Jeremias 9:5 - Ti Baro a Naimbag a Damag Biblia

^5-6 Allilawenda dagiti gagayyemda, ket awan ti agsao iti pudno. Nasursuroandan dagiti dilada nga agulbod, nagbasolda ket dida kayat ti agbabawi. Di agpatingga ti nadawel nga aramidda, kasta met dagiti kinasikapda. Kuna ti Apo, “Didak awaten dagiti tattaok.”

Ti Biblia (1973)

⁵ Ket allilawendanto tunggal maysa ti caarrubana, ket saandanto a saoen ti pudno: insuroda ti dilada nga agsao cadagiti tiri; agbanbannogda tapno agaramidda iti kinadakes.

Jeremias 9:5 Iomraidhean Croise

Genesis 19:11

Kalpasanna, pinagbulsekda amin a lallaki iti ruar tapno saanda a masarakan ti ridaw.

Ti Libro ni Job 11:3

Job, ipagarupmo aya a didaka masungbatan? Manglalaiska, agulimekkami kadi lattan?

Ti Libro ni Job 15:5

Ti basolmo ti mamagsao kenka; ab-abbongam dagiti basolmo kadagiti nasikap a sao.

Dagiti Salmo 140:3

Kasla makapatay nga uleg dagiti dilada, kasla gita ti karasaen dagiti saoda.

Dagiti Salmo 50:19

“Madadaanka nga agsao iti dakes; saanka nga agalikaka nga agulbod.

Dagiti Salmo 52:3

Ad-adda nga ayatem ti dakes ngem ti naimbag; kaykayatmo ti agulbod ngem ti agsao iti pudno.

Dagiti Salmo 64:3

Patademenda ti dilada a kas iti kampilan; kasla pana a maibiat dagiti naranggas a saoda.

Dagiti Salmo 7:14

Kitaem no kasano ti panagpanunot ti dakes a tao; planoenna ti riribuk, aramidenna ti kinaulbod.

Dagiti Proverbio 12:5

Dinaka gundawayan ti natakneng a tao, ngem maymaysa ti panggep ti managdakdakes: kayatnaka nga allilawen.

Dagiti Proverbio 4:16

Saan a makaturog dagiti managdakdakes no dida makaaramid iti dakes. Agiddada a siririing no awan pay rinanggasanda.

Isaias 5:18

Asikayo pay, dakayo a mangguyguyod iti kinadakes a kasla tali a naikawar kadakayo.

Isaias 57:10

Bannogenyo dagiti bagbagiyo nga agbirbirok kadagiti sabali a didiosen ngem dikay agsardeng nga agbirok. Ipagarupyo a dagiti naalas a didiosenyo ti pagtaudan ti pigsayo, isu a pulos a dikay mapaksuyan.

Jeremias 12:13

Nagmula dagiti tattaok iti trigo, ngem sisiit ti inapitda. Inggaedda ti nagtrabaho, ngem awan supapak ti bannogda. Gapu iti kasta unay a pungtotko, awan naapitda kadagiti mulada.”

Jeremias 12:6

Uray dagiti kakabsatmo, liniputandaka; dagiti kameng ti bukodmo a familia, tumiponda kadagiti mangdarup kenka. Dika agtalek kadakuada uray no nasayaat ti panagsaoda.”

Jeremias 13:23

Masuktan aya ti nangisit a tao ti kolor ti kudilna? Maikkat aya ti leopardo ti labangna? Saan! No kasta ti mapasamak dakayo nga agar-aramid iti dakes masursuroyo met koma ti agaramid iti naimbag.

Jeremias 4:22

Kinuna ti Apo, “Nengneng dagiti tattaok; saandak nga am-ammo. Kasda la maag nga ubbing; saanda a makaawat. Nalaingda nga agaramid iti dakes, ngem dida ammo ti agaramid iti naimbag.”

Jeremias 51:58

Marbanto dagiti napuskol a bakud ti Babilonia, ket mapuoranto dagiti nangato a ruanganna. Awanto ti pagmamaayan ti trabaho dagiti tattao; dumapunto ti nagbannogan dagiti nasion. Siak, ni Yahweh a Mannakabalin-amin, ti nagsao iti daytoy.”

Jeremias 51:64

Kunamto, ‘Kastoyto ti mapasamak iti Babilonia—lumnedto ket dinton lumung-aw gapu iti panangdadael ti Apo kenkuana.’” Daytoy ti paggibusan ti sao ni Jeremias.

Jeremias 7:28

Kunamto kadakuada: ‘Daytoy ti nasion a saan a nangipangag ken ni Yahweh a Diosda. Dida kayat ti paisuro. Awanen ti kinapudno. Dida pay ket sarsaritaenen.’”

Jeremias 9:3

Sisasaganada nga agulbod; agturay ditoy a daga ti kinaulbod a saan ketdi a ti kinapudno. Kuna ti Apo, “Kanayon nga agbasol dagiti tattaok, ket saanda a bigbigen a siak ti Diosda.”

Jeremias 9:8

Kasla makapatay a pana dagiti dilada; kanayon nga ulbod ti sawenda. Nasayaat ti panagsao ti tunggal maysa iti kaarrubana, ngem iti pusona, dakes ti panggepna.

Ezekiel 24:12

Ngem saanto a pukawen ti apuy ti amin a lati.

Mikias 6:12

Naranggas dagiti babaknang ket gundawayanda dagiti napanglaw. Naulbod dagiti tattao.

Mikias 6:3

Kuna ti Apo, “Tattaok, ania aya ti naaramidko kadakayo. Kasano a nagbalinak a dadagsenyo? Sumungbatkayo!

Habakuk 2:13

Agbambannog dagiti nasion a pinarmekmo iti awan serserbina, ket mauram dagiti amin a binangonda. Inaramid daytoy ni Yahweh a Mannakabalin-amin.

Malakias 2:10

Saan kadi a maymaysa ti amatayo? Saan kadi nga isu met la a Dios ti namarsua kadatayo? Apay ngarud a saantayo a tungpalen ti karitayo iti tunggal maysa? Apay a laisentayo ti nagtulagan ti Dios ken dagiti kapuonantayo?

Taga-Efeso 4:25

Dikayo ngarud agul-ulboden! Ti pudno laeng ti ibaga ti tunggal maysa iti kabsatna iti pammati, ta kamkamengtayo amin iti bagi ni Cristo.

1 Timoteo 4:2

Dagitoy a pannursuro ket iwarwaras dagiti manangallilaw ken ulbod a tattao a natayen ti konsensiada, a kasla nauram iti bumegbeggang a landok.

Uk-ukom 2:10

Natay met amin dayta a kaputotan, ket nabati ti sumaruno a kaputotan a saan a makaammo ken ni Yahweh ken iti amin nga inaramidna a pagimbagan ti Israel.