Joel 2:1 - Ti Baro a Naimbag a Damag Biblia

¹ Puyotenyo ti trumpeta; ipakdaaryo a dumteng ti peggad idiay Sion, ti nasantoan a turod ti Dios. Agpigergerkayo, dakay amin a taga-Juda, ta asidegen ti yaay ti aldaw ti Apo!

Ti Biblia (1973)

¹ Puyotenyo ti tangguyob idiay Sion, ket pagunienyo ti panagbuac iti nasantoan a bantayco; amin dagiti agnaed iti daga agkintayegda coma; ta ti aldaw ni Jehova umay, ta adda iti asidegen;

Joel 2:1 Iomraidhean Croise

1 Cronicas 15:28

Ngarud, kinuyog dagiti amin nga Israelita ti Lakasa ti Tulag iti pannakaipanna idiay Jerusalem. Awan ressat ti panagdidir-ida, ti panaguni ti trumpeta, tangguyob ken piangpiang ken ti pannakatokar dagiti arpa.

Dagiti Salmo 119:120

Agtigtigergerak gapu iti amakko kenka, ket kabutengko dagiti pangngeddengmo.

Dagiti Salmo 87:1

Binangon ti Apo ti siudadna iti nasantoan a bantay.

Exodo 10:14

Pinangenpangenda a dimteng ket nagdissoda iti amin a lugar iti pagilian. Daytoy pay la ti kapuskolan a pangen ti dudon a timmaud ket awanen ti kastoy a kaadu, uray iti masakbayan.

Isaias 13:6

Agdung-awkayo! Asidegen ti aldaw ti Apo, aldaw a panangidissuor ti Mannakabalin-amin iti pannakadadael!

Isaias 13:9

Dumtengen ti aldaw ti Apo. Wen, dumtengen ti naranggas nga aldaw a panagbettak ti pungtotna. Pagbalinennanto a let-ang ti daga ket pukawennanto dagiti amin a managbasol.

Isaias 2:12

Iti dayta nga aldaw, ipababanto ni Yahweh a Mannakabalin-amin dagiti natangsit, dagiti napalangguad ken dagiti tattao a ti laeng bagida ti talkenda.

Isaias 66:2

Siak a mismo ti nangparsua iti sangalubongan! Maay-ayoak kadagiti napakumbaba ken managbabawi, kadagiti agbuteng ken agtulnog kaniak.

Isaias 66:5

Dakayo nga agbuteng ken agtulnog iti Apo, denggenyo ti kunana, “Agsipud ta napudnokayo kaniak, guraendakayo ti sumagmamano kadagiti kailianyo, ket awan ti panangikankanoda kadakayo. Rabrabakendakayo ket kunada, ‘Kayatmi a makita a naragsakkayo; ngarud, ipakita koma ti Apo ti kinatan-okna ket isalakannakayo.’ Ngem isudanto ti maibabain!

Jeremias 16:10

“Inton ibagam kadakuada dagitoy, saludsodendanto kenka no apay a dusaek ida iti napalalo, no ania ti nakabasolanda ken no ania ti basolda kaniak a Diosda.

Jeremias 16:7

Awanto ti makipangan wenno makiinum iti siasinoman tapno liwliwaenna inton matay ti ipatpategna. Awanto ti mangngaasi iti siasinoman, uray pay iti nagpasina iti ama wenno inana.

Jeremias 4:5

Pagunienyo ti trumpeta iti entero a daga! Agpukkawkay iti nalawag a timek! Ibagayo kadagiti tattao ti Juda ken ti Jerusalem nga agkamangda kadagiti nasarikedkedan a siudad.

Jeremias 5:22

Siak ni Yahweh. Awan kadi ti panagbutengyo kaniak? Apay a dikay agkintayeg iti sangoanak? Inkabilko ti darat a beddeng ti baybay, maysa a permanente a bangen a dina maballasiw. Mabalin nga agdawel ti baybay ngem dina malabsan; mabalin nga agdaranudor dagiti dalluyon ngem dida malasat.

Ezekiel 12:23

Ita, ibagam kadakuada a siak nga Apo a Dios, kastoy ti kunak maipapan iti dayta. Gibusak dayta a pagsasao. Ket saanton a maisawang iti Israel. Ibagam ketdi kadakuada nga asidegen ti tiempo ket matungpalen dagiti padto!

Ezekiel 21:12

Anak ti tao, agpukkawka iti ladingit; nairanta daytoy a kampilan kadagiti tattaok, ken kadagiti amin a papangulo ti Israel. Mapapataydanto amin agraman dagiti tattaok. Danogem ta barukongmo gaput' ladingitmo.

Ezekiel 30:3

Asidegen ti aldaw, Wen, ti aldaw a panagtignay ti Apo. Nalidemto dayta nga aldaw, Aldaw a pannakadusa dagiti nasion.

Ezekiel 33:3

No makita ti guardia a sumungad dagiti kabusor, pagunienna ti trumpeta tapno ballaaganna dagiti tattao.

Ezekiel 33:6

Ngem no makita ti guardia ti isusungad ti kabusor ket dina pagunien ti trumpeta, dumtengto ti kabusor a mangpapatay kadagita a managbasol. Pabasolekto ti guardia iti pannakapapatayda.

Ezekiel 7:10

Dumtengen ti aldaw ti didigra. Umad-adun ti kinaranggas. Nakaro unayen ti kinatangsit.

Ezekiel 7:12

Dumtengen ti tiempo. Asidegen ti aldaw nga awanton ti serserbi ti panaggatang ken panaglako, ta agdissuorton ti pungtot ti Dios kadagiti amin a tattao.

Daniel 6:26

Ibilinko nga iti entero a masakupan ti pagariak, masapul nga agbuteng ken agraem dagiti tattao iti Dios ni Daniel. “Isu ti sibibiag a Dios, ket agturay iti agnanayon. Pulos a dinto madadael ti pagarianna, ket dinto met agpatingga ti pannakabalinna.

Daniel 9:16

Sinalaknibannakami iti napalabas isut' gapuna a dimo kadin kapungtot ti Jerusalem a siudadmo, ti nasagradoan a bantaymo. Dagiti amin a tattao kadagiti aglawlaw a pagilian, umsienda ti Jerusalem ken dagiti tattaom gapu kadagiti basolmi ken gapu kadagiti dakes nga inaramid dagiti kapuonanmi.

Daniel 9:20

Intultuloyko ti nagkararag ket impudnok dagiti basbasolko ken dagiti basbasol dagiti kailiak nga Israelita. Impakpakaasik iti Apo a Diosko a bangonenna manen ti nasantoan a Templona.

Oseas 5:8

Puyotenyo ti tangguyob idiay Gabaa! Pagunienyo ti trumpeta idiay Rama! Ipukkawyo ti ikkis ti gubat idiay Bethaven! Inkayo makigubat, dakayo a tattao ti Benjamin!

Oseas 8:1

Kuna ti Apo, “Puyotenyo ti trumpeta! Adda dagiti kabusor a sumiplag iti dagak a kas kadagiti agila nga agam-ampayag. Winaswas ngamin dagiti tattaok ti tulagko, ket sinalungasingda ti pannursurok.

Joel 1:15

Asidegen ti aldaw ti Apo; ti aldaw a panangyeg ti Mannakabalin-amin iti didigra. Nakabutbutengto dayta nga aldaw!

Joel 2:11

Bilinen ti Apo ti armadana; kasla gurruod ti timekna. Adu ken nabileg dagiti soldado nga agtulnog kenkuana. Nakabutbuteng ti aldaw ti Apo! Siasinonto ti makalasat iti dayta nga aldaw?

Joel 2:15

Puyotenyo ti trumpeta idiay Bantay Sion; ibilinyo ti panagayunar dagiti tattao, ket angayenyo ti gimong.

Joel 2:31

Agsipngetto ti init, ket lumabbaganto ti bulan a kas iti dara sakbay a dumteng ti naindaklan ken nakabutbuteng nga aldaw ni Yahweh.

Joel 3:14

Rinibribu dagiti adda iti Tanap ti Pangeddeng. Dumtengen sadiay ti aldaw ni Yahweh.

Joel 3:17

“Mabigbigmonto, Israel, a siak ni Yahweh a Diosmo. Agnaedak iti Sion a nasantoan a turodko. Agbalinto a nasantoan a siudad ti Jerusalem; saanton a parmeken dagiti ganggannaet.

Amos 3:6

No aguni ti trumpeta a mangipakaammo iti gubat, saan aya nga agbuteng dagiti tattao iti siudad? Adda kadi nakaal-aliaw a mapasamak iti maysa a siudad a di aramid ti Apo?

Amos 5:18

Nakabutbuteng ti pagbanaganyo, dakayo nga agur-uray iti yaay ti aldaw ti Apo! Apay a tarigagayanyo dayta nga aldaw? Adda kadi imbag nga itedna kadakayo! Aldawto ti sipnget, saan a lawag.

Amos 8:2

Sinaludsod ti Apo, “Amos, ania ti makitam?” “Sangabasket a frutas,” insungbatko. Kinuna ti Apo, “Dimtengen ti panungpalan dagiti tattaok nga Israelita. Dusaekon ida. Saankon a baliwan ti pangngeddengko.

Obadias 1:15

“Asidegen ti aldaw inton siak, ni Yahweh, ukomek dagiti amin a pagilian. Edom, maaramidto met kenka ti kas iti inaramidmo. Lak-amemto met ti impalak-ammo.

Sofonias 1:14

Asidegen ti naindaklan nga aldaw ni Yahweh—asideg unayen ket sipapardas nga umay! Nasaemto dayta nga aldaw, ta uray dagiti katurdan a soldado agsangitdanto iti kaawanen namnamada.

Sofonias 1:16

aldaw ti uni ti trumpeta a mangipakdaar iti gubat, aldaw ti ikkis dagiti mannakigubat a mangraut kadagiti nasarikedkedan a siudad ken nangato a pagwanawanan.

Sofonias 1:7

Umasidegen ti aldaw a panagtugaw ti Apo a kas ukom. Agulimekkayo iti imatangna. Agsagsagana ti Apo a mangisakrifisio kadagiti tattaona ket inawisna dagiti kabusor a mangdadael iti Juda.

Sofonias 3:11

Iti dayta a tiempo, dakayo a tattaok, saanton a masapul nga agbainkayo iti panagsukiryo kaniak. Ikkatekto dagiti natangsit ken napasindayag ket saankayonton nga agsukir kaniak iti nasantoan a turodko iti Jerusalem.

Zacarias 14:1

Dumtengen ti aldaw a panagtugaw ti Apo a kas ukom. Dumtengto dagiti agsamsam iti siudad ti Jerusalem ket mabingbingayto dagiti nasamsam iti imatangmo.

Zacarias 8:3

Agsubliak iti Jerusalem, ti nasantoan a siudadko, ket agnaedak sadiay. Maawaganto iti napudno a siudad. Maawaganto met ti bantay ni Yahweh a Mannakabalin-amin iti nasantoan a bantay.

Malakias 4:1

Kuna ni Yahweh a Mannakabalin-amin, “Umayen ti aldaw a mauram dagiti amin a natangsit ken managdakdakes a tattao. Iti dayta nga aldaw, mauramdanto a kasla arutang ket pulos nga awanto ti mabati kadakuada.

Numero 10:2

“Agpaaramidka iti dua a trumpeta iti napitpit a pirak nga aramatem no ummongem dagiti tattao wenno umalisda iti pagkampoan.

Numero 10:3

No mabayag ken aggiddan ti pannakapuyot dagiti dua a trumpeta, masapul a dumatag kenka ti entero a gimong iti pagserkan ti Tolda.

1 Taga-Corinto 14:8

No di nalawag ti pannakapuyot ti trumpeta, siasino ti agsagana a makigubat?

Taga-Filipos 2:12

Isut' gapuna, ingungotek a gagayyem, a no kasano ti kanayon a panagtulnogyo idi addaak kadakayo, ad-adda pay koma ita ta awanak iti dennayo. Agtrabahokayo a sipapasnek ken naan-anay ti panagraem ken panagdayawyo iti Dios agingga nga awan pagkurangan ti pannakaisalakanyo.

1 Taga-Tesalonica 5:2

Ammoyo unay a dumtengto ti Aldaw ti Apo, kas iti mannanakaw nga umay iti rabii.

Santiago 5:8

Nasken met nga aganuskayo. Papigsaenyo ti namnamayo ta asidegen ti yaay ti Apo.

1 Pedro 4:7

Asidegen ti panungpalan dagiti amin a bambanag. Agbiagkayo ngarud a nanakem ken nateppel tapno mabalinyo ti agkararag.

Paltiing 6:17

Dimtengen ti naindaklan nga aldaw a panagdissuor ti pungtotda ket awanto ti makalasat.”