Joel 1:4 - Ti Baro a Naimbag a Damag Biblia

⁴ Nagsasaruno a pangen ti dudon ti immay ket nagdissoda kadagiti mulmula; ti tinedda ti maysa a pangen, inibus ti simmaruno a pangen.

Ti Biblia (1973)

⁴ Iti natidda ti lucton kinnan ti dudon; ket ti tidda ti dudon kinnan ti lucton; ket ti nabati ti lucton kinnan ti arabas ket ti tidda ti arabas kinnan ti dangaw.

Joel 1:4 Iomraidhean Croise

1 Ar-ari 8:37

“No adda bisin iti daga wenno angol wenno dadaelen ti napudot nga angin dagiti mula wenno iggesen dagitoy wenno ibusen ti pangen ti dudon, wenno rauten dagiti kabusor dagiti tattaom wenno adda aniaman a didigra wenno sakit a mapagtengda,

2 Cronicas 6:28

“No adda bisin wenno angol iti pagilian, wenno madadael dagiti mula gapu iti dumardarang nga angin, wenno pangen dagiti dudon, wenno rauten dagiti kabusor dagiti tattaom, wenno dumteng kadakuada ti didigra wenno sakit,

2 Cronicas 7:13

Tunggal diak pagtudoen wenno tunggal mangyegak kadagiti dudon a mangibus kadagiti apit wenno mangyegak iti didigra kadagiti tattaok

Dagiti Salmo 105:34

Nagbilin ket immay dagiti dudon riniwriwriw ket di mabilang ti kaaduda.

Dagiti Salmo 78:46

nangibaon kadagiti arabas a nangan kadagiti apitda ken dudon a nangdadael kadagiti mulada.

Exodo 10:4

No madika latta, yegko inton bigat dagiti dudon iti pagiliam.

Exodo 10:5

Kasta unayto ti kaaduda ket agsaknapdanto agingga a saan a makita ti daga gapu iti kapuskolda. Ibusendanto ti amin a saan a dinadael ti yelo, uray pay dagiti natda a puon ti kayo.

Isaias 33:4

Maagaw dagiti sanikuada ket maipanawda a kas samsam.

Jeremias 51:14

Insapata ni Yahweh a Mannakabalin-amin a mangyeg iti adu a tattao a kas iti pangen dagiti dudon a mangdarup iti Babilonia ket aggiikkisdanto iti balligida.

Jeremias 51:27

“Ikabilyo ti pagilasinan ti idadarup! Pagunienyo ti trumpeta tapno mangngeg dagiti nasion! Pagsaganaenyo dagiti nasion a manggubat iti Babilonia! Ibagayo a dumarup dagiti pagarian ti Ararat, Minni ken Askenaz. Mangtudingkayo iti mangidaulo iti panangraut. Iruaryo dagiti kabalio a kas iti pangen ti dudon ti kaaduda.

Joel 2:25

Isublikto ti napukawyo kadagiti napalabas a tawen idi kinnan dagiti pinangen a dudon dagiti apityo. Imbaonko daytoy nga armada a nangraut kadakayo.

Amos 4:9

“Inyegko ti makasinit nga angin a nangpagango kadagiti mulayo. Inibus dagiti dudon ti amin a kaubasan ken minuyonganyo, dagiti kayoyo nga igos ken olibo. Ngem kaskasdi a dikay nagsubli kaniak.

Amos 7:1

Daytoy ti impakita kaniak ti Apo a Dios: Naimatangak ti panangpataudna iti pinangen a dudon kalpasan ti pannakaparaspas ti garami a bingay ti ari, ket agtubo manen dagiti ruot.

Malakias 3:11

Diakto ipalubos nga iggesen dagiti apityo ket adunto ti ubas ti kaubasanyo.

Deuteronomio 28:38

“Uray no adunto a bukel ti itukityo, bassitto ti maapityo ta ibusento dagiti dudon.

Deuteronomio 28:42

Ibusento ti igges ti amin a kayo ken mulayo.