Jeremias 9:4 - Ti Baro a Naimbag a Damag Biblia

⁴ Agannad ti tunggal maysa iti gayyemna; awan met makapagtalek iti kabsatna. Agsipud ta amin a kakabsat manangallilawda ket tunggal maysa padpadaksenna ti gayyemna.

Ti Biblia (1973)

⁴ Aluadanyo tunggal maysa ti caarrubana, ket dicayo agcammatalec iti asinoman a cabsat a lalaki; ta tunggal cabsat a lalaki, mangsaliw-an unay, ket tunggal caarruba magnanto a mamarpardaya.

Jeremias 9:4 Iomraidhean Croise

Genesis 32:28

Kinuna ti lalaki, “Manipud ita, saanen a Jacob ti naganmo. Gapu ta nakigabboka iti Dios ken iti tao ket nangabakka, Israel ti naganmon.”

Dagiti Salmo 101:5

Pukawekto ti siasinoman a mamadpadakes; wen, iti nalimed a pammadpadakes iti kaarrubana. Saanko a kapulapol ti natangsit ken napasindayag.

Dagiti Salmo 15:3

Awan ti tao a padpadaksenna, dina ranggasan dagiti gagayyemna, dina sarsaritaen ti siasinoman a kaarubana.

Dagiti Proverbio 10:18

Ulbod ti tao a mangilemmeng iti gurana. Maag ti agiwaras iti pammadpadakes.

Dagiti Proverbio 25:18

Ti pammadpadakes, arigna iti natadem a kampilan wenno pang-or wenno natirad a pana.

Dagiti Proverbio 4:16

Saan a makaturog dagiti managdakdakes no dida makaaramid iti dakes. Agiddada a siririing no awan pay rinanggasanda.

Dagiti Proverbio 4:17

Pannakatinapay ken pannadanumda ti kinadakes ken kinaranggas.

Dagiti Proverbio 6:16

Pito a banag ti guraen ken saan a kayat ti Apo a maaramid: Natangsit a langa, naulbod a dila, ti mangpapatay iti awan basolna, ti agpanggep iti dakes, ti agdardaras a mapan agaramid iti maikaniwas, ti saksi nga agsao iti pasig nga ulbod, ken ti mangyeg iti pagapaan dagiti aggagayyem.

Isaias 59:13

Sinukirdaka, tinallikudandaka ket dimi kayat ti sumurot kenka. Pinarparigatmi ti padami a tao ket sinukirdaka. Pasig nga ulbod dagiti pampanunotenmi. Saan a pudno dagiti saomi.

Isaias 9:16

Dagiti pangulo dagiti Israelita ti nangallilaw ken nangyaw-awan a namimpinsan kadakuada.

Jeremias 12:6

Uray dagiti kakabsatmo, liniputandaka; dagiti kameng ti bukodmo a familia, tumiponda kadagiti mangdarup kenka. Dika agtalek kadakuada uray no nasayaat ti panagsaoda.”

Jeremias 6:28

Napalalo ti kinasukirda; agpagnapagnada a mamarpardaya. Kasda la bronse ken landok; naigamerda amin iti kinadakes.

Jeremias 9:8

Kasla makapatay a pana dagiti dilada; kanayon nga ulbod ti sawenda. Nasayaat ti panagsao ti tunggal maysa iti kaarrubana, ngem iti pusona, dakes ti panggepna.

Ezekiel 22:9

Adda dagiti tattaom nga agsaksi iti ulbod tapno mapapatay ti padada a tao. Mangan ti dadduma kadagiti taraon a naidaton kadagiti didiosen. Adda dagiti kankanayon nga agaramid iti kinaderrep.

Levitico 19:16

Diyo padpadaksen ti uray siasinoman. No adda agpeggad ti biagna, agsaoka a mangisakit kenkuana. Siak ni Yahweh.

Malakias 2:10

Saan kadi a maymaysa ti amatayo? Saan kadi nga isu met la a Dios ti namarsua kadatayo? Apay ngarud a saantayo a tungpalen ti karitayo iti tunggal maysa? Apay a laisentayo ti nagtulagan ti Dios ken dagiti kapuonantayo?

San Mateo 10:17

Agannadkayo, ta addanto dagiti tattao a mangtiliw ken mangisaklang kadakayo iti pangukoman. Saplitendakayto iti uneg dagiti sinagoga.

San Mateo 10:21

“Papapatayto dagiti tattao dagiti bukodda a kakabsat. Kastanto met ti aramiden dagiti amma kadagiti annakda. Busorento dagiti annak dagiti nagannak kadakuada ket papapataydanto ida.

San Lucas 21:16

Yawatdakayto dagiti nagannak kadakayo, dagiti kakabsatyo, dagiti kakabagianyo, dagiti gagayyemyo. Papatayendanto ti sumagmamano kadakayo.

1 Taga-Tesalonica 4:6

Awan koma ngarud ti siasinoman a mangilupit wenno manggundaway iti kabsatna. Imbagamin daytoy ket nainget ti panangballaagmi kadakayo a dusaento ti Dios dagiti agaramid kadagiti kakastoy a kinadakes.