Joel 1:13 - Ti Baro a Naimbag a Damag Biblia

¹³ Dakayo a papadi nga agserserbi iti altar, agkaweskayo iti nakersang a lupot ket agsangitkayo. Inkay iti Templo ket agpatpatnag nga agsangsangitkayo. Awanen ti trigo wenno arak a maidaton iti Diosyo.

Ti Biblia (1973)

¹³ Agbarikescayo iti lupot a nakersang, ket agasugcayo, dacayo a papadi; agdung-awcayo, dacayo a managannong iti altar; umaycayo, agiddacayonga agpatnag iti a nakersang, dacayo a managannong iti Diosco; ta ti daton a macan ken ti daton a mainum maipaidamda iti balay ti Diosyo.

Joel 1:13 Iomraidhean Croise

2 Samuel 12:16

Nagkararag ni David iti Dios tapno umimbag ti ubing. Saan a nangan iti uray ania, ket tunggal rabii mapan iti kuartona ket agpatpatnag nga agid-idda iti datar.

1 Ar-ari 21:27

Idi malpas ti panagsao ni Elias, rinay-ab ni Ahab ti pagan-anayna, inuksobna ket nagarruat iti nakersang a lupot. Dina kayat ti mangan. Naturog a sikakawes iti nakersang a lupot ket nagpagnapagna a malmalday ken masmasnaayan.

Isaias 22:12

Ay-ayabannakay idi ti Apo Dios a Mannakabalin-amin tapno agsangit ken agdung-awkayo, kuskosanyo dagiti uloyo ken agarruatkayo iti nakersang a lupot.

Isaias 61:6

Maawagankayto iti papadi ti Apo, dakayto ti agsagrap iti kinabaknang dagiti pagilian, ket itangsityonto ti panangtagikuayo.

Jeremias 4:8

Isut' gapuna nga agkaweskay iti nakersang a lupot; agsangit ken agdung-awkayo agsipud ta gumilgil-ayab pay laeng ti pungtot ti Apo iti Juda.

Jeremias 9:10

Kinunak, “Dung-awakto dagiti bantay, sangitakto met dagiti pagpaaraban idiay let-ang ngamin ta namagaandan, ket awanen ti magmagna kadakuada. Saanen a mangngeg ti uga dagiti baka; pimmanawen dagiti tumatayab ken dagiti atap nga animal.”

Ezekiel 21:12

Anak ti tao, agpukkawka iti ladingit; nairanta daytoy a kampilan kadagiti tattaok, ken kadagiti amin a papangulo ti Israel. Mapapataydanto amin agraman dagiti tattaok. Danogem ta barukongmo gaput' ladingitmo.

Ezekiel 27:31

Kuskosanda ti uloda gapu kenka, ket agpanesda. Madudog ti pusoda, bayat ti panagsangitda.

Ezekiel 7:18

Agarruatdanto iti nakersang a lupot. Agtigergerdanto. Makuskosanto dagiti uloda ket maibabaindanto.

Oseas 9:5

Anianto ti aramidenyo iti aldaw ti rambak wenno iti fiesta ti Apo?

Joel 2:12

Kuna ti Apo: “Ngem uray ita, agbabawikayo iti amin a pusoyo ket agsublikayo kaniak; agayunar, agsangit ken agdung-awkayo.

Joel 2:14

Nalabit a baliwan ti Apo a Diosyo ti panunotna, ket paraburannakayto iti adu nga apit. Iti kasta, addanto makan ken arak nga idatonyo kenkuana.

Joel 2:17

Dakayo a papadi nga agserserbi ti Apo iti nagbaetan ti altar ken ti ruangan ti Templo, masapul nga agsangit ken agkararagkayo. Kunayo, “Kaasiam dagiti tattaom, O Apo. Dimo ipalubos a lalaisen ken pagang-angawandakami dagiti sabali a nasion iti panagkunada: ‘Sadino ti ayan ti Diosyo?’”

Numero 28:14

Ti daton nga inumen: dua a litro nga arak iti tunggal baka; maysa ket kagudua a litro iti karnero, ket maysa a litro iti tunggal urbon ti karnero. Daytoy ti maannurot iti daton a mapuoran iti umuna nga aldaw ti tunggal bulan.

Numero 28:4

Maidatag ti maysa a karnero iti bigat, ket ti maysa iti sumipnget.

Numero 28:7

Mapakuyogan ti umuna a karnero iti daton a sangalitro nga arak a maibuyat iti altar.

Numero 29:6

Idatagyo daytoy agraman ti inaldaw a daton a mapuoran iti umuna nga aldaw ti bulan agraman ti daton a makan. Idatagyo met ti inaldaw a daton a mapuoran agraman ti daton a makan ken ti daton nga arak. Mapuoran daytoy a mangted iti nabanglo nga ayamuom iti Apo.

1 Taga-Corinto 4:1

Masapul nga ibilangdakami a kas adipen ni Cristo ken nadutokan nga agaywan kadagiti palimed ti Dios.

1 Taga-Corinto 9:13

Diyo kadi ammo nga agtaud iti Templo ti taraon dagiti agserserbi iti Templo ket dagiti agserserbi iti altar, makibingayda met kadagiti daton?

2 Taga-Corinto 11:23

Adipen kadi ida ni Cristo? Kaslaak la agsasao a mauyong—ngem nalalaingak nga adipen ngem isuda! Narigrigat ti panagtrabahok. Naibalbaludak. Ad-adu ti pannakasaplitko. Ad-adu ngem isuda ti kaaddak iti ngarab ti tanem.

2 Taga-Corinto 3:6

Isu ngamin ti nangted iti kabaelanmi a kas adipen ti baro a tulag a saan a buklen ti naisurat a linteg, no di ket ti Espiritu. Patay ti yeg ti naisurat a linteg, ngem biag ti ited ti Espiritu.

2 Taga-Corinto 6:4

Ipakitami ketdi nga adipennakami ti Dios iti amin nga aramidmi. Ituredmi a siaanus dagiti sagabaen, pakarigatan ken pakariribukan.

Paltiing 11:3

Nupay kasta, ikkakto ti pannakabalin dagiti dua a saksik a nakakawes iti nakersang a lupot ket ipakaammodanto ti mensahe ti Dios iti uneg ti 1,260 nga aldaw.”