Joel 1:18 - Ti Baro a Naimbag a Damag Biblia

¹⁸ Aguga dagiti baka gapu iti bisinda, ta awan ti pagarabanda; agsagaba met ti arban dagiti karnero.

Ti Biblia (1973)

¹⁸ Anian nga uga dagiti animal! dagiti ar-arban ti vaca nakiburda, ta awan ti pagarabanda; wen, dagiti pangen dagiti carnero mapagwalang-walangda.

Joel 1:18 Iomraidhean Croise

1 Ar-ari 18:5

Kinuna ni Ahab ken ni Abdias, “Inta kitaen ti tunggal ubbog ken waig ta bareng makasarakta ti ruot nga umanay a kanen dagiti kabalio ken mulo tapno saanda a matay. Nalabit a saanen a masapul a patayentayo dagiti animaltayo.”

1 Ar-ari 8:5

Naguummong da Ari Solomon ken dagiti amin nga Israelita iti sangoanan ti Lakasa ti Tulag. Nagidatonda iti adu a karnero ken baka—nakaad-adu ket saan a mabilang.

Jeremias 12:4

Kasano pay kabayag ti kinatikag ti dagami ken ti pannakalaylay dagiti ruot iti tunggal talon? Matayen dagiti animal ken tumatayab gapu iti kinadakes dagiti tattaomi, isuda nga agkuna, ‘Saan a makita ti Dios ti ar-aramidentayo.’”

Oseas 4:3

Daytoy ti gapuna nga agladingit ti daga. Matay amin a sibibiag, amin nga animal ken tumatayab agraman dagiti ikan.”

Joel 1:20

Uray dagiti atap nga animal umasugda kenka, ta nagmagan dagiti waig.

Amos 1:2

Kinuna ni Amos, “Agungor ti Apo idiay Sion, ket gumluong ti timekna idiay Jerusalem. Gapu iti daytoy, agtikag dagiti pagpastoran ken aglaylay dagiti ruot ti Bantay Carmel.”

Habakuk 3:17

Uray no awan ti bunga dagiti igos, ken awan ti bunga dagiti ubas; uray no awan maapit nga olibo ken awan maapit kadagiti talon; uray no matay dagiti amin a karnero, ken awan nagyan ti pagaponan dagiti baka;

Haggeo 1:10

Daytoy ti gapuna nga awan tudo ket awan ti agtubo.

Taga-Roma 8:22

Ta ammotayo nga agpapan ita, kas iti agpasikal, agas-asug iti rigat ti entero a sangaparsuaan.