Jeremias 9:8 - Ti Baro a Naimbag a Damag Biblia

⁸ Kasla makapatay a pana dagiti dilada; kanayon nga ulbod ti sawenda. Nasayaat ti panagsao ti tunggal maysa iti kaarrubana, ngem iti pusona, dakes ti panggepna.

Ti Biblia (1973)

⁸ Ti dilada macapatay a pana; isu agsao iti allilaw: ti maysa agsao a sitatalna iti caarrubana, babaen ti ngiwatna, ngem iti pusona isu sanebenna.

Jeremias 9:8 Iomraidhean Croise

2 Samuel 3:27

Idi agsubli ni Abner idiay Hebron, inayaban ni Joab iti asideg ti ruangan a kasla makisao kenkuana iti nalimed. Dinuyokna ti tian ni Abner. Iti kasta, napapatay ni Abner gapu ta pinatayna ni Asael a kabsat ni Joab.

Dagiti Salmo 12:2

Agiinnulbodda iti maysa ken maysa; agpipinnatiray-okda, panaginkukuna amin a saoda.

Dagiti Salmo 12:3

Putdem, O Apo, dagiti naulbod a dila; dagiti napalangguad a ngiwat, rikpam ida!

Dagiti Salmo 120:3

Anianto ti aramiden ti Dios kadakayo a naulbod? Anianto ti panangdusana kadakayo?

Dagiti Salmo 28:3

Dinak kadi iraman a dusaen kadagiti nadangkes ken kadagiti agaramid iti saan a naimbag— Dagitoy a tattao, no agsaoda kunam la no gayyem ida ngem napno met iti gura ti pusoda.

Dagiti Salmo 35:20

Saanda nga agsao a kas gagayyem; agparboda ketdi iti amin a kita ti ulbod a maibusor kadagiti tattao nga agayat iti talna.

Dagiti Salmo 55:21

Nalamlamuyot ngem mantikilia dagiti balikasna, ngem adda gura iti pusona; makabang-ar dagiti saona a kasla sapsapo a lana, ngem sumugatda a kasla natadem nga espada.

Dagiti Salmo 57:4

Adda dagiti kabusor iti aglawlawko; arigda leon a mangalun-on iti tao. Kasla gayang ken pana dagiti ngipenda, kasla natadem a kampilan ti dilada.

Dagiti Salmo 62:5

Ti Dios laeng ti pagtalkak, ta isu ti paggapuan ti namnamak.

Dagiti Salmo 64:8

Dadaelennanto ida gapu kadagiti balikasda, ket agwingiwingto dagiti amin a makakita kadakuada.

Dagiti Proverbio 25:18

Ti pammadpadakes, arigna iti natadem a kampilan wenno pang-or wenno natirad a pana.

Jeremias 5:26

“Adda dagiti managdakdakes a makipagnaed kadagiti tattaok. Aglemmengda nga agur-uray, kas kadagiti lallaki nga agipakat kadagiti pagsilo kadagiti tumatayab, ngem nagipakatda kadagiti pagipalab-og kadagiti tattao.

Jeremias 5:9

Apay ketdin a diak dusaen ida gapu iti aramidda? Apay ketdin a diak balsen ti kastoy a nasion?

Jeremias 9:3

Sisasaganada nga agulbod; agturay ditoy a daga ti kinaulbod a saan ketdi a ti kinapudno. Kuna ti Apo, “Kanayon nga agbasol dagiti tattaok, ket saanda a bigbigen a siak ti Diosda.”

Jeremias 9:4

Agannad ti tunggal maysa iti gayyemna; awan met makapagtalek iti kabsatna. Agsipud ta amin a kakabsat manangallilawda ket tunggal maysa padpadaksenna ti gayyemna.

Jeremias 9:5

Allilawenda dagiti gagayyemda, ket awan ti agsao iti pudno. Nasursuroandan dagiti dilada nga agulbod, nagbasolda ket dida kayat ti agbabawi. Di agpatingga ti nadawel nga aramidda, kasta met dagiti kinasikapda. Kuna ti Apo, “Didak awaten dagiti tattaok.”

Mikias 6:12

Naranggas dagiti babaknang ket gundawayanda dagiti napanglaw. Naulbod dagiti tattao.