga awan mulana. Kinitak ti langit—awan ti lawagna.

Joel 2:2

Nasipnget ken nalidemto dayta nga aldaw, aldaw a nalulem ken naulep. Sumungad ti dakkel a pangen ti dudon, kas iti sipnget nga agsaknap kadagiti bantay. Awan pay napasamak a kas iti daytoy, ket awanton ti kasta a mapasamak iti masakbayan.

Joel 2:31

Agsipngetto ti init, ket lumabbaganto ti bulan a kas iti dara sakbay a dumteng ti naindaklan ken nakabutbuteng nga aldaw ni Yahweh.

Joel 3:4

“Ania ti kayatyo nga aramiden kaniak, Tiro, Sidon, ken amin a Filistia? Kayatdak kadi a balsen gapu iti inaramidko? No kayatdak a balsen, dagdagusenkayto a balsen!

Amos 5:8

Inaramid ti Apo dagiti bituen, ti Pleiades ken ti Orion. Pagbalinenna ti sipnget a bigat ken ti aldaw a rabii. Ayabanna ti danum ti taaw ket ibuyatna iti daga. Apo ti naganna.

Nahum 1:5

Agkintayeg dagiti bantay iti imatang ni Yahweh; marunaw dagiti turod iti sangoananna. Agginggined ti daga no agparang ni Yahweh; agtigerger ti lubong ken dagiti amin a tattao.

San Mateo 24:29

“Apaman a malpas dagita a rigrigat, agsipngetto ti init, dinto agraniag ti bulan, agtinnagto dagiti bituen, ket mawarawaranto dagiti pannakabalin iti tangatang.

San Mateo 27:51

Napigis ti kurtina a naibengbeng iti Templo: naggudua manipud iti ngato agingga iti baba. Nagginggined, naburburak dagiti bato,

Dagiti Aramid 2:20

Agsipngetto ti init, Ket kaslanto dara a lumabaga ti bulan Sakbay ti idadateng ti naindaklan ken nadayag nga Aldaw ti Apo.

Paltiing 20:11

Kalpasanna, nakitak ti maysa a dakkel a trono a puraw agraman ti nakatugaw. Nagpukaw ti langit ken daga iti sangoananna ket awanen pakakitaan kadakuada.

Paltiing 6:12

Inikkat ti Kordero ti maikanem a timbre. Nagginggined iti napigsa. Ngimmisit ti init a kasla iti nakersang a nangisit a lupot idinto a limmabbaga ti bulan a kas iti dara.

Paltiing 8:12

Pinuyot ti maikapat nga anghel ti trumpetana. Nadadael ti apagkatlo a paset ti init, ti apagkatlo a paset ti bulan ken ti apagkatlo a bilang dagiti amin a bituen, isut' gapuna a napukaw ti apagkatlo a lawagda. Nagsipnget iti apagkatlo a paset ti aldaw ken iti apagkatlo a paset ti rabii.

Paltiing 9:2

Idi luktanna ti yuyeng, rimmuar ti asuk a kasla iti asuk a naggapu iti dakkel nga urno. Nagsipnget ti init ken ti tangatang gapu iti asuk.